Today Rasipalan 1st Apr 2023: சொத்து டீலிங் எதுவா இருந்தாலும் உடனே முடிச்சுருங்க..!
First Published | Apr 1, 2023, 5:33 AM ISTஏப்ரல் 1ம் தேதியான இன்றைய தினத்திற்கான 12 ராசிக்காரர்களுக்கான ராசி பலனை பார்ப்ப்போம்.
☰
மேஷம்:
பொருளாதார ரீதியாக மிகவும் சாதகமான நாள். வீட்டில் உள்ள பெரியவர்களின் ஆசிர்வாதத்தால் குடும்பத்தில் மகிழ்ச்சி நிலவும். தவறுகளை கண்டறிவது களைவது நல்லது. உங்கள் தனிப்பட்ட வேலையை மற்றவர்களுக்கு தெரியும்படி செய்ய வேண்டாம்.
ரிஷபம்:
பொருளாதார பிரச்னையை சரி செய்வீர்கள். உங்கள் வேலையில் அதிக கவனம் செலுத்துங்கள். குடும்ப விஷயத்தில் உங்கள் ஆதரவு தேவைப்படும். குழந்தைகளின் செயல்பாடுகளை கண்காணிக்கவும். தொழில் முறையில் சிறிய மாற்றங்களை செய்யுங்கள்.
Latest Videos
மிதுனம்:
தேங்கிக்கிடந்த வேலைகள் அனைத்தும் முடியும். மாணவர்களுக்கு படிப்பு விஷயத்தில் இருந்துவந்த தடை நீங்கும். நண்பர்களுடனும் உறவினர்களுடனும் இனிமையாக பழகவும். பொறுமையாக இருந்து வளைந்து நெலிந்து செல்லவும்.
கடகம்:
சொத்து விஷயத்தில் முதலீடு செய்வதாக இருந்தால் உடனே செய்யவும். அது உங்களுக்கு அதிர்ஷ்டமாக அமையும். மாணவர்கள் தேர்வு விஷயத்தில் கவனமாக இருக்கவும். குடும்பத்தில் பாசிட்டிவான சூழல் நிலவும். ஓய்வெடுக்க நேரம் ஒதுக்குங்கள்.
சிம்மம்:
உங்கள் இலக்கை அடைய கடுமையாக உழைக்க தகுந்த நேரம் இது. குழந்தைகளின் வெற்றியால் குடும்பத்தில் சந்தோஷம் நிலவும். ஈகோவை தவிர்க்கவும். நெருங்கிய உறவினருடன் மோதல் ஏற்படும். முதலீடு சார்ந்த விஷயங்களில் நன்றாக யோசித்து முடிவெடுக்கவும். தொழிலில் சிறு பிரச்னை ஏற்படலாம்.
கன்னி:
குடும்பத்திற்கு உங்கள் இருப்பும் ஒத்துழைப்பும் அவசியம் தேவை. இது உங்களது மதிப்பு மரியாதையை அதிகரிக்கும். கடின உழைப்புக்கேற்ற ரிசல்ட் கிடைக்கும். தனிப்பட்ட காரணங்களால் இன்றைய தினம் மன உளைச்சலுடன் தொடங்கும். மதியத்திற்கு மேல் நிலை மாறும். முதலீடு விஷயங்களில் அவசரப்பட வேண்டாம்.
துலாம்:
வீட்டு பராமரிப்பு வேலைகளில் ஈடுபடுவீர்கள்.உங்கள் திட்டங்களையும் எண்ணங்களையும் செயல்படுத்த இது சரியான நேரம். உறவினருடனான கருத்து வேறுபாடு அகலும். கவலைப்படாமல் நிதானமாக இருக்கவும். தொழிலில் இருந்துவந்த பிரச்னை நீங்கும்.
விருச்சிகம்:
செலவுகள் அதிகரிக்கும். ஆனால் நல்ல விஷயங்களுக்கான செலவாக இருக்கும் என்பதால் கவலைப்பட வேண்டாம். நீங்கள் எதிர்பார்த்ததை விட அதிக லாபம் கிடைக்கும். பயணங்களை தவிர்க்கவும். சோம்பேறித்தனம் மற்றும் அதீத சிந்தனையால் நேரத்தை வீணடிக்க நேரிடும். தொழிலில் முன்னேற்றம் இருக்கும்.
தனுசு:
இன்றைய தினம் கிரக அமைப்புகள் உங்களுக்கு சாதகமாக உள்ளது. தவிர்க்க முடியாத செலவுகள் வரும். பொறுமையாக இருக்கவும். வீட்டில் இருப்பவர்களின் உடல்நல குறைவு கவலையளிக்கும். தொழிலில் கவனமாக இருக்கவும். கவனக்குறைவு பிரச்னையை ஏற்படுத்தும்.
மகரம்:
குடும்ப மற்றும் சமூக விஷயங்களில் உங்களது பங்களிப்பு தொடரும். பணம் சார்ந்த கணக்கீட்டில் கவனம் தேவை. தவறிழைக்க வாய்ப்புள்ளது. நெருங்கிய உறவினருடனான கருத்து வேறுபாடு நீங்கும். தொழில் சுமூகமாக நடக்கும்.
கும்பம்:
பழைய தவறுகளிலிருந்து பாடம் கற்று அவற்றை தவிர்க்க முயற்சிக்கவும். அது உங்களுக்கு பாசிட்டிவான ரிசல்ட் கிடைக்க உதவும். உணர்ச்சியை கட்டுப்படுத்தவும்; இல்லையெனில் எதிர்மறை சிந்தனைகள் ஓங்கும். தொழில் ரீதியாக நற்செய்தி வந்துசேரும்.
மீனம்:
உங்கள் செயல்முறைகளில் ரகசியம் காக்கவும். யாரையும் கண்மூடித்தனமாக நம்ப வேண்டாம். உங்கள் மீதான பொறாமையால் உங்களுக்கு நெருங்கிய நபரே உங்களுக்கு கலங்கம் ஏற்படுத்தும் நோக்கில் செயல்படுவார். புதிய தொழில் தொடங்குவதற்கு முன், தற்போதைய தொழிலில் அதிக கவனம் செலுத்தவும்.
சேனலை கிளிக் செய்து பின்தொடரவும்click me!