கில்லி போல் சொல்லி அடித்ததா மாரி - துருவ் கூட்டணி..? பைசன் காளமாடன் விமர்சனம் இதோ
மாரி செல்வராஜ் இயக்கத்தில் துருவ் விக்ரம், அனுபமா பரமேஸ்வரன் நடிப்பில் தீபாவளி விருந்தாக திரைக்கு வந்துள்ள பைசன் காளமாடன் திரைப்படத்தின் விமர்சனத்தை இந்த தொகுப்பில் பார்க்கலாம்.
பைசன் காளமாடன், மாரி செல்வராஜ் இயக்கத்தில் உருவாகி இருக்கும் 5-வது படம். தொடர்ந்து நான்கு ஹிட் படங்களை கொடுத்த மாரி செல்வராஜ், தற்போது துருவ் விக்ரமை வைத்து ஒரு ஸ்போர்ட்ஸ் டிராமா படத்தை கொடுத்திருக்கிறார். அதுதான் பைசன். இப்படத்தில் துருவ் விக்ரம் ஜோடியாக அனுபமா பரமேஸ்வரன் நடித்துள்ளார். மேலும் பசுபதி, ரெஜிஷா விஜயன் ஆகியோர் முக்கிய கதாபாத்திரங்களில் நடித்துள்ள இப்படத்திற்கு நிவாஸ் கே பிரசன்னா இசையமைத்துள்ளார்.
பைசன் காளமாடன் திரைப்படம் தமிழ்நாட்டை சேர்ந்த கபடி வீரரான மணத்தி கணேசனின் வாழ்க்கையை மையமாக வைத்து உருவாக்கப்பட்டு இருக்கிறது. இப்படத்தில் துருவ் விக்ரம் கபடி வீரராக நடித்திருக்கிறார். இப்படம் தீபாவளி விருந்தாக இன்று திரைக்கு வந்துள்ளது. இப்படத்தை பார்த்தவர்கள் எக்ஸ் தள பக்கத்தில் தங்கள் விமர்சனங்களை அள்ளிவீசி வருகின்றனர். அதன் தொகுப்பை தற்போது பார்க்கலாம்.