IPL 2025 CSK vs LSG : மூன்று வாரங்களுக்குப் பிறகு, எம்.எஸ். தோனி தலைமையிலான சென்னை சூப்பர் கிங்ஸ் அணி மீண்டும் வெற்றிப் பாதைக்குத் திரும்பியுள்ளது. லக்னோ அணிக்கு எதிரான வெற்றியின் மூலம், ஐபிஎல் 2025 சீசனில் சென்னை அணி 2ஆவது வெற்றியைப் பதிவு செய்துள்ளது.
IPL 2025 CSK vs LSG : இந்தியன் பிரீமியர் லீக் (ஐபிஎல்) 2025 தொடரில் சென்னை சூப்பர் கிங்ஸ் அணி தொடர் தோல்விகளுக்குப் பிறகு வெற்றி பெற்றுள்ளது. தோனி தலைமையிலான சென்னை சூப்பர் கிங்ஸ் 5 விக்கெட் வித்தியாசத்தில் லக்னோ அணியை வீழ்த்தியது. இந்த முறை தோனி ஃபினிஷர் ரோலை சிறப்பாக செய்தார். அவருக்குத் துணையாக கடைசி வரை ஆடிய சிவம் துபே சென்னை அணிக்கு வெற்றி ரன்களை குவித்தார். இந்த வெற்றியின் மூலம் சிஎஸ்கே அணி பிளேஆஃப் சுற்றுக்கு முன்னேறும் வாய்ப்பில் உள்ளது.
ஐபிஎல் 2025-ன் 30-வது போட்டியில் சென்னை சூப்பர் கிங்ஸ் - லக்னோ சூப்பர் ஜெயண்ட்ஸ் அணிகள் மோதின. டாஸ் வென்ற தோனி முதலில் பந்துவீச்சை தேர்வு செய்தார். முதலில் பேட்டிங் செய்த லக்னோ அணி 23 ரன்களுக்கு 2 விக்கெட்டுகளை இழந்து தடுமாறியது. ரிஷப் பந்த் அரைசதம், மிட்செல் மார்ஷ் 30 ரன்கள் எடுத்தனர். இதன் மூலம் லக்னோ அணி 166 ரன்கள் எடுத்தது.
ஐபிஎல் 2025-ன் 30-வது போட்டியில் சென்னை சூப்பர் கிங்ஸ் - லக்னோ சூப்பர் ஜெயண்ட்ஸ் அணிகள் மோதின. டாஸ் வென்ற தோனி முதலில் பந்துவீச்சை தேர்வு செய்தார். முதலில் பேட்டிங் செய்த லக்னோ அணி 23 ரன்களுக்கு 2 விக்கெட்டுகளை இழந்து தடுமாறியது. ரிஷப் பந்த் அரைசதம், மிட்செல் மார்ஷ் 30 ரன்கள் எடுத்தனர். இதன் மூலம் லக்னோ அணி 166 ரன்கள் எடுத்தது.
சென்னையின் சுழற்பந்து வீச்சாளர்களின் அபார பந்துவீச்சு
கேப்டன் தோனி சுழற்பந்து வீச்சாளர்களை அற்புதமாக பயன்படுத்தினார். ரவீந்திர ஜடேஜா 2 விக்கெட்டுகளை வீழ்த்தினார். நூர் அகமது 4 ஓவர்களில் 13 ரன்கள் மட்டுமே கொடுத்து அசத்தினார். வேகப்பந்து வீச்சாளர்களில் கலீல் அகமது, அன்ஷுல் கம்போஜ் தலா 1 விக்கெட் எடுத்தனர்.
துபே, தோனி இன்னிங்ஸால் சென்னை வெற்றி
ஐபிஎல் 2025 சீசனில் சென்னை சூப்பர் கிங்ஸ் அணிக்கு இது இரண்டாவது வெற்றி. ஒரு கட்டத்தில் சென்னை அணி தோல்வியடையும் நிலையில் இருந்தது. ஆனால், சிவம் துபே, தோனி பொறுப்புடன் ஆடி வெற்றி பெற வைத்தனர். தோனி 11 பந்துகளில் 26 ரன்கள் எடுத்தார். அதில் ஒரு சிக்ஸர், நான்கு பவுண்டரிகள் அடங்கும். சிவம் துபே 43 ரன்கள் எடுத்து ஆட்டமிழக்காமல் இருந்தார். லக்னோ அணி 166/7 (20) ரன்கள் எடுத்தது. சிஎஸ்கே 168/5 (19.3) ரன்கள் எடுத்து வெற்றி பெற்றது.
சேனலை கிளிக் செய்து பின்தொடரவும்