சென்னை சூப்பர் கிங்ஸ் அணியின் பயிற்சியாளராக தோனி களமிறங்கலாம் என்ற தகவல் பரவி வருகிறது. ‘தல’ மீண்டும் மஞ்சள் ஜெர்சியுடன் புதிய அவதாரத்தில் திரும்புவாரா என்ற எதிர்பார்ப்பு CSK ரசிகர்களிடையே அதிகரித்துள்ளது.
ஐபிஎல் ரசிகர்கள் மத்தியில் மீண்டும் ஒருமுறை பரபரப்பை ஏற்படுத்தியுள்ளது மகேந்திர சிங் தோனி தொடர்பான தகவல். சென்னை சூப்பர் கிங்ஸ் அணியின் கேப்டனாக பல ஆண்டுகள் வெற்றிகளை குவித்த தோனி, இனி பயிற்சியாளர் பொறுப்பில் களமிறங்க உள்ளதாக சமூக வலைதளங்களில் தகவல்கள் வேகமாக பரவி வருகின்றன.
26
சிஎஸ்கேவின் வெற்றிக் கதையை எழுதிய கேப்டன்
ஐபிஎல் தொடரில் சென்னை சூப்பர் கிங்ஸ் அணிக்கு தனி அடையாளத்தை உருவாக்கிக் கொடுத்தவர் தோனி. அவரது அமைதியான தலைமைத்துவம், நெருக்கடியான தருணங்களில் எடுக்கும் முடிவுகள் மற்றும் வீரர்களை வழிநடத்தும் திறன் ஆகியவை, சிஎஸ்கேவை ஐந்து முறை சாம்பியன் பட்டம் வெல்லச் செய்தன. இதன் காரணமாகவே, அவர் ஓய்வுக்குப் பிறகும் அணியுடன் தொடர்ந்து இணைந்திருப்பார் என்ற எதிர்பார்ப்பு ரசிகர்களிடையே நீண்ட காலமாக இருந்து வருகிறது.
36
பயிற்சியாளர் பொறுப்பில் தோனி..?
தற்போது சமூக வலைதளங்களில் பரவி வரும் தகவல்களின் படி, வீரராக தனது பயணத்தை முடித்த பிறகு, சென்னை அணியின் பயிற்சியாளர் குழுவில் தோனி இணையலாம் என கூறப்படுகிறது. குறிப்பாக, இளம் வீரர்களுக்கு ஆலோசனை வழங்கும் பொறுப்பை அவர் ஏற்க வாய்ப்புள்ளதாக கிரிக்கெட் வட்டாரங்களில் பேசப்பட்டு வருகிறது.
இளம் வீரர்களுக்கு கிடைக்கப் போகும் மிகப்பெரிய பலம்
தோனியின் அனுபவம் சிஎஸ்கே அணிக்கு மிகப்பெரிய பலமாக இருக்கும் என்று ரசிகர்கள் நம்புகின்றனர். களத்தில் மட்டுமல்லாமல், அணியின் திட்டமிடல், வீரர்களை தேர்வு செய்தல் மற்றும் போட்டிக்கான வியூகங்களை அமைத்தல் போன்றவற்றிலும் அவரது பங்களிப்பு முக்கியத்துவம் பெறும் என்று எதிர்பார்க்கப்படுகிறது.
56
அதிகாரப்பூர்வ அறிவிப்பு இன்னும் வரவில்லை
எனினும், சென்னை சூப்பர் கிங்ஸ் நிர்வாகம் அல்லது தோனி தரப்பில் இருந்து இதுகுறித்து எந்த அதிகாரப்பூர்வ அறிவிப்பும் இதுவரை வெளியாகவில்லை. சமூக வலைதளங்களில் பரவி வரும் தகவல்கள் மட்டுமே தற்போது ரசிகர்களிடையே பெரும் எதிர்பார்ப்பை ஏற்படுத்தியுள்ளன.
66
‘தல’ மீண்டும் களமிறங்குவாரா?
ஐபிஎல் வரலாற்றில் மிகவும் வெற்றிகரமான கேப்டன்களில் ஒருவராக திகழும் தோனி, எதிர்காலத்தில் பயிற்சியாளராக சிஎஸ்கே அணியில் களமிறங்கினால், அது ரசிகர்களுக்கு மிகப்பெரிய கொண்டாட்டமாக அமையும் என்பதில் சந்தேகமில்லை. “தல” மீண்டும் சென்னை அணியுடன் புதிய அவதாரத்தில் இணைவாரா என்பதை அறிய ரசிகர்கள் ஆவலுடன் காத்திருக்கின்றனர்.
