சமையலுக்கு முக்கிய தேவையான காய்கறிகள் பல்வேறு மாவட்டங்களில் இருந்து சென்னை கோயம்பேடு மொத்த சந்தைக்கு வருகிறது. அங்கிருந்து சென்னை மற்றும் புறநகர் பகுதிக்கு விற்பனைக்கு கொண்டு செல்லப்படுகிறது. இந்தநிலையில் தக்காளி விலையானது சரிந்தும், இஞ்சி விலை அதிகரித்தும் விற்பனையாகிறது.
காய்கறி விலை என்ன.?
காய்கறிகளின் வரத்தை பொறுத்து விற்பனை விலையானது நிர்ணயம் செய்யப்படுகிறது. அந்த வகையில், கோயம்பேடு சந்தையில் காய்கறி விலையானது சற்று உயர்ந்துள்ளது. பெரிய வெங்காயம் ஒரு கிலோ 30 ரூபாய்க்கும், சின்ன வெங்காயம் ஒரு கிலோ 60 ரூபாய்க்கும் விற்பனை செய்யப்பட்டு வருகிறது. பச்சை மிளகாய் ஒரு கிலோ 35 ரூபாயும், பீட்ரூட் ஒரு கிலோ 35 ரூபாயும், உருளைக்கிழங்கு ஒரு கிலோ 30 ரூபாய்க்கு விற்பனை ஆகிறது.
முருங்கைக்காய் விலை என்ன.?
குடைமிளகாய் ஒரு கிலோ 30 ரூபாய், பாகற்காய் ஒரு கிலோ 30 ரூபாய்க்கும், சுரக்காய் ஒரு கிலோ 20 ரூபாய்க்கும், பட்டர் பீன்ஸ் ஒரு கிலோ 90 ரூபாய்க்கு விற்பனை செய்யப்படுகிறது. அவரைக்காய் ஒரு கிலோ 90 ரூபாய்க்கும், முட்டைக்கோஸ் ஒரு கிலோ 8 ரூபாய், கேரட் ஒரு கிலோ 35 ரூபாய்க்கும், கொத்தவரை ஒரு கிலோ 25 ரூபாய்க்கும் விற்பனை ஆகிறது.
முருங்கைக்காய் ஒரு கிலோ 20 ரூபாய்க்கும், கத்தரிக்காய் ஒரு கிலோ 30 ரூபாய், பெரிய கத்தரிக்காய் ஒரு கிலோ 50 ரூபாய்,பச்சை கத்தரிக்காய் 30 ரூபாய்க்கு விற்பனை செய்யப்படுகிறது.
இஞ்சி விலை அதிகரிப்பு
நேற்று ஒரு கிலோ இஞ்சி நேற்று 300 ரூபாய்க்கு விற்பனை செய்யப்பட்டு வந்த நிலையில் இன்று 260 ரூபாய்க்கு விற்பனை செய்யப்படுகிறது. தக்காளி விலை கடந்த சில மாதங்களாக உச்சத்தில் இருந்து தற்போது படிப்படியாக குறைந்து வருகிறது. கோயம்பேடு சந்தைக்கு தக்காளி வரத்து அதிகரித்து உள்ளதன் காரணமாக இன்று ஒரு கிலோ தக்காளி 18 ரூபாய்க்கு விற்பனை செய்யப்படுகிறது.
இதையும் படியுங்கள்
சேனலை கிளிக் செய்து பின்தொடரவும்