CSK vs KKR: உங்க சேவை போதும்! முக்கிய ஃபாஸ்ட் பவுலரை நீக்கிய சிஎஸ்கே! பிளேயிங் லெவன்!

சிஎஸ்கே அணி கொல்கத்தா நைட் ரைடர்ஸ் அணிக்கு எதிரான போட்டியில் நாளை விளையாட உள்ள நிலையில், அந்த அணியின் பிளேயிங் லெவன் குறித்த தகவல் வெளியாகி உள்ளது.

CSK playing eleven against KKR: ஐபிஎல் கிரிக்கெட் தொடர் விறுவிறுப்பாக நடந்து வரும் நிலையில், சென்னை சேப்பாக்கம் மைதானத்தில் நாளை நடைபெறும் ஆட்டத்தில் சென்னை சூப்பர் கிங்ஸ் மற்றும் கொல்கத்தா நைட் ரைடர்ஸ் அணிகள் மோதுகின்றன. நடப்பு ஐபிஎல் தொடரில் சிஎஸ்கே மிகவும் படுமோசமாக விளையாடி வருகிறது. இதுவரை 5 போட்டியில் விளையாடியுள்ள தொடர்ந்து 4 தோல்வி அடைந்து ஒரே ஒரு வெற்றியுடன் 2 புள்ளிகள் பெற்று 9வது இடத்தில் உள்ளது.

CSK vs KKR, IPL

முதல் ஆட்டத்தில் மும்பை இந்தியனஸ் உடன் போராடி வெற்றி பெற்ற சிஎஸ்கே, அதனைத் தொடர்ந்து விளையாடிய மூன்று போட்டிகளிலும் படுதோல்வி அடைந்தது. பஞ்சாப் கிங்ஸ் அணிக்கு எதிரான போட்டியில் ஓரளவு போராடி தோல்வி அடைந்தது. சிஎஸ்கே அணியை பொறுத்தவரை அனைத்து துறைகளிலும் பெரும் பிரச்சனை நிலவி வருகிறது. 

டாப் ஆர்டர் பேட்ஸ்மேன்களான ரச்சின் ரவீந்திரா, ருத்ராஜ் கெய்க்வாட்டிடம் இருந்து பெரிய அளவில் ரன்கள் வரவில்லை. இதேபோல் மிடில் ஆர்டரில் தோனி மட்டுமே ஓரளவு அதிரடியாக விளையாடுகிறார். விஜய் சங்கர், ரவீந்திர ஜடேஜா அதிரடியாக ஆட திணறுகிறார்கள். பவுலிங்கை பொறுத்தவரை கலீல் அகமது, நூர் அகமது சிறப்பாக செயல்படுகின்றனர். ரவீந்திரா ஜடேஜா ஓரளவு சிறப்பாக உள்ளார். ரவிச்சந்திரன் அஸ்வின், முகேஷ் செளத்ரி பவுலிங் மிக மோசமாக உள்ளது.

IPL 2025, Cricket

மதிஷா பதிரனா கடந்த போட்டியில் சொதப்பி இருந்தாலும் அவர் மீது பெரிய எதிர்பார்ப்பு உள்ளது. மேலும் பீல்டிங்கிலும் சிஎஸ்கே மோசமாக செயல்பட்டு வருகிறது. பஞ்சாப்புக்கு எதிரான போட்டியில் கைக்கு வந்த சில கேட்ச்களை கோட்டை விட்டனர். சென்னை சூப்பர் கிங்ஸ் அணி பிளே ஆப் சுற்றுக்கு தகுதி பெற வேண்டுமானால் எஞ்சிய போட்டிகளில் குறைந்தது 7ல் வெற்றி பெற வேண்டும்.

ஆகவே கொல்கத்தாவுக்கு எதிரான போட்டி சென்னைக்கு மிகவும் முக்கியத்துவம் வாய்ந்ததாகும். தொடரில் நீடிக்க வேண்டுமானால் இந்த போட்டியில் கண்டிப்பாக வெற்றி பெற வேண்டும். கொல்கத்தவுக்கு எதிரான போட்டி சென்னை சேப்பாக்கம் மைதானத்தில் நடப்பதால் சிஎஸ்கே பிளேயிங் வெலவனில் பெரிய அளவில் மாற்றம் இருக்காது என எதிர்பார்க்கப்படுகிறது. 

Ravichandran Ashwin, CSK

ஒரே ஒரு மாற்றமாக கடந்த இரண்டு போட்டியிலும் சொதப்பிய அந்த அணியின் ஃபாஸ்ட் பவுலர் முகேஷ் செளத்ரி அணியில் இருந்து நீக்கப்படுகிறார். அவருக்கு பதிலாக மீடியம் ஃபாஸ்ட் போடுவது மட்டுமின்றி பேட்டிங்கும் செய்யும் அன்ஷுல் காம்போஜ் இடம்பெற இருக்கிறார். அஸ்வின் நன்றாக பவுலிங் போடவில்லை என்றாலும் சென்னை சேப்பாக்கம் மைதானம் ஸ்பின்னுக்கு உகந்தது என்பதால் அவருக்கு இடம் கிடைக்க வாய்ப்புள்ளது.

கொல்கத்தா அணிக்கு எதிரான போட்டியில் ஓப்பனிங்கில் ரச்சின் ரவீந்திரா, டெவான் கான்வே களமிறங்குகிறனர். ருத்ராஜ் கெய்க்வாட் வழக்கம்போல் 3வது இடத்தில் பேட்டிங் செய்கிறார். இதன்பிறகு விஜய் சங்கர், ஷிவம் துபே, ரவீந்திர ஜடேஜா விளையாட உள்ளனர். கடைசியில் தோனி, பேட்டிங் செய்ய இருக்கிறார். ஸ்பின் பவுலிங்கை பொறுத்தவரை ஜடேஜா, நூர் அகமது, அஸ்வின் உள்ளனர்.

CSK Playing 11

பாஸ்ட் பவுலிங்கை பொறுத்தவரை பதிரனா, கலீல் அகமது, அன்ஷுல் காம்போஜ் பலம் சேர்க்க உள்ளனர். கொல்கத்தா நைட் ரைடர்ஸ் அணிக்கு எதிராக சிஎஸ்கே பிளேயிங் லெவன்: ருத்ராஜ் கெய்க்வாட் (கேப்டன்), ரச்சின் ரவீந்திரா, டெவான் கான்வே, விஜய் சங்கர், ரவீந்திர ஜடேஜா, மகேந்திர சிங் தோனி, ரவிச்சந்திரன் அஸ்வின், அன்ஷுல் காம்போஜ், நூர் அகமது, கலீல் அகமது, மதிஷா பதிரனா.