சின்ன பொண்ணுன்னு கூட பார்க்காமல்! ரூமில் வைத்து! வசமாக சிக்கிய திமுக பிரமுகர், துணை நடிகர்!

Chennai Crime: சென்னையில் சினிமா வாய்ப்பு தருவதாக கூறி சிறுமியை பாலியல் வன்கொடுமை செய்த வழக்கில், துணை நடிகர் பாரதி கண்ணா மற்றும் திமுக முன்னாள் ஊராட்சி மன்ற தலைவர் ரமேஷ் ஆகியோர் போக்சோ சட்டத்தின் கீழ் கைது செய்யப்பட்டுள்ளனர். 

சினிமா வாய்ப்பு

தமிழகத்தில் சினிமா வாய்ப்பு வாங்கி கொடுப்பதாக கூறி ஆசைவார்த்தை கூறி இளம்பெண்களை விபச்சாரத்தில் ஈடுபட்டு வரும் சம்பவங்கள் அதிகரித்து வருகிறது. போலீஸ் கைது நடவடிக்கை மேற்கொண்டாலும் அவ்வப்போது இதுபோன்ற சம்பவங்கள் நிகழ்ந்த வண்ணம் உள்ளது. தற்போது தலைநகர் சென்னையிலும் அரங்கேறியுள்ளது.

பாலியல் தொழில்

சிறுமியை பாலியல் தொழிலில் தள்ளி கொடுமைப்படுத்திய வழக்கில் கடந்த ஆகஸ்ட் மாதம் ஆந்திராவைச் சேர்ந்த துணை நடிகை நாகம்மாள் (45) உட்பட 6 பேரை கோயம்பேடு அனைத்து மகளிர் போலீசார் கைது செய்து சிறையில் அடைத்தனர். இந்த சம்பவத்தில் வேறு யாருக்கெல்லாம் தொடர்புள்ளது என தீவிரமாக விசாரணை மேற்கொள்ளப்பட்டு வந்தது.

திமுக பிரமுகர்

இதில், நெசப்பாக்கத்தைச் சேர்ந்த பாரதி கண்ணா (60) மற்றும் அவரது நண்பரான திருவள்ளுரைச் சேர்ந்த ரமேஷ் (40) ஆகிய இருவரும், கோயம்பேட்டில் உள்ள ஒரு தனியார் விடுதியில், சிறுமியை அடைத்து வைத்து பாலியல் தொந்தரவு செய்தது தெரியவந்தது. இதில், பாரதி கண்ணா ரியல் எஸ்டேட் தொழில் செய்து வருவதும், பட்டய கிளப்பு, பேய காணோம் ஆகிய திரைப்படங்களில் துணை நடிகராக நடித்துள்ளதும் தெரிய வந்தது.

போக்சோவில் கைது

திமுக பிரமுகரான ரமேஷ், ஊராட்சி மன்ற முன்னாள் தலைவராக இருந்துள்ளதும் தெரிய வந்தது. தலைமறைவாக இருந்த இருவரையும் போலீசார் கைது செய்தனர். இருவர் மீதும், குழந்தைகளை பாலியல் வன்கொடுமை குற்றங்களில் இருந்து பாதுகாக்கும் 'போக்சோ' சட்டத்தின் கீழ் வழக்கு பதிவு செய்து போலீசார் கைது செய்தனர். இந்த வழக்கில் தொடர்புடைய மேலும் சிலரை தேடி வருகின்றனர். கோயம்பேடு விடுதியில் அடைத்து வைத்து, சிறுமிக்கு பாலியல் வன்கொடுமை செய்த வழக்கில் துணை நடிகர் மற்றும் திமுக நிர்வாகி கைது செய்யப்பட்ட சம்பவம் அதிர்ச்சியை ஏற்படுத்தியுள்ளது.

இதனிடையே சினிமா இயக்குநரும், நடிகருமான பாரதி கண்ணன் வீடியோ ஒன்றை வெளியிட்டு, போக்சோ சட்டத்தில் கைது செய்யப்பட்டது தான் இல்லை என்று கூறியிருக்கிறார்.