Jailer 2 Movie Review : சூப்பர்ஸ்டாரின் ஜெயிலர் 2 டாப் கிளாஸா? டம்மி பீஸா? முழு விமர்சனம் இதோ

Jailer 2 Full Movie Review : கலாநிதி மாறன் தயாரிப்பில் நெல்சன் இயக்கத்தில் ரஜினிகாந்த், எஸ்.ஜே.சூர்யா நடிப்பில் ரிலீஸ் ஆகி இருக்கும் ஜெயிலர் 2 திரைப்படத்தின் விமர்சனத்தை இந்த தொகுப்பில் பார்க்கலாம்.

Jailer 2 Full Movie Review

சூப்பர் ஸ்டார் ரஜினிகாந்த் நடிச்ச 'ஜெயிலர் 2' படம் தியேட்டர்கள்ல ரிலீஸ் ஆகியிருக்கு. நெல்சன் திலீப்குமார் டைரக்ட் பண்ணிருக்க இந்த படத்துல ரம்யா கிருஷ்ணன், எஸ்.ஜே. சூர்யா, வித்யா பாலன், மிதுன் சக்கரவர்த்தி, மிர்னா நடிச்சிருக்காங்க. மோகன்லால், சிவராஜ்குமார், ஹிருத்திக் ரோஷன் கெஸ்ட் ரோல்ல வர்றாங்க. சன் பிக்சர்ஸ் கலாநிதி மாறன் தயாரிச்சிருக்காரு. மூணு வருஷத்துக்கு முன்னாடி வந்த 'ஜெயிலர்' பெரிய ஹிட். அதனால இந்த பார்ட் 2 மேல பயங்கர எதிர்பார்ப்பு இருக்கு. முத்துவேல் பாண்டியனா ரஜினி விஸ்வரூபம் காட்டியிருக்காரா? ட்விஸ்ட்கள் எப்படி இருக்குன்னு இந்த விமர்சனத்தில் பார்க்கலாம்.

ஜெயிலர் 2 கதை

முதல் பார்ட்ல தன் பையனை இழந்த முத்துவேல் பாண்டியன் (ரஜினிகாந்த்) அந்த சோகத்துலயே குடும்பத்தோட வாழ்ந்துட்டு இருக்காரு. இன்னொரு பக்கம், ஸ்மக்லர் வர்மாவை கொன்னது யாருன்னு கண்டுபிடிக்க மெயின் ஸ்மக்லர் போதி கல்பக் (எஸ்.ஜே. சூர்யா) உத்தரவு போடுறாரு. இந்த வேலையை திலீப் (சூரஜ்) ஆட்கள் பாக்குறாங்க. ஒரு சூப்பர் மார்க்கெட்ல வேலை பாக்குற முத்துவேல், மூர்த்தி (நமோ நாராயணா)ங்குற சின்ன ரவுடி மூலமா திலீப்பை மீட் பண்றாரு. கல்பக்கை முடிக்க முத்துவேல் பிளான் பண்றாரு. கல்பக்குக்கு சொந்தமான மூணு சிலை கன்டெய்னர்களை முத்துவேல் தூக்கிறாரு. அதை திருப்பிக் கேட்டு கல்பக் மிரட்டுறாரு.

ஆனா முத்துவேல் அசரல. இதனால முத்துவேலோட நண்பன் நரசிம்மாவை (சிவராஜ்குமார்) தாக்கி, குடும்பத்தை கல்பக் கடத்துறாரு. கல்பக் கோட்டைக்கு முத்துவேல் போறாரு. கல்பக்கோட அப்பா சக்ரி கல்பக்குக்கு (மிதுன் சக்கரவர்த்தி) பிறந்தநாள் பரிசா அந்த கன்டெய்னர்களை கொடுக்கணும்னு அவரோட பொண்ணு காந்தா (வித்யா பாலன்) சொல்றாங்க. அங்க போற முத்துவேல், சக்ரி கல்பக்கையே கடத்திட்டு வந்துடுறாரு. இதுக்கப்புறம் கல்பக் குடும்பம் முத்துவேலை எப்படி பழிவாங்க நினைச்சாங்க? மாத்யூ (மோகன்லால்), நரசிம்மா எப்படி என்ட்ரி கொடுத்தாங்க? ராடி (ஹிருத்திக் ரோஷன்) ஏன் வந்தாரு? கிளைமேக்ஸ் ட்விஸ்ட் என்னங்குறதுதான் மீதிக்கதை.

ஜெயிலர் 2 விமர்சனம்

மூணு வருஷத்துக்கு முன்னாடி வந்த ஜெயிலர் படத்தோட தொடர்ச்சிதான் இது. ஹீரோ கடத்துன கோடிக்கணக்கான மதிப்புள்ள சிலைகளை மீட்க வில்லன் கேங் ட்ரை பண்றாங்க. அவங்களை முத்துவேல் எப்படி சமாளிச்சாருங்கிறது தான் சிம்பிளான கதை. படம் ஆரம்பத்துல ரொம்ப ஜாலியா, காமெடியா போகுது. மூர்த்தி கேரக்டர் பண்ற சின்ன ரவுடியிசம், யோகிபாபுவோட காமெடி நல்லா வொர்க் அவுட் ஆகியிருக்கு. அமைதியா இருக்குற ஹீரோ, நேரம் வரும்போது விஸ்வரூபம் எடுக்குற ஆக்‌ஷன் சீன்கள் செம மாஸ். ரஜினியோட எலிவேஷன் சீன்களும் ஆக்‌ஷனும் கூஸ்பம்ப்ஸ் கொடுக்குது.

