IND vs WI 4th T20: வெஸ்ட் இண்டீஸ் அணிக்கு எதிரான 4வது டி20 போட்டியில் இந்திய அணியில் அதிரடி வீரருக்கு பதிலாக 15 வயதான வைபவ் சூர்யவன்ஷி இடம்பெற உள்ளதாக தகவல் வெளியாகி உள்ளது. இந்திய அணியின் பிளேயிங் லெவன் குறித்து பார்ப்போம்.
இந்தியா, வெஸ்ட் இண்டீஸ் அணிகள் இடையே 5 போட்டிகள் கொண்ட டி20 தொடர் நடந்து வருகிறது. இதில் முதல் போட்டியில் இந்தியாவும், இரண்டாவது போட்டியில் வெஸ்ட் இண்டீஸ் அணியும் வெற்றி பெற்றன. நேற்று நடந்த 3வது போட்டியில் இந்திய அணி வெற்றி பெற்றது. இந்த தொடரில் இந்தியா 2-1 என்ற கணக்கில் முன்னிலையில் உள்ள நிலையில், 4வது டி20 போட்டி ஹைதராபாத் ராஜீவ் காந்தி சர்வதேச மைதானத்தில் அக்டோபர் 14 ஆம் தேதி நடைபெற உள்ளது.
இந்த போட்டியில் வெற்றி பெற்று தொடரைக் கைப்பற்ற இந்திய அணி தீவிரமாக உள்ளது. அதே சமயம், தொடரை சமன் செய்யும் நோக்கில் வெஸ்ட் இண்டீஸ் அணி போராடும் என்பதால் இப்போட்டி மிகுந்த எதிர்பார்ப்பை ஏற்படுத்தியுள்ளது. இந்தூர் மைதானத்தில் நடைபெற்ற மூன்றாவது போட்டிக்குப் பிறகு, இந்திய அணியில் சில முக்கிய மாற்றங்கள் செய்யப்பட வாய்ப்புள்ளதாக தகவல் வெளியாகி உள்ளது.
24
இந்திய அணியில் 2 முக்கிய மாற்றங்கள்?
வெஸ்ட் இண்டீசுக்கு எதிரான இந்தத் தொடரில் இந்திய அணி மிகவும் பலமாக காணப்படுகிறது. கடந்த மூன்று போட்டிகளிலும் சில வீரர்கள் பெஞ்ச்சில்தான் அமர வைக்கப்பட்டுள்ளனர். சஞ்சு சாம்சன் கடந்த மூன்று போட்டிகளில் இரண்டில் சரியாக விளையாடவில்லை என்றாலும், தலைமைப் பயிற்சியாளர் கவுதம் கம்பீர் அவர் மீது அசைக்க முடியாத நம்பிக்கை வைத்துள்ளார். மறுபுறம், அபிஷேக் சர்மா அதிரடியாக விளையாடி வந்தாலும், நான்காவது போட்டிக்கான பிளேயிங் லெவனில் அவருக்கு வாய்ப்பு கிடைப்பது கடினம் எனக் கூறப்படுகிறது.
ஏனெனில் தொடர்ந்து கடந்த இரண்டு ஆண்டுகளாக கிரிக்கெட் விளையாடி வருவதால், அபிஷேக் சர்மாவின் பணிச்சுமையை நிர்வகிக்கும் பொருட்டு அவருக்கு ஓய்வு வழங்கப்படலாம். அவருக்குப் பதிலாக 15 வயது இளம் வீரரான வைபவ் சூர்யவன்ஷிக்கு பிளேயிங் லெவனில் வாய்ப்பு வழங்க அதிக வாய்ப்புள்ளது. பேட்டிங் வரிசையில் மற்றபடி பெரிய மாற்றங்கள் இருக்காது என எதிர்பார்க்கப்படுகிறது.
34
அர்ஷ்தீப் சிங்குக்கு ஓய்வு?
கடந்த போட்டியின் நாயகனான அர்ஷ்தீப் சிங்கிற்கும் 4வது டி20 போட்டியில் ஓய்வு அளிக்கப்படலாம். அடுத்து வரவுள்ள நியூசிலாந்து டி20 தொடரைக் கருத்தில் கொண்டு அர்ஷ்தீப் சிங்கிற்கு ஓய்வு அளிக்கப்படலாம். இளம் வேகப்பந்து வீச்சாளர்களான பிரின்ஸ் யாதவ் மற்றும் மயங்க் யாதவ் மீது அணி நிர்வாகம் மிகுந்த நம்பிக்கை கொண்டுள்ளது. எனவே, அர்ஷ்தீப் சிங்கிற்கு ஓய்வு அளித்துவிட்டு, குல்தீப் யாதவிற்கு மீண்டும் அணியில் வாய்ப்பு வழங்கப்படலாம்.
ஹைதராபாத் மைதானம் பெரியது என்பதால், இங்கு வேகப்பந்து வீச்சாளர்களை விட ஸ்பின்னர்கள் சிறப்பாகச் செயல்பட முடியும். இதன் காரணமாக, கேப்டன் ஸ்ரேயாஸ் ஐயர் கூடுதல் ஸ்பின்னரை களமிறக்கத் முடிவு செய்யலாம். இதனால் குல்தீப் யாதவ் மீண்டும் களமிறங்க அதிக வாய்ப்புகள் உள்ளன. இந்த தொடர் முழுவதும் இந்திய அணியின் பீல்டிங் மிக மோசமாக உள்ளது. அதுவும் அபிஷேக் சர்மா மேட்ச்க்கு மேட்ச் ஒரு கேட்ச் கோட்டை விட்டு விடுகிறார். இதனால் இந்திய அணி பீல்டிங்கில் முன்னேற்றம் காண வேண்டியது அவசியமாகிறது.
வெஸ்ட் இண்டீஸ் அணிக்கு எதிரான 4வது டி20 போட்டிக்கான இந்திய அணியின் உத்தேச பிளேயிங் லெவன்: ஷ்ரேயாஸ் ஐயர் (கேப்டன்), வைபவ் சூர்யவன்ஷி, சஞ்சு சாம்சன் (விக்கெட் கீப்பர்), இஷான் கிஷன், திலக் வர்மா, நிதிஷ் குமார் ரெட்டி, நமன் திர், அக்சர் படேல், குல்தீப் யாதவ், மயங்க் யாதவ் மற்றும் பிரின்ஸ் யாதவ்.
