Today Rasipalan 17th Mar 2023: அந்தஸ்து உயரும்.. பெண்களுக்கு வெற்றி

மார்ச் 17ம் தேதியான இன்றைய தினத்திற்கான 12 ராசிக்காரர்களுக்கான ராசி பலனை பார்ப்ப்போம்.  

மேஷம்:

தேங்கிக்கிடந்த வேலைகள் முடியும். சொத்து தொடர்பான ஆவணங்களில் மிகக்கவனமாக இருக்கவும். அனுபவஸ்தர்களிடம் கலந்தாலோசித்து முக்கியமான முடிவுகளை எடுக்கவும். குடும்பத்தில் இனிமையான சூழல் நிலவும்.

ரிஷபம்:

அனைத்தையும் குழப்பிக்கொள்ளாமல் ஒரு குறிப்பிட்ட விஷயத்தில் கவனம் செலுத்துவது வெற்றியை தரும். குழந்தைகளுடன் நேரம் செலவிட்டு அவர்களது பிரச்னைகளுக்கு தீர்வு காணுங்கள். தொழிலில் புதிய விஷயங்கள் அல்லது புதிய தொழிலுக்கான முயற்சியை ஒத்திவைக்கவும். சரியான நேரத்தில் அதுவாகவே நடக்கும்.  கணவன் - மனைவி இடையே நல்லுறவு இருக்கும்.

மிதுனம்:

நண்பர்கள் மற்றும் உறவினர்களை சந்திப்பீர்கள். வீண் செலவுகளை தவிர்க்கவும். பயணத்தை ஒத்திவைக்கவும். தொழிலில் ஆர்டர் தொடர்பான பணிகளை சரியான நேரத்தில் செய்து முடிக்கவும். குடும்பத்தில் பரஸ்பரம் புரிதல் இருக்கும்.

கடகம்:

அனுபவஸ்தர்களின் ஆலோசனையும் ஆதரவும் கிடைக்கும். மன அமைதி இருக்கும். மாணவர்கள் படிப்பில் கவனம் செலுத்துவார்கள். உங்கள் திறமைகளை முழுமையாக பயன்படுத்த சரியான காலக்கட்டம் இது. கோபமும் ஈகோவும் உங்கள் வேலையை பாதிக்கும். 

சிம்மம்:

குழந்தைகளின் சாதனை உங்களுக்கு மகிழ்ச்சியும் பெருமையும் அளிக்கும். மன அமைதி இருக்கும். நண்பர் அல்லது உறவினருடன் கருத்து வேறுபாடு ஏற்படும். பொருளாதார இழப்பு ஏற்படலாம். தொழிலில் சில மாற்றங்கள் செய்ய நேரிடும். வயிற்று வலி உண்டாகலாம்.

கன்னி:

ஸ்பெஷலான நபர் ஒருவரை சந்திப்பீர்கள். கடன் கொடுக்கும் முன் ஆழமாக யோசிக்கவும். தொழில் பார்ட்டிகளில் கலந்துகொள்ளவும். உங்கள் கடின உழைப்பிற்கு விரைவில் பலன் கிட்டும். 

துலாம்:

உங்கள் திறமைக்கு ஏற்ப சாதிப்பீர்கள். நற்செய்தியை கேட்டு மனமகிழ்ச்சி அடைவீர்கள். உணர்ச்சிவசப்படாமல் எதார்த்தத்தை உணர்ந்து செயல்படுங்கள். வரவுக்கு ஏற்ப செலவும் அதிகரிக்கும். மூத்தவர்களின் ஆலோசனையை கேட்டு செயல்படவும். ஆரோக்கியம் சிறப்பாக இருக்கும்.

விருச்சிகம்:

அண்மைக்காலமாக இருந்துவந்த பிரச்னை தீரும். முடிவுகளை நம்பிக்கையுடன் மனம் உறுத்தலில்லாமல் எடுங்கள். அதிகப்படியான கோபம் உங்கள் ஆரோக்கியம் மற்றும் வேலையை பாதிக்கும். தொழிலில் புதிய முதலீடு  எதுவும் செய்ய வேண்டாம்.

தனுசு:

சரியான நேரத்தில் சரியான முடிவெடுக்க வேண்டியது அவசியம். இளைஞர்கள் கடுமையாக உழைக்க நேரிடும். பெண்களின் கடின உழைப்புக்கான ரிசல்ட் கிடைக்கும். அறிமுகமில்லாதவர்களுடன் தொழில் டீலிங் வைத்துக்கொள்ள வேண்டாம். 

மகரம்:

நற்செய்தியுடன் இன்றைய தினம் தொடங்கும். உறவினர்கள் மத்தியிலும் சமூகத்திலும் உங்கள் அந்தஸ்து அதிகரிக்கும். லோன் எதுவும் வாங்க வேண்டாம். தொழில் முறையை மாற்ற வேண்டும். மனைவி மற்றும் உறவினர்களின் ஆதரவும் ஒத்துழைப்பும் கிடைக்கும்.

கும்பம்:

நேர்மறையான சிந்தனைகளுடன் இருங்கள். எதிர்மறையாக சிந்திக்க வேண்டாம். நல்ல முடிவெடுத்து முக்கியமான வேலைகளை வெற்றிகரமாக முடிப்பீர்கள். அமைதி, நிதானத்தை கடைபிடிக்கவும். தொழிலில் சிறு மாற்றம் செய்யவேண்டும். கணவன் - மனைவி இடையே சிறு மோதல் ஏற்படும். 

மீனம்:

நெருக்கமான நபர் ஒருவரை பிரச்னையிலிருந்து காப்பாற்றுவீர்கள். நீதிமன்ற வழக்குகளில் வெற்றி கிடைக்கும். தேவையில்லாத வாக்குவாதங்களை தவிர்க்கவும். தொழில் ரீதியான பயணத்தின் மூலம் ஆதாயம் கிடைக்கும். கணவன் - மனைவி இடையேயான உறவு பலப்படும்.