MS Dhoni will Not Play in RCB vs CSK Match in IPL 2026 : இந்திய கிரிக்கெட்டின் ஜாம்பவான்களான மகேந்திர சிங் தோனி மற்றும் விராட் கோலி, 19வது ஐபிஎல் சீசனின் லீக் சுற்றில் மோதுவது சந்தேகம்தான். இதற்கான சுவாரஸ்யமான காரணங்கள் இங்கே.
தசைப்பிடிப்பு காயத்தால் அவதிப்படும் சென்னை சூப்பர் கிங்ஸ் முன்னாள் கேப்டன் எம்.எஸ். தோனி, இந்த ஐபிஎல் தொடரின் ஆரம்பப் போட்டிகளில் விளையாடமாட்டார். இதனால், ஏப்ரல் 5 அன்று சின்னசாமி ஸ்டேடியத்தில் நடக்கும் ஆர்சிபிக்கு எதிரான போட்டியை அவர் தவறவிடுகிறார்.
26
சிஎஸ்கே வெளியிட்ட அதிகாரப்பூர்வ அறிவிப்பு
‘தசைப்பிடிப்பு காரணமாக தோனி தற்போது ஓய்வில் இருக்கிறார். அதனால், 2026 ஐபிஎல் தொடரின் முதல் 2 வார போட்டிகளில் அவர் பங்கேற்க மாட்டார்’ என்று சிஎஸ்கே அணி நிர்வாகம் சனிக்கிழமை அன்று அதிகாரப்பூர்வமாக அறிவித்துள்ளது.
36
44 வயதான தோனி
44 வயதான தோனி, 2020-ஆம் ஆண்டிலேயே சர்வதேச கிரிக்கெட்டில் இருந்து ஓய்வு பெற்றுவிட்டார். ஆனாலும், ஐபிஎல் தொடரில் தொடர்ந்து விளையாடி வருகிறார். கடந்த ஆண்டு அனைத்து 14 போட்டிகளிலும் அவர் பங்கேற்றார்.
46
ஐபிஎல் வரலாற்றில் முதல் முறையாக தோனி-ரெய்னா இல்லாமல் சிஎஸ்கே
இந்த முறை தொடக்கப் போட்டிகளில் தோனி விளையாடாததால், ஐபிஎல் வரலாற்றிலேயே முதல் முறையாக எம்.எஸ். தோனி இல்லாமல் சிஎஸ்கே அணி களம் காண்கிறது.
56
2008 முதல் ரெய்னா/தோனி இருவரில் ஒருவர் சிஎஸ்கே அணிக்காக விளையாடி வருகின்றனர்
2008-ல் ஐபிஎல் தொடங்கியதிலிருந்து, சென்னை சூப்பர் கிங்ஸ் அணியில் எம்.எஸ். தோனி அல்லது சுரேஷ் ரெய்னா ஆகிய இருவரில் ஒருவர் நிச்சயம் இடம்பெற்றிருப்பார். ரெய்னா 2021 வரை சிஎஸ்கே அணியில் இருந்தார்.
66
இந்த சீசன் லீக் சுற்றில் தோனி-கோலி மோதல் இல்லை!
கிரிக்கெட்டின் 2 மாபெரும் ஜாம்பவான்களான தோனியும், கோலியும் இந்த முறை லீக் சுற்றில் மோதப்போவதில்லை. காரணம், சிஎஸ்கே மற்றும் ஆர்சிபி அணிகள் லீக் சுற்றில் ஒரே ஒரு முறைதான் மோதுகின்றன. ஒருவேளை இரு அணிகளும் நாக்-அவுட் சுற்றுக்குத் தகுதி பெற்று, தோனியும் ஃபிட்டாக இருந்தால் மட்டுமே இந்த மோதலை ரசிகர்கள் பார்க்க முடியும்.
