இந்தியா ஆஸ்திரேலியா இடையே சிட்னியில் நடந்துவரும் 3வது டெஸ்ட்டில் முதலில் பேட்டிங் ஆடிய ஆஸி., அணி முதல் இன்னிங்ஸில் 338 ரன்கள் அடித்தது. இதையடுத்து முதல் இன்னிங்ஸை தொடங்கிய இந்திய அணி, 2ம் நாள் ஆட்ட முடிவில் 2 விக்கெட் இழப்பிற்கு 96 ரன்கள் அடித்திருந்தது.
undefined
3ம் நாளான இன்றைய ஆட்டத்தை ரஹானேவும் புஜாராவும் தொடர்ந்தனர். இன்றைய ஆட்டத்தில் ரஹானே நீடிக்கவில்லை. ரஹானே 22 ரன்களுக்கு ஆட்டமிழக்க, ஹனுமா விஹாரி வெறும் 4 ரன்களுக்கு நடையை கட்டினார். அதன்பின்னர் புஜாராவுடன் ஜோடி சேர்ந்த ரிஷப் பண்ட், சரசரவென அடித்து ஆடி 67 பந்தில் 36 ரன்கள் அடித்து ஆட்டமிழந்தார். ஒருமுனையில் விக்கெட்டுகள் சரிந்தாலும் மறுமுனையில் நிலைத்து ஆடிய புஜாரா, அரைசதம் அடித்தார். ஆனால் அதை பெரிய இன்னிங்ஸாக மாற்றாமல் சரியாக ஐம்பது ரன்களுக்கு ஆட்டமிழந்தார்.
undefined
அதன்பின்னர் ஜடேஜா மட்டும் ஒருமுனையில் நிலைத்து நிற்க, மறுமுனையில் அஷ்வின்(10), நவ்தீப் சைனி(0), பும்ரா(0), சிராஜ்(2) ஆகியோர் அடுத்தடுத்து ஆட்டமிழக்க, இந்திய அணி 244 ரன்களுக்கு சுருண்டது.
undefined
இதையடுத்து 94 ரன்கள் என்ற வலுவான முன்னிலையுடன் 2வது இன்னிங்ஸை தொடங்கிய ஆஸி., அணியின் தொடக்க வீரர்கள் டேவிட் வார்னர் 13 ரன்களுக்கும் வில் புகோவ்ஸ்கி 10 ரன்களுக்கும் ஆட்டமிழந்தனர். 35 ரன்களுக்கே ஆஸி., அணி 2 விக்கெட்டுகளை இழந்துவிட்டபோதிலும், அதன்பின்னர் மார்னஸ் லபுஷேன் மற்றும் ஸ்மித் ஆகிய இருவரும் பார்ட்னர்ஷிப் அமைத்து சிறப்பாக ஆடிவருகின்றனர். 3ம் நாள் ஆட்ட முடிவில் 2 விக்கெட் இழப்பிற்கு ஆஸி., அணி 103 ரன்கள் அடித்துள்ளது. லபுஷேன் 47 ரன்களுடனும் ஸ்மித் 29 ரன்களுடனும் களத்தில் உள்ளனர். ஆஸி., அணியிடம் 8 விக்கெட்டுகள் கைவசம் இருக்கும் நிலையில், இப்போதே 197 ரன்கள் முன்னிலை பெற்றுள்ள ஆஸி., அணி வலுவான நிலையில் உள்ளது.
undefined