இன்டர்வெல் வரைக்கும் படம் ஜெட் வேகத்துல போகுது. செகண்ட் ஹாஃப்ல எமோஷனல் சீன்களும் ஃபேமிலி டிராமாவும் கொஞ்சம் ஸ்பீடை குறைக்குது. வில்லன்களோட ஃபிளாஷ்பேக் ஆரம்பத்துல நல்லா இருந்தாலும், போகப் போக கொஞ்சம் டல் அடிக்குது. ஹிருத்திக் ரோஷன் என்ட்ரி மாஸா இருந்தாலும், பெருசா வாவ் ஃபீலிங் இல்லை. கிளைமேக்ஸ் ட்விஸ்ட் நல்லா இருக்கு. சில மைனஸ்கள் இருந்தாலும், மாஸ், காமெடி, ஆக்‌ஷனை நெல்சன் சூப்பரா மிக்ஸ் பண்ணிருக்காரு. ரஜினி ரசிகர்களுக்கு இது ஒரு செம ட்ரீட். பாக்ஸ் ஆபிஸ்ல கண்டிப்பா ரெக்கார்ட் பிரேக் பண்ணும்.

ஜெயிலர் 2 ரிவ்யூ

முத்துவேல் பாண்டியனா ரஜினிகாந்த் வழக்கம் போல ஸ்கோர் பண்ணிருக்காரு. சும்மா நடந்து வந்தாலே தியேட்டர்ல விசில் பறக்குது. ரம்யா கிருஷ்ணன், மிர்னா அவங்க ரோலை கரெக்டா பண்ணிருக்காங்க. வில்லன் போதி கல்பக்கா எஸ்.ஜே. சூர்யா மிரட்டியிருக்காரு. படத்துக்கு இவரோட நடிப்பு பெரிய பிளஸ். மூர்த்தியா நடிச்ச நமோ நாராயணா செமயா சிரிக்க வைக்கிறாரு. யோகிபாபு காமெடி ஓகே ரகம். ஸ்மக்லர் திலீப்பா சூரஜ் ஃபர்ஸ்ட் ஹாஃப்ல கலக்கியிருக்காரு.

காந்தாவா வித்யா பாலன், சக்ரி கல்பக்கா மிதுன் சக்கரவர்த்தி சூப்பரா நடிச்சிருக்காங்க. சிவராஜ்குமார், மோகன்லால் கெஸ்ட் ரோல்ல வந்து மாஸ் காட்டுறாங்க. ஹிருத்திக் ரோஷன் என்ட்ரி செம சர்ப்ரைஸ். படத்துல வர்ற ஒவ்வொரு கேரக்டருக்கும் ஒரு முக்கியத்துவம் இருக்கு.

ஜெயிலர் 2 எப்படி இருக்கு?

படத்தோட பெரிய பலமே அனிருத்தோட மியூசிக்தான். ரஜினியோட மாஸ் சீன்களுக்கு பிஜிஎம்ல தெறிக்க விட்டிருக்காரு. ஆனா பாட்டுகள் பெருசா மனசுல நிக்கல. விஜய் கார்த்திக் கண்ணனோட கேமரா ஒர்க் செம ரிச். ஆர். நிர்மலோட எடிட்டிங் ரொம்ப ஷார்ப்பா இருக்கு. சன் பிக்சர்ஸ் செலவு பண்ண கொஞ்சமும் தயங்கல. டைரக்டர் நெல்சன் திலீப்குமார் ஸ்கிரிப்டை ரொம்ப கிரிப்பிங்கா எழுதியிருக்காரு.

ஃபர்ஸ்ட் ஹாஃபை சூப்பரா கொண்டு போனவரு, செகண்ட் ஹாஃப்ல கொஞ்சம் தடுமாறியிருக்காரு. ஹிருத்திக் ரோஷன் கேரக்டரை இன்னும் கொஞ்சம் பெட்டரா டிசைன் பண்ணிருக்கலாம். சின்னச் சின்ன குறைகள் இருந்தாலும், இந்த பண்டிகை நாளுக்கு தியேட்டர்ல போய் பார்க்குற அளவுக்கு ஒரு பக்கா ஆக்‌ஷன் ஃபேமிலி என்டர்டெய்னரா இந்த படம் வந்திருக்கு. ஜெயிலர் படத்துக்கு இது ஒரு பக்கா சீக்வெல். கமர்ஷியல் படத்துக்கு தேவையான மாஸ், காமெடி, ஃபேமிலி சென்டிமென்ட், ஆக்‌ஷன், ட்விஸ்ட்னு எல்லாமே இதுல இருக்கு. பாக்ஸ் ஆபிஸ்ல கண்டிப்பா வசூல் மழை பொழியும்.