TN Heavy Rain Alert : தமிழகத்தில் நாளை கனமழை எச்சரிக்கை.. 8 மாவட்டங்களுக்கு அலர்ட் – உங்கள் மாவட்டம் இதில் இருக்கிறதா?

Published : Nov 22, 2026, 04:58 PM IST

TN Heavy Rain Alert : தமிழகத்தில் நவம்பர் 23 முதல் கனமழை பெய்ய வாய்ப்புள்ளதாக இந்திய வானிலை ஆய்வு மையம் எச்சரித்துள்ளது. கடலூர், டெல்டா, தென் மாவட்டங்கள் உள்ளிட்ட பகுதிகளில் மழை தீவிரமடையலாம். மாவட்ட வாரியான வானிலை நிலவரம் இதோ.

PREV
15
தமிழகத்தில் நாளை கனமழை எச்சரிக்கை

தமிழகத்தில் கடந்த சில நாட்களாக மழையின் தாக்கம் குறைந்து, பல்வேறு மாவட்டங்களில் வறண்ட வானிலை நிலவி வந்தது. இதனால் வடகிழக்குப் பருவமழை மீண்டும் எப்போது தீவிரமடையும் என்ற எதிர்பார்ப்பு மக்களிடையே இருந்து வந்தது. இந்த நிலையில், தமிழகத்தில் மீண்டும் மழை தீவிரமடைய உள்ளதாக இந்திய வானிலை ஆய்வு மையம் எச்சரிக்கை விடுத்துள்ளது.

குறிப்பாக நாளை (நவம்பர் 23) சில மாவட்டங்களில் கனமழை பெய்யக்கூடும் என்பதால் பொதுமக்கள் எச்சரிக்கையுடன் இருக்க வேண்டியது அவசியம். கடலோர மாவட்டங்கள், டெல்டா பகுதிகள் மற்றும் தென் தமிழகத்தின் சில இடங்களில் இடியுடன் கூடிய மழை பெய்ய வாய்ப்புள்ளது.

மேலும், மணிக்கு 40 முதல் 50 கி.மீ. வேகத்தில் பலத்த காற்று வீசக்கூடும் என்றும் இந்திய வானிலை ஆய்வு மையம் எச்சரித்துள்ளது. அப்படியானால் நாளை எந்தெந்த மாவட்டங்களில் கனமழை பெய்யும்? சென்னையில் மழை பெய்யுமா? அடுத்த சில நாட்களுக்கு வானிலை எப்படி இருக்கும்? விரிவாகப் பார்க்கலாம்.

25
அதிகாரப்பூர்வ வானிலை அறிக்கை என்ன சொல்கிறது?

இந்திய வானிலை ஆய்வு மையம் (IMD) வெளியிட்ட செய்திக் குறிப்பின்படி, கிழக்குத் திசைக் காற்று அலைகளின் தாக்கத்தால் நாளை நவம்பர் 23 முதல் 27ஆம் தேதி வரை தமிழகத்தில் ஓரிரு இடங்களில் கனமழை பெய்ய வாய்ப்புள்ளது.

நாளை கனமழை பெய்ய வாய்ப்புள்ள மாவட்டங்கள்

சென்னை மண்டல வானிலை ஆய்வு மையம் வெளியிட்டுள்ள அதிகாரப்பூர்வ முன்னறிவிப்பின்படி, நவம்பர் 23 ஆம் தேதி 1

1. கடலூர்

2. தஞ்சாவூர்

3. திருவாரூர்

4. நாகப்பட்டினம்

5. மயிலாடுதுறை

6. புதுக்கோட்டை

7. சிவகங்கை

8. ராமநாதபுரம்

புதுச்சேரி மற்றும் காரைக்கால் பகுதிகளிலும் ஓரிரு இடங்களில் கனமழை பெய்யக்கூடும் எனத் தெரிவிக்கப்பட்டுள்ளது.

35
மிதமான மழை

மிதமான மழைக்கு வாய்ப்புள்ள மாவட்டங்கள்

நாளை தமிழகத்தின் பல்வேறு உள் மாவட்டங்களிலும் மிதமான மழை பெய்ய வாய்ப்புள்ளது.

