டிவி, பிரிட்ஜ், வாஷிங்மெஷின், ஏசி வாங்க இலவச கூப்பன்.. இல்லத்தரசிகள் குஷி.. திமுக தேர்தல் அறிக்கை!

டிவி, பிரிட்ஜ், வாஷிங்மெஷின், ஏசி வாங்க இலவச கூப்பன் வழங்கப்படும் என திமுக தேர்தல் அறிக்கையில் கூறப்பட்டுள்ளது. மேலும் மகளிர் உரிமைத் தொகை ரூ.2,000 ஆக உயர்த்தி வழங்கப்படும் எனவும் அறிவிக்கப்பட்டுள்ளது.

திமுக தேர்தல் அறிக்கை

தமிழகத்தில் சட்டப்பேரவை தேர்தல் நெருங்கி வரும் நிலையில், ஆளும் கட்சியான திமுக இன்று தேர்தல் அறிக்கையை வெளியிட்டுள்ளது. திமுக தலைவரும், முதல்வருமான மு.க.ஸ்டாலின் தேர்தல் அறிக்கையை வெளியிட்டுள்ளார். திமுக தேர்தல் அறிக்கையில் முக்கிய அம்சமாக வாஷிங்மெஷின், பிரிட்ஜ், டிவி, மிக்ஸி வாங்க இல்லத்தரசிகளுக்கு ரூ.8,000 கூப்பன் வழங்கப்படும் என அறிவிக்கப்பட்டுள்ளது. அதாவது இந்த பொருட்களை புதிதாக வாங்க அல்லது பழைய பொருட்களை கடைகளில் மாற்றிக்கொள்ள ரூ.8,000 கூப்பன் வழங்கப்படும்.

காலை உணவுத் திட்டம் விரிவாக்கம்

மேலும் மகளிர் உரிமைத் தொகை ரூ.2,000 ஆக உயர்த்தி வழங்கப்படும். முதலமைச்சரின் காலை உணவுத் திட்டம் 8ம் வகுப்பு வரை விரிவுப்படுத்தப்படும். புதுமைப் பெண் திட்டத்தில் தற்போது வழங்கப்படும் ரூ.1,000 உதவித் தொகை ரூ.1,500 ஆக உயர்த்தி வழங்கப்படும். இலவச மின்சாரம் பெற்று வரும் விவசாயிகளுக்கு மீட்டர் பொருத்தப்படாத நவீன பம்பு செட்டுகள் வழங்கப்படும். நெல் கொள்முதல் விலை குண்டால் ஒன்றுக்கு ரூ.3,500 ஆகவும், கரும்பு கொள்முதல் டன் ஒன்றுக்கு ரூ.4,500 ஆகவும் உயர்த்தி வழங்கப்படும். உயர்கல்வி மாணவர்கள் 35 லட்சம் பேருக்கு லேப்டாப் வழங்கப்படும் என பல்வேறு வாக்குகள் அளிக்கப்பட்டுள்ளன.