பயணிகளுக்கு ஷாக்.! மெட்ரோ ரயில் பயண நேரத்தில் மாற்றம்.! வெளியான முக்கிய அறிவிப்பு

சென்னை மெட்ரோவில் பச்சை மற்றும் நீல வழித்தடங்களில் வருடாந்திர பராமரிப்புப் பணிகள் நடைபெற உள்ளன. இதன் காரணமாக ரயில்கள் 14 நிமிட இடைவெளியில் இயக்கப்படும் என அறிவிக்கப்பட்டுள்ளது. 

சென்னை மெட்ரோ ரயில் சேவை

சென்னையில் மெட்ரோ ரயில் சேவை முக்கிய பங்கு வகிக்கிறது. நாளுக்கு நாள் மெட்ரோ ரயிலை பயன்படுத்துபவர்களின் எண்ணிக்கை அதிகரித்து கொண்டே செல்கிறது. குறிப்பிட்ட நேரத்தில் குறிப்பிட்ட இடத்திற்கு சென்று சேர மெட்ரோ ரயில் பெரும் பயனாக உள்ளது. இந்த நிலையில் பயணிகளுக்கு ஷாக் கொடுக்கும் வகையில் பயண நேரத்தில் திடீர் மாற்றம் செய்யப்பட்டுள்ளது. 

இது தொடர்பாக மெட்ரோ ரயில் நிர்வாகம் வெளியிட்டுள்ள அறிக்கையில், சென்னை மெட்ரோ இரயில் நிறுவனம் வருடாந்திர முன்னுரிமை பராமரிப்பு பணிகளின் ஒரு பகுதியாக பச்சை வழித்தடத்திலும் (Green Line) நீல வழித்தடத்திலும் (Blue Line) தண்டவாள பராமரிப்பு பணிகளை மேற்கொள்ள உள்ளது. பாதுகாப்பு நம்பகத்தன்மை மற்றும் சீரான இரயில் இயக்கத்தை உறுதிப்படுத்த இந்தப் பணி மிகவும் அவசியம்

பராமரிப்பு அட்டவணை மற்றும் மெட்ரோ இரயில் சேவை மாற்றங்கள்

பராமரிப்பு பணி காலம்: 20.10.2025 முதல் 24.10.2025 வரை.

நேரம்: காலை 05:00 மணி முதல் 06:30 மணி வரை

இந்தக் காலகட்டத்தில் மெட்ரோ இரயில் சேவை இயக்கப்படும் நேரங்கள்:

மெட்ரோ இரயில்கள் காலை 05:00 மணி முதல் 06:30 மணி வரை வழக்கமான 7 நிமிட இடைவெளிக்கு பதிலாக 14 நிமிட இடைவெளியில் இயக்கப்படும்.

காலை 06:30 மணிக்குப் பிறகு, மெட்ரோ இரயில் சேவைகள் வழக்கம் போல் எவ்வித மாற்றமும்மின்றி இயங்கும்.

இந்த மாற்றங்கள் பச்சை வழித்தடம் மற்றும் நீல வழித்தடங்களில் பராமரிப்பு நடவடிக்கைகள் மேற்கொள்ளப்படும் பகுதிகளுக்கு மட்டுமே பொருந்தும்

சென்னை மெட்ரோ பராமரிப்பு பணி

பராமரிப்புப் பணிகள் காரணமாக, சென்னை பயணிகள் தங்கள் பயணத்தைத் மெட்ரோ திட்டமிட்டுக்கொள்ளுமாறு இரயில் நிறுவனம் கேட்டுக்கொள்கிறது. இரயில் பாதை பராமரிப்புப் பணிகள், இரயில்களின் பாதுகாப்பான மற்றும் நம்பகமான இயக்கத்திற்கு மிகவும் அவசியம். பயணிகள் இந்த அறிவிப்பைக் கவனத்தில் கொள்ளுமாறு கேட்டுக்கொள்ளப்படுகிறார்கள். இந்த பராமரிப்புப் பணிகளால் ஏற்படும் சிரமத்திற்கு சென்னை மெட்ரோ இரயில் நிறுவனம் வருந்துகிறது.

மெட்ரோ ரயில் சேவை கூடுதல் தகவல்களுக்கு

பயணிகள் அனைவரும் சென்னை மெட்ரோ இரயில் நிறுவனத்தின் மொபைல் செயலி மற்றும் அதிகாரப்பூர்வ சமூக வலைத்தளங்கள் மூலம் அவ்வப்போது தகவல்களைத் தெரிந்துகொள்ளுமாறு கேட்டுக்கொள்ளப்படுகிறார்கள். மேலும் உதவிக்கு, சென்னை மெட்ரோ இரயில் நிறுவனத்தின் உதவி மையத்தை 1860-425-1515 என்ற எண்ணில் தொடர்பு கொள்ளலாம் www.chennaimetrorail.org என்ற இணையதளத்தைப் பார்வையிடலாம்.