குறிப்பாக,

  • சென்னை
  • திருவள்ளூர்
  • செங்கல்பட்டு
  • காஞ்சிபுரம்
  • ராணிப்பேட்டை
  • சேலம்
  • திருவண்ணாமலை
  • விழுப்புரம்
  • கள்ளக்குறிச்சி
  • நாமக்கல்
  • கரூர்
  • திருச்சிராப்பள்ளி
  • பெரம்பலூர்
  • அரியலூர்
  • திண்டுக்கல்
  • மதுரை
  • விருதுநகர்
  • தென்காசி
  • தூத்துக்குடி
  • திருநெல்வேலி
  • கன்னியாகுமரி


ஆகிய மாவட்டங்களில் ஒருசில இடங்களில் மிதமான மழை பெய்யக்கூடும். சில இடங்களில் இடி, மின்னலுடன் மழை பெய்யவும் வாய்ப்புள்ளது.

45
சென்னையில் மழை பெய்யுமா

சென்னையைப் பொறுத்தவரை நாளை வானம் ஓரளவு மேகமூட்டத்துடன் காணப்படலாம். நகரின் ஒருசில பகுதிகளில் மிதமான மழை மற்றும் இடியுடன் கூடிய மழைக்கு வாய்ப்புள்ளது. திருவள்ளூர், செங்கல்பட்டு, காஞ்சிபுரம் மாவட்டங்களிலும் மழை பெய்யக்கூடும்.

இடி, மின்னலுடன் பலத்த காற்று வீசும்

தமிழகத்தின் ஓரிரு இடங்களில் இடி, மின்னலுடன் மழை பெய்யலாம். மணிக்கு 40 முதல் 50 கி.மீ. வேகத்தில் பலத்த காற்று வீசக்கூடும். புதுச்சேரி, காரைக்கால் பகுதிகளிலும் இதேபோன்ற வானிலை நிலவலாம்.

எனவே, இடியுடன் கூடிய மழை பெய்யும்போது திறந்தவெளிகள், மரங்களின் அடிப்பகுதி மற்றும் மின்கம்பங்கள் அருகில் நிற்பதைத் தவிர்க்க வேண்டும்

55
அடுத்த 5 நாட்களுக்கு தமிழகத்தில் மழை எப்படி இருக்கும்?

சென்னை வானிலை ஆய்வு மையத்தின் முன்னறிவிப்பின்படி, அடுத்தடுத்த நாட்களிலும் தமிழகத்தின் பல்வேறு பகுதிகளில் மழை நீடிக்க வாய்ப்புள்ளது.

தேதி மற்றும் கனமழை பெய்ய வாய்ப்புள்ள மாவட்டங்கள்

நவம்பர் 23 - கடலூர், தஞ்சாவூர், திருவாரூர், நாகப்பட்டினம், மயிலாடுதுறை, புதுக்கோட்டை, சிவகங்கை, ராமநாதபுரம், தூத்துக்குடி

நவம்பர் 24 - சென்னை, திருவள்ளூர், செங்கல்பட்டு, காஞ்சிபுரம், ராணிப்பேட்டை, திருவண்ணாமலை, விழுப்புரம், கடலூர், தஞ்சாவூர், திருவாரூர், நாகப்பட்டினம், மயிலாடுதுறை, புதுக்கோட்டை, சிவகங்கை, ராமநாதபுரம், தூத்துக்குடி, திருநெல்வேலி, கன்னியாகுமரி

நவம்பர் 25 - தேனி, திண்டுக்கல், மதுரை, விருதுநகர்

நவம்பர் 26 - திண்டுக்கல், மதுரை, விருதுநகர், தேனி

நவம்பர் 27 - நீலகிரி, கோவை மாவட்ட மலைப்பகுதிகள், தேனி மாவட்ட மலைப்பகுதிகள்

பொதுமக்களுக்கு வானிலை ஆய்வு மையத்தின் அறிவுரை

மழை பெய்யும்போது தேவையற்ற பயணங்களைத் தவிர்க்கவும்.

  • இடி, மின்னல் ஏற்படும்போது திறந்தவெளிகளில் நிற்க வேண்டாம்.
  • மின்கம்பங்கள், மின்மாற்றிகள் மற்றும் அறுந்து கிடக்கும் மின்கம்பிகளைத் தொட வேண்டாம்.
  • தாழ்வான பகுதிகளில் தண்ணீர் தேங்கினால் எச்சரிக்கையாக இருக்கவும்.
  • விவசாயிகள் அறுவடைக்குத் தயாராக உள்ள பயிர்களைப் பாதுகாப்பான இடங்களில் சேமித்து வைக்க வேண்டும்.
  • வயல்களில் மழைநீர் தேங்காமல் வடிகால் வசதிகளை ஏற்படுத்த வேண்டும்.
Read more Photos on
click me!

Recommended Stories