எந்த விதமான கிரிக்கெட்டாக இருந்தாலும் களத்தில் சுறுசுறுப்பாகவும் ஆக்ரோஷமாகவும் இருப்பவர் விராட் கோலி. அவரை உற்சாகமாக ஆட்டம் போட வைத்திருக்கிறார் ஒரு டோலிவுட் நடிகர். அவர் யார் தெரியுமா?
இந்திய கிரிக்கெட் சூப்பர் ஸ்டார் விராட் கோலி டோலிவுட் சினிமாவின் தீவிர ரசிகர். விராட் தீவிரமான சினிமா மற்றும் இசை ரசிகர். அதிலும் குறிப்பாக தெலுங்கு சினிமா மற்றும் அதன் நடிகர்கள் மீது அவருக்கு ஸ்பெஷல் ஆர்வம் உள்ளது என்பது பலருக்குத் தெரியாது.
சமீபத்தில், கோலி தனக்கு பிடித்த டோலிவுட் நடிகர் ஜூனியர் என்டிஆர் என்று கூறியிருக்கிறார். சமீபத்தில் அளித்த பேட்டி ஒன்றில் தான் கோலி ஜூனியர் என்டிஆர் பற்றிய தன் கருத்தைப் பகிர்ந்துள்ளார். ஜூனியர் என்.டி.ஆரின் நடிப்பை கோலி வெகுவாகப் பாராட்டி இருக்கிறார்.
"ஜூனியர் என்டிஆர் தனக்கு பிடித்த நடிகர் மட்டுமல்ல, என் நண்பரும் கூட" என்றும் கோலி குறிப்பிட்டுள்ளார். ஜூனியர் என்டிஆரின் பிளாக்பஸ்டர் படமான 'ஆர்ஆர்ஆர்' படத்தில் "நாட்டு நாடு" பாடல் ஆஸ்கர் விருது பெற்றபோது, அந்தப் பாடலில் வருவது போல நடனமாடி கொண்டாடியதாகவும் கோலி கூறியுள்ளார்.
ஜூனியர் என்டிஆர், தெலுங்கு திரையுலகில் குறிப்பிடத்தக்க நபராக இருந்து வருகிறார். கடைசியாக 2022ஆம் ஆண்டு வெளியான பிளாக்பஸ்டர் படமான 'ஆர்ஆர்ஆர்' இல் நடித்தார். தற்போது கொரட்டாலா சிவா இயக்கத்தில் 'தேவரா: பாகம் 1' என்ற படத்தின் கடைசி கட்டப் படப்பிடிப்பில் இருக்கிறார். இந்தப் படம் அக்டோபர் 10ஆம் தேதி வெளியாகி இருக்கிறது. பாலிவுட் நடிகை ஜான்வி கபூர், சைஃப் அலி கான் ஆகியோர் இந்தப் படத்தில் முக்கிய கதாபாத்திரங்களில் நடிக்கின்றனர்.
ஹிருத்திக் ரோஷனுடன், 'வார் 2' இல் நடித்து பாலிவுட்டில் அறிமுகமாகிறார். 'தேவாரா' படத்தை அடுத்து ஜூனியர் என்டிஆர் பிரசாந்த் நீலுடன் தனது 31வது படத்தில் நடிக்கவுள்ளார். அந்தப் படத்திற்கு 'டிராகன்' என்று பெயரிடப்பட்டுள்ளதாக தகவல்கள் தெரிவிக்கின்றன. ஆனால், அதிகாரபூர்வ அறிவிப்பு இன்னும் வரவில்லை.
சேனலை கிளிக் செய்து பின்தொடரவும்