பக்தர்களின் வசதிக்காக, உள்ளூர் கோயில்கள் மற்றும் தமிழகத்தில் திருப்பதி லட்டு விற்பனை செய்யப்படுகிறது.
உலக பிரசித்த பெற்ற திருப்பதி ஏழுமலையான் கோவிலில் தினமும் பல்லாயிரக்கணக்கான பக்தர்கள் சாமி தரிசனம் செய்து வருகின்றனர். அதேநேரத்தில் திருப்பதி லட்டை சாப்பிட வேண்டும் என்பதற்காகவே சில பக்தர்கள் திருப்பதிக்கு சென்று வருகின்றனர். அந்த அளவுக்கு மிகவும் சுவை நிறைந்தது. அத்துடன், திருப்பதி தரிசனம் முடிந்து ஊர் திரும்பும் பக்தர்கள் தங்களது உறவினர்கள் மற்றும் நண்பர்களுக்கு லட்டு பிரசாதத்தை கொடுப்பதை வழக்கம். இதன் காரணமாக அவர்கள் அதிக எண்ணிக்கையிலான லட்டுகளை வாங்குவதை வழக்கமாக கொண்டுள்ளனர்.
பக்தர்களின் இந்த ஆர்வத்தையும், திருப்பதி லட்டுக்கு உள்ள தேவையையும் பயன்படுத்தி சில இடைத்தரகர்கள் லட்டுவை அதிக விலைக்கு விற்று வந்தனர். இதில், பக்தர்கள் பலர் ஏமாற்றப்பட்டும் வருகின்றனர். இதனை கருத்தில் கொண்டு லட்டு விநியோகத்தில் கடந்த சில நாட்களுக்கு முன் அதிரடி மாற்றத்தை திருப்பதி திருமலை தேவஸ்தான நிர்வாகம் கொண்டு வந்தது.
இதையும் படிங்க: Tiruvannamalai Girivalam Ashtalingam: தி-மலை கிரிவலப்பாதையில் உள்ள அஷ்டலிங்கம்! அள்ளி கொடுக்கும் பலன்கள்!
இனிமேல், திருப்பதிக்கு சென்று ஏழுமலையானை தரிசனம் செய்த பின்னர் பக்தர்கள் தங்களிடம் உள்ள தரிசன டிக்கெட்டை காண்பித்து ரூ.50 கட்டணத்தில் கூடுதலாக லட்டை பெற்றுக்கொள்ளலாம். ஆனால், தரிசனம் செய்யாமல் வரும் பக்தா்களுக்கு ஆதார் எண்ணை பதிவு செய்து 2 லட்டுக்களை மட்டும் பெற்றுக்கொள்ளலாம். தேவைப்பட்டால் 24 மணி நேரத்துக்கு பிறகு மீண்டும் அவர்கள் கூடுதலாக இரண்டு லட்டுகளை பெறலாம்.
இதையும் படிங்க: Tirupati Temple: திருப்பதி ஏழுமலையான் கோவிலில் மிஸ் பண்ணாமல் பார்க்க வேண்டிய முக்கிய இடங்கள் இதுதான்!
இந்நிலையில் திருப்பதி தேவஸ்தானம் மற்றொரு சூப்பர் அறிவிப்பு ஒன்றை வெளியிட்டுள்ளது. அதாவது பக்தர்களின் வேண்டுகோளுக்கு இணங்க, உள்ளூர் கோயில்கள் மற்றும் தகவல் மையங்களிலும் லட்டு பிரசாதத்தை விற்பனை செய்யப்பட்டு வருகிறது. குறிப்பாக உள்ளூர் கோயில்களான திருச்சானூர் பத்மாவதி அம்மன் கோயில், திருப்பதி கோதண்டராம சுவாமி கோயில், கோவிந்தராஜ சுவாமி கோயில், ஸ்ரீநிவாமங்கபுரம் கல்யாண வெங்கடேஸ்வர சுவாமி கோயில், அப்பளயகுண்டா பிரசன்ன வெங்கடேஸ்வர சுவாமி கோயில், ஒண்டிமிட்டா கோதண்டராம சுவாமி கோயில், ஐதராபாத் ஜூப்லி ஹில்ஸ், அமராவதி, விஜயவாடா, ராஜமுந்திரி, பிதாபுரம், விசாகப்பட்டினம், ராம்பச்சோடவரம் சென்னை, வேலூர், பெங்களூர் ஆகிய இடங்களில் லட்டு விற்பனை செய்யப்படுகிறது.
சேனலை கிளிக் செய்து பின்தொடரவும்