Ration Card : சென்னையில் அக்டோபர் 10-ம் தேதி ரேஷன் குறைதீர் முகாம் நடைபெறுகிறது. குடும்ப அட்டையில் பெயர் சேர்த்தல், நீக்கம், முகவரி மற்றும் மொபைல் எண் மாற்றம் உள்ளிட்ட சேவைகளைப் பெறலாம்.
பொது விநியோகத் திட்டத்தின் கீழ் குடும்ப அட்டைதாரர்களுக்கு தேவையான சேவைகளை எளிதாக வழங்கவும், அவர்களின் குறைகளை நேரடியாகக் கேட்டுத் தீர்வு காணவும் தமிழ்நாடு முழுவதும் ஒவ்வொரு வட்டத்திலும் மாதந்தோறும் மக்கள் குறைதீர் முகாம் நடத்தப்பட்டு வருகிறது.
அதன்படி, அக்டோபர் மாதத்துக்கான மக்கள் குறைதீர் முகாம் வரும் அக்டோபர் 10-ம் தேதி சனிக்கிழமை சென்னையில் நடைபெற உள்ளது. காலை 10 மணி முதல் பிற்பகல் 1 மணி வரை, உணவுப் பொருள் வழங்கல் மற்றும் நுகர்வோர் பாதுகாப்புத் துறையின் சென்னையில் உள்ள 19 மண்டல உதவி ஆணையாளர் அலுவலகங்களில் இந்த முகாம் நடைபெறும் என அரசு தெரிவித்துள்ளது.
குடும்ப அட்டையில் பெயர் தொடர்பான மாற்றங்களைச் செய்ய விரும்புபவர்கள் இந்த முகாமைப் பயன்படுத்திக் கொள்ளலாம். குடும்ப அட்டையில் பெயர் சேர்த்தல், பெயர் நீக்கம் உள்ளிட்ட சேவைகள் மேற்கொள்ளப்படும். மேலும், குடும்ப அட்டையில் முகவரி மாற்றம் செய்ய வேண்டியவர்களும் முகாமில் தங்களது கோரிக்கையைத் தெரிவித்து தேவையான நடவடிக்கைகளைப் பெறலாம்.
குடும்ப அட்டையில் பதிவு செய்யப்பட்டுள்ள கைபேசி எண்ணை மாற்ற வேண்டும் என்றாலும் இந்த முகாமில் விண்ணப்பிக்கலாம். கைபேசி எண் பதிவு மற்றும் மாற்றம் உள்ளிட்ட பொது விநியோகத் திட்டம் தொடர்பான சேவைகள் இங்கு மேற்கொள்ளப்படும்.
குடும்ப அட்டையில் பதிவு செய்யப்பட்ட கைபேசி எண்ணுக்கு வரும் ஒருமுறை கடவுச்சொல் மூலமாக, அதாவது OTP மூலம் மட்டுமே சேவைகள் மேற்கொள்ளப்படும் என்பதால், குடும்ப அட்டைதாரர்கள் பதிவு செய்யப்பட்ட கைபேசியைத் தங்களுடன் எடுத்துச் செல்ல வேண்டும்.
நியாய விலைக் கடைகளின் செயல்பாடுகள் தொடர்பாக ஏதேனும் குறைகள் இருந்தால், அவற்றையும் இந்த மக்கள் குறைதீர் முகாமில் பொதுமக்கள் தெரிவிக்கலாம். அதேபோல், தனியார் சந்தையில் விற்கப்படும் பொருட்கள் அல்லது சேவைகளில் குறைபாடுகள் இருந்தாலும் புகார் அளிக்கலாம். பொதுமக்கள் தெரிவிக்கும் குறைகளை விரைந்து தீர்வு செய்ய உரிய நடவடிக்கை எடுக்கப்படும் என அரசு தெரிவித்துள்ளது.
நியாய விலைக் கடைக்கு நேரில் சென்று பொருட்களைப் பெற முடியாத மூத்த குடிமக்கள் உள்ளிட்டோருக்கு அங்கீகாரச் சான்று வழங்கப்படும். இதனால், நேரில் வருகை தர இயலாதவர்கள் தொடர்பான தேவையான நடவடிக்கைகளுக்கும் இந்த முகாம் உதவியாக இருக்கும். குடும்ப அட்டை மற்றும் பொது விநியோகத் திட்டம் தொடர்பான பிரச்சினைகள் இருந்தால், இந்த வாய்ப்பைப் பயன்படுத்திக் கொள்ளலாம்.
சென்னையில் உள்ள உணவுப் பொருள் வழங்கல் மற்றும் நுகர்வோர் பாதுகாப்புத் துறையின் 19 மண்டல உதவி ஆணையாளர் அலுவலகங்களில் இந்த முகாம் நடைபெறுகிறது.
தேதி: 10.10.2026, சனிக்கிழமை
நேரம்: காலை 10 மணி முதல் பிற்பகல் 1 மணி வரை
குடும்ப அட்டைதாரர்கள் தங்களுக்கு தொடர்புடைய மண்டல அலுவலகத்துக்குச் சென்று இந்தச் சேவைகளைப் பயன்படுத்திக் கொள்ளுமாறு அரசு கேட்டுக்கொண்டுள்ளது. முக்கியமாக, சேவைகள் பதிவு செய்யப்பட்ட கைபேசி எண்ணுக்கு வரும் OTP மூலம் மட்டுமே மேற்கொள்ளப்படும் என்பதால், அந்த கைபேசியை உடன் எடுத்துச் செல்வது அவசியம்.
