2026ம் ஆண்டில் எந்த மாதத்தில் அதிக விடுமுறை! ஜனவரியில் கொண்டாட்டம், ஜூன் மாதத்தில் காத்திருக்கும் அதிர்ச்சி!

தமிழக அரசு 2026 ஆம் ஆண்டுக்கான பொது விடுமுறை நாட்களை அறிவித்துள்ளது. இந்த ஆண்டில் மொத்தம் 24 பொது விடுமுறைகள் உள்ளன, இதில் ஜனவரி மாதத்தில் அதிகபட்சமாக 5 நாட்கள் விடுமுறை வருகிறது. பல விடுமுறைகள் வெள்ளிக்கிழமைகளில் வருவதால் கொண்டாட்டம்.

பொது விடுமுறை நாட்கள்

2025ம் ஆண்டு முடிவடைய இன்னும் 42 நாட்களே உள்ள நிலையில் 2026-ம் ஆண்டு நெருங்கி வரும் நிலையில் எத்தனை நாட்கள் பொது விடுமுறை நாட்கள் இருக்கும் என்பதை தெரிந்து கொள்வதில் அரசு ஊழியர்கள் ரொம்ப ஆர்வமாக இருப்பார்கள். அரசு விடுமுறை நாட்கள், வங்கி விடுமுறைகள், பொது விடுமுறைகள், மத்திய அரசு மற்றும் மாநில அரசு விடுமுறை என பல விடுமுறை நாட்கள் அடங்கும். ஒவ்வொரு ஆண்டும் தமிழ்நாட்டில் பொது விடுமுறை நாட்கள் குறித்த அறிவிப்புகள் வெளியிடப்பட்டு வருகின்றன. அந்த வகையில் 2026-ம் ஆண்டுக்கான பொதுவிடுமுறை நாட்களை தமிழக அரசு சமீபத்தில் அறிவித்திருந்தது. அதன்படி எந்தெந்த மாதங்களில் அதிக விடுமுறைகள் நாட்கள் வருகிறது என்பதை பார்ப்போம்.

ஜனவரி மாதம்

ஜனவரி 1 ஆங்கிலப் புத்தாண்டு (வியாழக் கிழமை), ஜனவரி 15 பொங்கல் (வியாழக் கிழமை), ஜனவரி 16 திருவள்ளுவர் தினம் (வெள்ளிக் கிழமை), ஜனவரி 17 உழவர் திருநாள் (சனிக்கிழமை), ஜனவரி 26 குடியரசு தினம் (திங்கட் கிழமை).

பிப்ரவரி, மார்ச் விடுமுறை

பிப்ரவரி 01 தைப்பூசம் (ஞாயிற்றுக் கிழமை), மார்ச் 19 தெலுங்கு வருடப் பிறப்பு (வியாழக் கிழமை), மார்ச் 21 ரம்ஜான் ( சனிக்கிழமை), மார்ச் 31 மகாவீரர் ஜெயந்தி (செவ்வாய்க்கிழமை).

ஏப்ரல், மே மாதம் விடுமுறை

ஏப்ரல் 1 வங்கிகள் ஆண்டு கணக்கு முடிவு/ வணிக கூட்டுறவு ( புதன்கிழமை), ஏப்ரல் 03 புனித வெள்ளி (வெள்ளிக்கிழமை), ஏப்ரல் 14 தமிழ் புத்தாண்டு/ டாக்டர் பி.ஆர்.அம்பேத்கர் பிறந்த தினம் (செவ்வாய் கிழமை), மே 1 உழைப்பாளர் தினம் (வெள்ளிக்கிழமை) மே 28 பக்ரீத் (வியாழக் கிழமை), மொகரம் ஜூலை 7 (வெள்ளிக்கிழமை).

ஆகஸ்ட் மாதம்

ஆகஸ்ட் 15 சுதந்திர தினம் (சனிக்கிழமை), ஆகஸ்ட் 26 மிலாதுன் நபி (புதன்கிழமை), செப்டம்பர் 04 கிருஷ்ணர் ஜெயந்தி (வெள்ளிக்கிழமை), செப்டம்பர் 14 விநாயகர் சதூர்த்தி (திங்கட் கிழமை), அக்டோபர் 02 காந்தி ஜெயந்தி (வெள்ளிக் கிழமை), அக்டோபர் 19 ஆயுத பூஜை (திங்கட் கிழமை), அக்டோபர் 20 விஜயதசமி (செவ்வாய்க்கிழமை), நவம்பர் 08 தீபாவளி (ஞாயிற்றுக் கிழமை), டிசம்பர் 25 கிருஸ்துமஸ் (வெள்ளிக் கிழமை) இந்த விடுமுறை தமிழ்நாட்டிலுள்ள வணிக வங்கிகள் மற்றும் கூட்டுறவு வங்கிகளுக்கு மட்டுமே பொருந்தும். மொத்தம் 24 நாட்கள் பொது விடுமுறைகள் வருகின்றன.

ஜனவரி மாதத்தில் 5 நாட்கள் விடுமுறை

அதிகபட்சமாக ஜனவரி மாதத்தில் 5 நாட்கள் விடுமுறை கிடக்கிறது. அதேபோல் மார்ச், ஏப்ரல், அக்டோபர் மாதங்களில் 3 நாட்கள் விடுமுறை வருகிறது. இதில், 7 நாட்கள் வெள்ளிக்கிழமைகளில் வருவதால் தொடர்ந்து 3 நாட்கள் விடுமுறை கிடைக்கும். மேலும் இரண்டு நாட்கள் சனிக்கிழமையிலும், தீபாவளி ஞாயிற்றுக்கிழமையில் வருகிறது. ஜூன் மாதத்தில் மட்டும் எந்த ஒரு பொது விடுமுறையும் இல்லை என்பதால் பள்ளி மாணவர்களை சோகத்தில் ஆழ்த்தியது. குறிப்பாக 2025-ம் ஆண்டில் அனைத்து சனி மற்றும் ஞாயிற்றுக் கிழமைகளும் பொது விடுமுறை நாட்களாக அறிவிக்கப்பட்டுள்ளது.