Sunrisers Hyderabad vs Royal Challengers Bengaluru, 41st Match
ராயல் சேலஞ்சர்ஸ் பெங்களூரு மற்றும் சன்ரைசர்ஸ் ஹைதராபாத் அணிகளுக்கு இடையிலான 41ஆவது லீக் போட்டி ஹைதராபாத்தில் நடைபெற்றது. இதில், டாஸ் வென்ற ஆர்சிபி கேப்டன் ஃபாப் டூப்ளெசிஸ் பேட்டிங் தேர்வு செய்தார். அதன்படி முதலில் பேட்டிங் செய்த ஆர்சிபி 20 ஓவர்களில் 7 விக்கெட்டுகளை இழந்து 206 ரன்கள் குவித்தது. இதில், அதிகபட்சமாக விராட் கோலி 51 ரன்னும், ரஜத் படிதார் 50 ரன்னும் எடுத்தனர்.
26
Sunrisers Hyderabad vs Royal Challengers Bengaluru, 41st Match
பின்னர், 207 ரன்களை வெற்றி இலக்காக கொண்ட சன்ரைசர்ஸ் ஹைதராபாத் அணியில் டிராவிஸ் ஹெட் மற்றும் அபிஷேக் சர்மா இருவரும் தொடக்க வீரர்களாக களமிறங்கினர். இதில் ஹெட் முதல் ஓவரிலேயே ஒரு ரன்னில் ஆட்டமிழந்தார். அடுத்து அபிஷேக் சர்மா 31 ரன்னிலும், எய்டன் மார்க்ரம் 7 ரன்னிலும், ஹென்ரிச் கிளாசென் 7 ரன்னிலும் ஆட்டமிழந்தனர். இதன் மூலமாக சன்ரைசர்ஸ் 6 ஓவர்களில் 4 விக்கெட்டுகளை இழந்து 62 ரன்கள் மட்டுமே எடுத்தது.
36
Sunrisers Hyderabad vs Royal Challengers Bengaluru, 41st Match
நிதிஷ் குமார் ரெட்டி 13, அப்துல் சமாத் 10 என்று ஒவ்வொருவரும் சொற்ப ரன்களில் ஆட்டமிழந்தனர். அதன் பிறகு வந்த கேப்டன் பேட் கம்மின்ஸ் அதிரடியாக ஆரம்பித்தார். 3 சிக்ஸர்கள், ஒரு பவுண்டரி உள்பட 31 ரன்களில் ஆட்டமிழந்தார். புவனேஷ்வர் குமார் 13 ரன்னில் வெளியேற, ஷாபாஸ் அகமது நிதானமாக விளையாடி 37 பந்துகளில் ஒரு பவுண்டரி, ஒரு சிக்ஸர் உள்பட 40 ரன்கள் எடுத்து ஆட்டமிழக்காமல் இருந்தார். இறுதியாக ஜெயதேவ் உனத்கட் 8 ரன்கள் எடுத்தார்.
46
Sunrisers Hyderabad vs Royal Challengers Bengaluru, 41st Match
இதன் மூலமாக சன்ரைசர்ஸ் ஹைதராபாத் 20 ஓவர்களில் 8 விக்கெட்டுகளை இழந்து 171 ரன்கள் மட்டுமே எடுத்து 35 ரன்கள் வித்தியாசத்தில் தோல்வி அடைந்தது. இதுவரையில் சொந்த மண்ணில் ஹைதராபாத் தோற்காத நிலையில், இந்தப் போட்டியில் தோல்வியை தழுவியுள்ளது.
56
Sunrisers Hyderabad vs Royal Challengers Bengaluru, 41st Match
இந்த நிலையில், இந்தப் போட்டியில் அபிஷேக் சர்மா சிக்ஸர் அடித்ததன் மூலமாக 100 சிக்ஸர்கள் அடித்த அணி என்ற சாதனையை படைத்துள்ளது. இதற்கு முன்னதாக கடந்த 2016 ஆம் ஆண்டு 89 சிக்ஸர்கள் விளாசிய ஹைதராபாத், 2018 ஆம் ஆண்டு 88 சிக்ஸர்கள் விளாசியுள்ளது. இதே போன்று கடந்த 2022 ஆம் ஆண்டு 97 சிக்ஸர்கள் விளாசியுள்ளது. இந்த நிலையில் முதல் முறையாக இந்த ஆண்டு 8 போட்டிகளில் சன்ரைசர்ஸ் ஹைதராபாத் 100 சிக்ஸர்கள் விளாசியுள்ளது என்பது குறிப்பிடத்தக்கது.
66
SRH vs RCB, IPL 2024
இதுவரையில் நடந்த 8 போட்டிகளில் ஹைதராபாத்108 சிக்ஸர்களும், ஆர்சிபி 9 போட்டிகளில் 90 சிக்ஸர்களும், டெல்லி கேபிடல்ஸ் 9 போட்டிகளில் 86 சிக்ஸர்களும், மும்பை இந்தியன்ஸ் 8 போட்டிகளில் 85 சிக்ஸர்களும், கொல்கத்தா நைட் ரைடர்ஸ் 7 போட்டிகளில் 69 சிக்ஸர்களும், சிஎஸ்கே 8 போட்டிகளில் 65 சிக்ஸர்களும், ஆர்ஆர் 8 போட்டிகளில் 64 சிக்ஸர்களும், லக்னோ சூப்பர் ஜெயிண்ட்ஸ் 8 போட்டிகளில் 62 சிக்ஸர்களும், பிபிகேஎஸ் 8 போட்டிகளில் 61 சிக்ஸர்களும், குஜராத் டைட்டன்ஸ் 9 போட்டிகளில் 39 சிக்ஸர்களும் விளாசியுள்ளது.
