டி20 உலகக்கோப்பை.. பாதியிலேயே வெளியேறிய ரிங்கு சிங்.. ரசிகர்கள் ஷாக்.. என்ன நடந்தது?

டி20 உலகக்கோப்பையில் இந்திய அணி வீரர் ரிங்கு ரிங் குடும்ப எமர்ஜென்சி காரணமாக அவசரம் அவசரமாக வீடு திரும்பியுள்ளார். என்ன நடந்தது? என்பது குறித்து விரிவாக பார்க்கலாம்.

ரிங்கு சிங் அவசரமாக வெளியேறினார்

இந்திய அதிரடி வீரர் ரிங்கு சிங், குடும்ப எமர்ஜென்சி காரணமாக அவசரம் அவசரமாக தனது வீட்டுக்கு சென்றுள்ளதாகவும் சென்னை சேப்பாக்கத்தில் ஜிம்பாப்வேக்கு எதிரான வாழ்வா-சாவா டி20 உலகக் கோப்பை போட்டிக்கு முன்னதான அணியின் பயிற்சியில் அவர் பங்கேற்கவில்லை என தகவல் வெளியாகி உள்ளது.

என்ன நடந்தது?

ரிங்கு சிங்கின் தந்தை உடல்நலக்குறைவு காரணமாக உத்தரபிரதேசத்தின் நொய்டாவில் உள்ள மருத்துவமனையில் தீவிர சிகிச்சை பிரிவில் அனுமதிக்கப்பட்டுள்ளதாக கூறப்படுகிறது. இதன் காரணமாக பிசிசிஐ அனுமதியுடன் ரிங்கு ரிங் அவசம் அவசரமாக சென்றதாக தகவல்கள் தெரிவிக்கின்றன. இந்திய அணி வரும் 22ம் தேதி (வியாழக்கிழமை) சென்னையில் ஜிம்பாப்வேக்கு எதிராக கட்டாயம் வென்றாக வேண்டிய சூப்பர் 8 போட்டியில் விளையாட உள்ளது.

இந்தியாவுக்கு வாழ்வா? சாவா? போட்டி

சூப்பர் 8 சுற்றின் தொடக்க ஆட்டத்தில் தென்னாப்பிரிக்காவுக்கு எதிராக 76 ரன்கள் வித்தியாசத்தில் இந்திய அணி படுதோல்வி அடைந்ததால் அடுத்து வரும் ஜிம்பாப்வே மற்றும் வெஸ்ட் இண்டீஸ் அணிகளுக்கு எதிரான போட்டியில் இந்திய வெற்றி பெற்றே ஆக வேண்டிய கட்டாயத்தில் உள்ளது. இதனால் இந்திய வீரர்கள் சேப்பாக்கம் மைதானத்தில் தீவிர பயிற்சியில் ஈடுபட்டனர்.

பேட்டிங்கில் சொதப்பிய ரிங்கு சிங்

ஹர்திக் பாண்ட்யா, இஷான் கிஷன், அர்ஷ்தீப் சிங், திலக் வர்மா, அபிஷேக் சர்மா, சஞ்சு சாம்சன் போன்ற பல வீரர்கள் பயிற்சியில் ஈடுபட்ட நிலையில், ரிங்கு சிங் அவசரமாக கிளம்பியதால் பயிற்சியில் ஈடுபடவில்லை. இந்த உலகக் கோப்பையில் ரிங்கு சிங்கின் பேட்டிங் எதிர்பார்த்த அளவில் சிறப்பாக உல்லை. தென்னாப்பிரிக்காவுக்கு எதிரான முக்கியமான போட்டியில் அவர் சொதப்பினார்.

பீல்டிங்கில் கலக்கல்

பெரும்பாலும் குறைவான பந்துகள் மீதமிருக்கும் போதே அவர் களமிறங்கினார். ஐந்து இன்னிங்ஸ்களில் 24 ரன்கள் மட்டுமே எடுத்துள்ளார், இரண்டு முறை ஆட்டமிழக்காமல் இருந்துள்ளார், அவரது அதிகபட்ச ஸ்கோர் 11 ஆகும். 

இந்த ஆண்டு 10 டி20 போட்டிகளில் 8 இன்னிங்ஸ்களில் ரிங்கு சிங் 28.75 சராசரியுடன் 115 ரன்கள் எடுத்துள்ளார். அவரது ஸ்ட்ரைக் ரேட் 132.18 மற்றும் அதிகபட்ச ஸ்கோர் 44 ஆகும். நடப்பு டி20 உலகக்கோப்பையில் பேட்டிங்கில் சோடை போனாலும் பீல்டிங்கில் ரிங்கு சிங் கலக்கியது குறிப்பிடத்தக்கது.