எகிறும் எதிர்பார்ப்புகள்.. அதிரும் அறிவிப்புகள்..? இன்று தாக்கலாகிறது இடைக்கால பட்ஜெட்

தமிழகத்தில் அடுத்த ஓரிரு மாதங்களில் சட்டமன்ற தேர்தல் நடைபெறவுள்ள நிலையில் 2026 – 27ம் நிதியாண்டுக்கான இடைக்கால பட்ஜெட்டை நிதியமைச்சர் தங்கம் தென்னரசு இன்று தாக்கல் செய்கிறார்.

தமிழக இடைக்கால பட்ஜெட்

ஒவ்வொரு நிதியாண்டும் பிப்ரவரி இறுதி வாரம் அல்லது மார்ச் முதல் வாரத்தில் நிதிநிலை அறிக்கை தாக்கல் செய்யப்படுவது வழக்கம். இந்த ஆண்டு தமிழகத்தில் சட்டமன்ற தேர்தல் நடைபெற உள்ளதால் நடப்பு நிதியாண்டுக்கான இடைக்கால பட்ஜெட்டை தமிழக நிதியமைச்சர் தங்கம் தென்னரசு இன்று தாக்கல் செய்கிறார். அதனைத் தொடர்ந்து வேளாண் அமைச்சர் பன்னீர்செல்வம் வேளாண் நிதிநிலை அறிக்கையை தாக்கல் செய்கிறார்.

கவர்ச்சிகர அறிப்புகள்..

சட்டப்பேரவையில் காலை 9.30 மணிக்கு நிதியமைச்சர் அறிக்கையை தாக்கல் செய்கிறார். விரைவில் தேர்தல் நடைபெற உள்ளதால் அசத்தலான அதிரடி அறிவிப்புகள் இடம்பெறும் என்று எதிர்பார்க்கப்படுகிறது. குறிப்பாக விவசாயிகள், பெண்கள், சிறு, குறு வணிகர்கள், இளைஞர்களைக் கவரும் வன்னம் பட்ஜெட்டில் அறிவிப்புகள் இடம் பெறக்கூடும்.

வேளாண் பட்ஜெட்டும் இன்றே தாக்கல்

இதனைத் தொடர்ந்து வேளாண் அமைச்சர் பன்னீர்செல்வம் வேளாண் நிதிநிலை அறிக்கையை தாக்கல் செய்ய உள்ளார். இதில் விவசாயிகள் பயன்பெறும் வகையில் பல்வேறு கவர்ச்சிகரமான அறிவிப்புகள் இடம்பெறக் கூடும்.

பட்ஜெட் தாக்கல் செய்யப்பட்ட பின்னர் சபாநாயகர் அப்பாவு தலைமையில் அலுவல் ஆய்வுக் கூட்டம் நடத்தப்பட்டு பட்ஜெட் கூட்டத்தொடரை எத்தனை நாட்கள் நடத்துவது என ஆலோசிக்கப்பட்டு முடிவெடுக்கப்படும்.