Exam: 10ம் வகுப்பு பொதுத்தேர்வில் கணிதம், அறிவியல், சமூக அறிவியல் ஆகிய பாடங்களுக்கு தேர்வர்களின் முகப்புத் தாள்கள் முதன்மை விடைத்தாள்களுடன் தைக்கப்பட்டுள்ளதை தேர்வுக்கு முன்னரே உறுதி செய்ய வேண்டும்.
தமிழகத்தில் 10ம் வகுப்பு பொதுத்தேர்வு மார்ச் 11ம் தேதி தொடங்கி நடைபெற்று வருகிறது. இதுவரை தமிழ் மற்றும் ஆங்கில தேர்வு நடைபெற்றுள்ளது. இந்நிலையில் மார்ச் 25ம் தேதி கணிதம், மார்ச் 30 அறிவியல், ஏப்ரல் 2 சமூக அறிவியல், ஏப்ரல் 6 விருப்ப மொழிப்பாட தேர்வு நடைபெற உள்ளது.
24
அரசு தேர்வுகள் இயக்ககம்
இந்நிலையில் தற்போது நடைபெற்று வரும் 10ம் வகுப்பு பொதுத்தேர்வு தொடர்பான விதிமுறைகளில் அரசு தேர்வுகள் இயக்ககம் அதிரடி மாற்றங்களை செய்துள்ளது. அதாவது சம்பந்தப்பட்ட பாட ஆசிரியர்களை இந்த பணிக்கு நியமிக்க கூடாது என அறிவுறுத்தியுள்ளது.
34
தேர்வுக்கு முன்னரே உறுதி செய்ய வேண்டும்
இதுகுறித்து அரசு தேர்வுத் துறை இயக்குநர் அனைத்து மாவட்ட முதன்மைக் கல்வி அலுவலர்களுக்கும் அனுப்பிய சுற்றறிக்கையில்: பத்தாம் வகுப்பு பொதுத்தேர்வு கடந்த மார்ச் 11-ம் தேதி தொடங்கி நடைபெற்று வருகிறது. இந்த வகுப்புக்கான கணிதம், அறிவியல், சமூக அறிவியல் ஆகிய பாடங்களுக்கு தேர்வர்களின் முகப்புத் தாள்கள் முதன்மை விடைத்தாள்களுடன் தைக்கப்பட்டுள்ளதை தேர்வுக்கு முன்னரே உறுதி செய்ய வேண்டும்.
இதுதவிர, சொல்வதை எழுதுபவர் (ஸ்கிரைப்) நியமனங்களில் தேர்வு நடைபெறும் பாடத்தை பயிற்றுவிக்கும் ஆசிரியர்களை நியமிக்கக்கூடாது. அதேபோல, பத்தாம் வகுப்பு பொதுத் தேர்வின் அறை கண்காணிப்பு பணியில் 6 முதல் 8-ம் வகுப்பு வரை பயிற்றுவிக்கும் ஆசிரியர்கள்தான் நியமிக்கப்பட வேண்டும். தேர்வர்களுக்கு வழங்கப்படும் கோடிடப்படாத கூடுதல் விடைத்தாள்களை போதுமான அளவு பெற்று வைத்துக் கொள்ள வேண்டும். இவ்வாறு அதில் தெரிவிக்கப்பட்டுள்ளது. பத்தாம் வகுப்பு பொதுத் தேர்வுகள் ஏப்ரல் 6-ம் தேதியுடன் நிறைவடைய உள்ளது குறிப்பிடத்தக்கது.
