திருமா தில்லுமுல்லு நாடகம்போடுகிறார்..! பட்டியல் சமூக மக்களுக்காக போராடுவது பாமகதான்..! வழக்கறிஞர் பாலு பளீர்..!
பட்டியலின சமூகத்தினுடைய தலைவராக தன்னை காட்டிக்கொண்டு, அரசியல் செய்து கொண்டு பல்வேறு தில்லுமுல்லுகளை செய்து கொண்டு இருக்கிறார். தனக்கு ஆபத்து வரும்போது பட்டியல் சமூகத்திற்கு பின்னாலும், அண்ணல் அம்பேத்கர் பின்னாலும் ஒளிந்து கொள்ளக்கூடியவர்.
‘‘எப்பொழுது எல்லாம் தனக்கு ஆபத்து வருகிறதோ, அப்பொழுது பட்டியல் சமூகத்திற்கு பின்னாலும், அண்ணல் அம்பேத்கர் பின்னாலும் ஒளிந்து கொள்ளக்கூடிய தலைவராகத்தான் திருமாவளவன் இருந்து கொண்டிருக்கிறார்’’ என பாமக வழக்கறிஞர் பாலு கடுமையாக விமர்சித்துள்ளார்.
சட்டமேதை அம்பேத்கரின் 69 ஆவது நினைவு தினத்தில் பாட்டாளி மக்கள் கட்சியின் சார்பில் மாலை அணிவித்து மரியாதை செய்தனர். அப்போது பேசிய வழக்கறிஞர் பாலு, ‘‘தமிழகத்தில் பாட்டாளி மக்கள் கட்சி அண்ணல் அம்பேத்கர் கொள்கைகளை கொண்ட இயக்கம். தமிழ்நாட்டிலேயே அண்ணல் அம்பேத்கர் புகழஞ்சலி செலுத்த தகுதியான அமைப்பு என்றால் கட்சி என்றால் அது பாட்டாளி மக்கள் கட்சி தான். தமிழகத்தை பொறுத்தவரையில் பல்வேறு திராவிட இயக்கங்கள் இருந்தாலும் அண்ணல் அம்பேத்கருருடைய கொள்கைகளை கொள்கைகளாக ஏற்றுக்கொள்வதில்லை. அண்ணல் அம்பேத்கர் அவருடைய கொள்கைகளை வலியுறுத்தக்கூடிய வகையில் நீல வண்ணத்தை கட்சியில் வைத்திருக்கக்கூடிய ஒரே இயக்கம் பாட்டாளி மக்கள் கட்சி தான்.