காங்கிரஸை சரிக்கட்ட ஸ்டாலின் எடுத்த வியூகம்..! அசாம் தேர்தல் செலவை ஏற்கும் திமுக..!

காங்கிரசை சரிக்கட்டும் முடிவுக்கு திமுக தலைமை வந்திருக்கிறது. இதற்காக அசாம் மாநில தேர்தல் செலவை ஏற்க திமுக முன்வந்துள்ளதாக கூறப்படுகிறது.

கடந்த 2021 தேர்தலில் சுமார் 25 தொகுதிகள் கொடுக்கப்பட்ட நிலையில், இம்முறை 35-40 தொகுதிகளை காங்கிரஸ் கேட்டு வருகிறது. வெற்றி பெற்றால் 3 அமைச்சர் பதவிகள், ஆட்சியில் பங்கு என காங்கிரஸ், திமுகவுக்கு கடும் நெருக்கடி கொடுத்து வருகிறது. ஆனால், திமுக தரப்பு "தமிழகத்தில் எப்போதும் தனி ஆட்சி தான், கூட்டணி ஆட்சி இல்லை" என திட்டவட்டமாக மறுத்துள்ளது.

காங்கிரஸ் சில தலைவர்கள் தவெக உடன் கூட்டணி வைப்பது குறித்து பேசி, திமுகவுக்கு அழுத்தம் கொடுத்து வருகின்றனர். டெல்லியில் ராகுல் காந்தி, மல்லிகார்ஜூன கார்கே உள்ளிட்டோருடன் ஆலோசனை கூட்டங்கள் நடந்தன. காங்கிரஸ் மேலிடம் திமுக கூட்டணியை தொடர முடிவு செய்துள்ளது.

தவெக தலைவர் விஜய் மீதான ராகுல் காந்தியின் மென்மையான போக்கும், திமுகவுக்கு நெருடலை ஏற்படுத்தியுள்ளது. கடந்த 17ல், தமிழக காங்கிரஸ் நிர்வாகிகள் எம்பி-எம்எல்ஏ-க்களுடன் டில்லியில் ராகுல் காந்தி ஆலோசனை நடத்தினார். அதன்பிறகு திமுகவுடன் தொகுதிப் பங்கீட்டை முடிப்போம்' என்று ராகுல் காந்தியோ, காங்கிரஸ் தலைவர் கார்கேவோ வெளிப்படையாக அறிவிப்பார்கள் என திமுக தலைமை எதிர்பார்த்தது. ஆனால், அப்படி எதுவும் நடக்கவில்லை.

இதையடுத்து, காங்கிரசை சரிக்கட்டும் முடிவுக்கு திமுக தலைமை வந்திருக்கிறது. இதற்காக அசாம் மாநில தேர்தல் செலவை ஏற்க திமுக முன்வந்துள்ளதாக கூறப்படுகிறது. ஏற்கனவே 2011ல் 63 தொகுதிகள், 2016ல் 41 தொகுதிகளை திமுக கூட்டணியில் காங்கிரஸ் பெற்றது. ஆனால், 2021ல் சட்டமன்றட் தேர்தலில் வெறும் 25 தொகுதிகளை மட்டுமே காங்கிரஸுக்கு திமுக ஒதுக்கியது.

ப்போது காங்கிரஸ் கட்சிக்கு தவெக ஒரு ஆப்ஷனாக இருப்பதால் 41 தொகுதிகளை பெற காங்கிரஸ் மல்லுக்கு நிற்கிறது. இந்த நிலையில், விரைவில் நடக்கவிருக்கும் ஐந்து மாநில சட்டசபை தேர்தலில், கேரளா, அசாமில் மீண்டும் ஆட்சியை கைப்பற்ற ராகுல் திட்டமிட்டுள்ளார். ஆனால், தேர்தல் செலவுக்கு தேவையான பணமில்லாமல் காங்கிரஸ் தத்தளிக்கிறது. இதை தங்களுக்கு சாதகமாக பயன்படுத்தி காங்கிரஸை வழிக்கு கொண்டுவர திமுக திட்டமிட்டுள்ளது. இதனை தொடர்ந்து, காங்கிரஸின் அசாம் மாநில தேர்தல் செலவுகளை ஏற்றுக் கொள்கிறோம். வேறு எந்த நெருக்கடியும் கொடுக்கக்கூடாது' என திமுக தரப்பில் பேசி முடித்துள்ளனர்’’ எனக் கூறப்படுகிறது.