உங்கள் உறவில் தூரம் இருந்தால், இங்கு கொடுக்கப்பட்டுள்ளன குறிப்புகளை மட்டும் பின்பற்றினால் போதும். நெருக்கம் அதிகருக்கும்.
நீங்கள் ஒரு புதிய உறவை தொடங்கினால் அவர்களுடன் நேரத்தை செலவிடுவதில் மகிழ்ச்சி அடைகிறீர்கள். ஆனால், காலம் செல்ல செல்ல இருவருக்குள்ளும் அன்பு நெருக்கமும் குறைகிறது என்றால், அந்த உறவை பேணுவது ஒரு பெரிய சவாலாக இருக்கும். இந்த சிக்கலில் இருந்து விடுபட விரும்பினால், இந்த உதவி குறிப்புகள் உங்களுக்கு உதவும்.
விருப்பு வெறுப்புகளை அறிந்து கொள்: உங்கள் துணையை நீங்கள் மகிழ்ச்சியாக வைத்திருக்க விரும்பினால், அவர் எதை விரும்புகிறார், எதை விரும்பவில்லை என்பதை நீங்கள் முதலில் அறிந்து கொள்வது அவசியம். இந்த விஷயங்களை எப்போதும் நினைவு வைத்துக் கொள்ளுங்கள். மேலும் உங்களது விருப்பு வெறுப்புகளையும் பற்றியும் உங்கள் துணை இடம் சொல்லலாம். இவ்வாறு செய்வதன் மூலம் இருவருக்குள்ளும் அன்பு அதிகரிக்கும்.
ஒன்றாக நேரத்தை செலவிடுங்கள்: உறவுகளில் காதலும் (அ) நெருக்கமும் குறைவதற்கு, மிகப்பெரிய காரணம் நேரமின்மை தான். எனவே, உங்கள் உறவில் பழைய காதலை மீண்டும் கொண்டுவர ஒருவருக்கொருவர் நேரத்தை செலவிடுங்கள். இதற்கு, நீங்கள் விரும்பினால் ஒன்றாக ஷாப்பிங் (அ) இரவு உணவிற்கு செல்லலாம்.
பேசுவதை நிறுத்தாதே! உங்கள் உறவுகளுக்குள் எவ்வளவு சண்டைகள் (அ) கருத்து வேறுபாடுகள் வந்தாலும், ஒருவருக்கொருவர் பேசுவதை ஒருபோதும் நிறுத்தக் கூடாது. சண்டை முடிந்த பிறகு நீங்கள் அவருடன் பேசுங்கள். பேசுவது தவறான புரிதலை ஏற்படுத்தாது.
இதையும் படிங்க: கணவன்மார்களே! இந்த 6 வினாடி கிஸ் ஃபார்முலா ரகசியம் பற்றி அவசியம் தெரிஞ்சிகோங்க!
நேர்மை அவசியம்: எந்த ஒரு உறவிலும் நேர்மை மிகவும் முக்கியமானது. எனவே, உங்கள் துணையிடம் எந்த ஒரு விஷயத்தையும் மறக்காதீர்கள். ஒருவேளை அப்படி நீங்கள் அதை மறைத்தால், வேறுறொருவரிடமிருந்து அவர் அதை தெரிந்து கொண்டால், நிலைமை மோசமாகிவிடும். எனவே, உங்கள் துணையிடம், எந்த ஒரு விஷயங்களையும் மறைக்காமல் பகிர்ந்து கொள்ளுங்கள்.
இதையும் படிங்க: உங்கள் கணவர் உங்களை உண்மையிலேயே நேசிக்கிறாரா.. இல்லையா..? இந்த அறிகுறிகள் சொல்லும்..
உணர்வுகளை வெளிப்படுத்துங்கள்: உங்கள் துணையிடம் உங்களது உணர்ச்சிகளையும் வெளிப்படுத்த தயங்காதீர்கள். அவர் உங்கள் துணை என்பதால் தானாக அனைத்தையும் புரிந்து கொள்வார் என்று நினைக்காதீர்கள். இது உறவை மோசமாக்கும்.
ஏசியாநெட் தமிழ் செய்திகளை உடனுக்கு உடன் Whatsapp Channel-லில் பெறுவதற்கு கீழே கொடுக்கப்பட்டு இருக்கும் லிங்குடன் இணைந்து இருக்கவும்.
Click this link: https://whatsapp.com/channel/0029Va9TFCWB4hdYZOoYCK2D