ஐபிஎல் 2020: கிங்ஸ் லெவன் பஞ்சாப் அணியின் ஆடும் லெவன்.. அதிரடி மன்னன் கிறிஸ் கெய்லுக்கே டீம்ல இடம் இல்ல
First Published Sep 14, 2020, 4:56 PM ISTஐபிஎல் 13வது சீசன் வரும் 19ம் தேதி தொடங்கவுள்ள நிலையில், அனைத்து அணிகளும் ஐக்கிய அரபு அமீரகத்தில் தீவிர பயிற்சியில் ஈடுபட்டுவருகின்றன. வழக்கம்போலவே இந்த சீசனிலாவது முதல் முறையாக கோப்பையை தூக்க வேண்டும் என்ற முனைப்பில் உள்ள 3 அணிகளில் ஒன்றான கிங்ஸ் லெவன் பஞ்சாப், இந்த முறையும் அதே முனைப்பில் களமிறங்குகிறது.
இந்த சீசனில் அந்த அணியின் தலைமை பயிற்சியாளராக இந்திய அணியின் முன்னாள் கேப்டனும் முன்னாள் பயிற்சியாளருமான சுழல் ஜாம்பவான் அனில் கும்ப்ளே செயல்படுகிறார். கேஎல் ராகுலின் கேப்டன்சியின் புத்துணர்ச்சியுடன் களம் காண்கிறது கிங்ஸ் லெவன் பஞ்சாப் அணி. நிகோலஸ் பூரான், மேக்ஸ்வெல் என பெரும் அதிரடி படையுடன் களம் காணும் பஞ்சாப் அணியின் மீதான எதிர்பார்ப்பு இந்த சீசனில் எகிறியுள்ளது. அந்தவகையில், அந்த அணியின் சிறந்த ஆடும் லெவன் காம்பினேஷனை முன்னாள் கிரிக்கெட் வீரர் ஆகாஷ் சோப்ரா தேர்வு செய்துள்ளார். சோப்ரா தேர்வு செய்த கிங்ஸ் லெவன் பஞ்சாப் ஆடும் லெவனை பார்ப்போம்.