உலக புகழ்பெற்ற திருக்கடையூர் கோவிலில் நடைபெற்ற உறவினர் நிகழ்வில் பாமக தலைவர் அன்புமணி ராமதாஸ் மற்றும் மனைவி சௌமியா அன்புமணி பங்கேற்பு.
மயிலாடுதுறை மாவட்டம் திருக்கடையூரில் உலக புகழ்பெற்ற ஸ்ரீ அபிராமி உடனாகிய ஸ்ரீ அமிர்தகடேஸ்வரர் ஆலயம் அமைந்துள்ளது. இந்த கோவிலில் 60 வயது, 80 வயது, 100 வயதை கடக்கும் தம்பதியர் தங்களது இணை மற்றும் குடும்பத்தினருடன் கலந்து கொண்டு 60வது திருமணம், 80வது திருமணம், 100வது திருமணத்தை நடத்திக் கொள்வது வழக்கம்.
இதனால் வருடம் முழுவதும் இந்த கோவிலில் திருமணம் நடைபெற்றுக் கொண்டே இருக்கும். அதன்படி திரை பிரபலங்கள், அரசியல் பிரமுகர்கள், தொழிலதிபர்கள் முதல் பலரும் இந்த கோவிலுக்கு வந்து தங்களது இணையுடன் திருமணம் செய்து கொள்கின்றனர்.
அந்த வகையில் பாமக தலைவர் அன்புமணி ராமதாஸ் இளைய மகள் சங்கமித்ராவின் மாமனார் தனசேகரன் கலைவாணி தம்பதியினரின் 60-வது பூர்த்திய சஷ்டியப்த பூர்த்தி (திருமணம்) நிகழ்வில் அன்புமணி ராமதாஸ் மற்றும் சௌமியா அன்புமணி ஆகியோர் பங்கேற்றனர்.