டி20 உலகக்கோப்பை.. கை நழுவும் கேட்ச்கள்.. இந்தியாவின் பீல்டிங் மோசம்.. ஜாம்பவான் கவலை!

இரண்டாவது வாய்ப்பு இல்லை. டி20 போட்டிகளில் தவறு செய்தால், நீங்கள் தோற்றுவிடுவீர்கள். இந்தியா நல்ல ஃபார்மில் உள்ளது. இந்தியா சிறப்பாகச் செயல்படும் என்று நம்புகிறேன் கிரிக்கெட் ஜாம்பவன் கூறியுள்ளர்.

திலீப் வெங்க்சர்க்கார் எச்சரிக்கை

இங்கிலாந்துக்கு எதிரான இந்தியாவின் டி20 உலகக் கோப்பை அரையிறுதிப் போட்டிக்கு முன்னதாக, வான்கடே மைதானம் சிறியதாகவும், பேட்டிங்கிற்கு சாதகமாகவும் இருப்பதால், இந்திய அணி ஃபீல்டிங்கில் கூர்மையாகவும், பந்துவீச்சில் சிக்கனமாகவும் இருக்க வேண்டும் என்று முன்னாள் இந்திய கிரிக்கெட் வீரர் திலீப் வெங்க்சர்க்கார் எச்சரித்துள்ளார்.

இந்தியா, இங்கிலாந்து அரையிறுதி போட்டி

2022 மற்றும் 2024 பதிப்புகளுக்குப் பிறகு, டி20 உலகக் கோப்பை அரையிறுதியில் இந்தியாவும் இங்கிலாந்தும் தொடர்ந்து மூன்றாவது முறையாக மோதுகின்றன. அடிலெய்டில் 10 விக்கெட் வித்தியாசத்தில் ஏற்பட்ட தோல்வி, வெள்ளைப்பந்து கிரிக்கெட்டில் இந்திய அணியின் மனநிலையை மாற்றியது. 

2024-ல் பெற்ற வெற்றி, தோல்வியே சந்திக்காத பயணத்தில் இந்திய அணிக்கு ஒரு பழிதீர்ப்பாக அமைந்தது. இப்போது 2026-ல், இரு அணிகளும் தங்களது மூன்றாவது பட்டத்தை வென்று, தொடரின் வரலாற்றில் மிகவும் புகழ்பெற்ற அணியாக மாற இறுதிப் போட்டிக்கு தகுதி பெற போராடும்.

இந்தியாவுக்கு சாதகம்

இது தொடர்பாக பேசிய வெங்க்சர்க்கார், "இரு அணிகளும் நல்ல ஃபார்மில் உள்ளன. இங்கிலாந்து இலங்கையில் சிறப்பாக விளையாடியது. இந்தியா வெஸ்ட் இண்டீஸுக்கு எதிராக சிறப்பாக செயல்பட்டது. ஒரு தனிநபருக்கு அதிக நேரம் இல்லாததால், அனைவர் மீதும் கவனம் இருக்கும். அவர்கள் சரியான நேரத்தில் உச்சத்தை அடைகிறார்கள். இங்கிலாந்து நீண்ட காலத்திற்குப் பிறகு இந்தத் தொடரில் தங்களது முதல் ஆட்டத்தை இந்தியாவில், அதுவும் மும்பையில் விளையாடுகிறது, எனவே இந்தியாவுக்கு ஒரு சாதகம் உள்ளது'' என்றார்.

பீல்டிங்கில் கவனம்

இந்த வடிவத்தில் இரண்டாவது வாய்ப்பு இல்லை என்றும், ஒரு சிறிய தவறு கூட அணியின் வெற்றியைப் பறித்துவிடும் என்றும் வெங்க்சர்க்கார் எச்சரித்தார். வான்கடே போன்ற சிறிய மைதானத்தில், பேட்டிங்கிற்கு சாதகமான ஆடுகளத்தில், பந்துவீச்சாளர்களும் ஃபீல்டர்களும் மிகத் துல்லியமாக இருக்க வேண்டும் என்று அவர் எச்சரித்தார்.

தவறு செய்தால் தோல்வி

"இரண்டாவது வாய்ப்பு இல்லை. டி20 போட்டிகளில் தவறு செய்தால், நீங்கள் தோற்றுவிடுவீர்கள். இந்தியா நல்ல ஃபார்மில் உள்ளது. இந்தியா சிறப்பாகச் செயல்படும் என்று நம்புகிறேன். பந்துவீச்சு மிகவும் முக்கியமானது என்று நான் நினைக்கிறேன்.

 இந்தியா உண்மையிலேயே நன்றாகப் பந்துவீச வேண்டும்... பந்துவீச்சாளர்கள் மிகத் துல்லியமாக இருக்க வேண்டும். வான்கடே மைதானம் சிறியது, ஆடுகளம் பேட்டிங்கிற்கு ஏற்றது. அவர்கள் சிக்கனமாக பந்துவீச வேண்டும், ஃபீல்டிங்கும் கூர்மையாக இருக்க வேண்டும்" என்று அவர் தெரிவித்தார்.