AIADMK Rift: சட்டசபையில் வெளிப்பட்ட உட்கட்சிப் பூசல்; எம்.எல்.ஏ.க்கள் பதவியேற்பில் தனித்தனி கோஷ்டியாக வந்த அதிமுக!
ADMK MLA Oath Ceremony : தமிழ்நாடு சட்டசபையில் எடப்பாடி பழனிசாமி மற்றும் எஸ்.பி.வேலுமணி ஆதரவு எம்.எல்.ஏ.க்கள் தனித்தனி குழுக்களாக அமர்ந்திருந்தது அரசியல் வட்டாரங்களில் பரபரப்பை ஏற்படுத்தியுள்ளது.
தமிழ்நாடு சட்டசபையில் திங்கட்கிழமை எம்.எல்.ஏ.க்கள் பதவியேற்பு விழா நடைபெற்றது. அப்போது, அனைத்திந்திய அண்ணா திராவிட முன்னேற்றக் கழக (அதிமுக) எம்.எல்.ஏ.க்கள் சபைக்குள் தனித்தனி குழுக்களாக அமர்ந்திருந்ததால், கட்சிக்குள் இருக்கும் உட்கட்சிப் பூசல் அப்பட்டமாக வெளிப்பட்டது.
கட்சியின் பொதுச் செயலாளர் எடப்பாடி கே. பழனிசாமி ஆதரவு எம்.எல்.ஏ.க்கள் ஒரு பக்கமும், மற்றொரு கோஷ்டியைச் சேர்ந்த எஸ்.பி.வேலுமணி ஆதரவாளர்கள் இன்னொரு பக்கமும் தனித்தனியாக அமர்ந்திருந்ததாக தகவல்கள் தெரிவிக்கின்றன. இது கட்சிக்குள் நிலவும் கருத்து வேறுபாடுகளை பட்டவர்த்தனமாக காட்டியது. வெற்றிபெற்ற அதிமுக எம்.எல்.ஏ.க்கள் அனைவரும் பதவியேற்றாலும், சிவி சண்முகம் மட்டும் பதவி ஏற்கவில்லை. இன்று காலை சட்டமன்றத்துக்கு தனியாக வந்த அவர் பாதியிலேயே கிளம்பிச் சென்றிருக்கிறார். இதனால் பதவி ஏற்க அழைத்தபோது அவர் சபையில் இல்லை.