திரைத்துறையில் கலக்க வேண்டுமா.? அரசு திரைப்பட கல்லூரியில் பட்டப்படிப்பு- உடனே விண்ணப்பிக்க அழைப்பு

தமிழ்நாடு அரசு எம்.ஜி.ஆர் திரைப்படம் மற்றும் தொலைக்காட்சிப் பயிற்சி நிறுவனத்தில் 2025-2026 ஆம் கல்வியாண்டிற்கான இளங்கலை காட்சிக்கலை பட்டப்படிப்பில் சேர்க்கை தொடங்கியுள்ளது. 

தமிழ்நாடு அரசு எம்.ஜி.ஆர் திரைப்படம் மற்றும் தொலைக்காட்சிப் பயிற்சி நிறுவனம்

தமிழ்நாடு அரசு எம்.ஜி.ஆர் திரைப்படம் மற்றும் தொலைக்காட்சிப் பயிற்சி நிறுவனத்தில் பல்வேறு பிரபல இயக்குனர்கள், நடிகர்கள், ஒளிப்பதிவாளர்கள் பயின்றுள்ளனர். அந்த வகையில் திரைத்துறையில் சாதிக்க காத்திருக்கும் மாணவர்களுக்கு திரைப்பட கல்லூரி முக்கிய வழிகாட்டியாக உள்ளது. அந்த வகையில் இளங்கலை பட்டப்படிப்பிற்கான சேர்க்கை தொடங்கியுள்ளது. இது தொடர்பாக தமிழக அரசு வெளியிட்டுள்ள அறிவிப்பில்,

திரைப்பட கல்லூரியில் மாணவர்கள் சேர்க்கை

சென்னை தரமணியில் உள்ள தமிழ்நாடு அரசு எம்.ஜி.ஆர் திரைப்படம் மற்றும் தொலைக்காட்சிப் பயிற்சி நிறுவனத்தில் 2025-2026 கல்வியாண்டில் இளங்கலை காட்சிக்கலை (Bachelor of Visual Arts) எனும் நான்காண்டு கால பட்டப்படிப்பிற்கான கீழ்க்கண்ட பிரிவுகளில் மாணவர் சேர்கைக்கு இணைத்தளம் வழியாக விண்ணப்பங்கள் 28.04.2025 முதல் பெறப்பட்டு வருவதாக தெரிவிக்கப்பட்டுள்ளது.

இளங்கலை பட்டப்படிப்புகள் என்ன.?

1. இளங்கலை காட்சிக்கலை (ஒளிப்பதிவு) Bachelor of Visual Arts (Cinematography)

2. இளங்கலை காட்சிக்கலை (எண்மிய இடைநிலை) Bachelor of Visual Arts (Digital Intermediate)

3. இளங்கலை- காட்சிக்கலை (ஒலிப்பதிவு) Bachelor of Visual Arts (Audiography)

4. இளங்கலை காட்சிக்கலை (இயக்குதல் மற்றும் திரைக்கதை எழுதுதல்) Bachelor of Visual Arts (Direction and Screenplay writing)

5. இளங்கலை காட்சிக்கலை (படத்தொகுப்பு) Bachelor of Visual Arts (Film Editing)

6. இளங்கலை காட்சிக்கலை (உயிர்ப்பூட்டல் மற்றும் காட்சிப்பயன்) Bachelor of Visual Arts (Animation and Visual Effects)

விண்ணப்பிக்க வேண்டிய கடைசி நாள்

இளங்கலைக் காட்சிக்கலை பட்டப்படிப்புக்கு விண்ணப்பிக்க 28.05.2025 கடைசி நாள் என்பதால், கலை ஆர்வம் உள்ள மாணவ/மாணவியர் www.filminstitute.tn.gov.in விருப்பமுள்ள எனும் பாடப்பிரிவுகளுக்கு இணையத்தளத்தில், 

மாணவர் சேர்க்கைக்கான படிவத்தினை பயனாளர் கையேட்டின் (User Manual) அறிவுத்தலின்படி பூர்த்தி செய்து, விண்ணப்ப கட்டணம் செலுத்தி பதிவு செய்தும், அனைத்து உரிய ஆவணங்களுடன் 28.05.2025 மாலை 5.00 மணிக்குள் விண்ணப்பிக்கக் பதிவேற்றம் செய்து கேட்டுக்கொள்ளப்படுகிறது.