போராட்டத்தின் போது, போலீசார் கூட்டத்தை கலைக்க முயன்றபோது, போராட்டக்காரர்கள் பாதுகாப்புப் படையினருடன் மோதினர். போராட்டக்காரர்கள் கல்வீச்சு, தீ வைப்பு சம்பவங்களில் ஈடுபட்டனர்.
புதிய அரசு அமைக்கப்பட்ட ஒரு நாளுக்குப் பிறகு மணிப்பூரில் மீண்டும் வன்முறை வெடித்தது. குக்கி சமூகத்தினருக்கும் காவல்துறையினருக்கும் இடையே ஏற்பட்ட மோதல்கள் பரபரப்பை ஏற்படுத்தி உள்ளன.
புதிய அரசு அமைக்கப்பட்ட ஒரு நாளுக்குப் பிறகு மணிப்பூரில் வன்முறை வெடித்தது. வியாழக்கிழமை குக்கி சமூகம் ஆதிக்கம் செலுத்தும் சூரசந்த்பூர் மாவட்டத்தில் போராட்டங்கள் வெடித்தன. குக்கி சமூகத்தினரால் முழு அடைப்புக்கு அழைப்பு விடுக்கப்பட்டது. போராட்டத்தின் போது, போலீசார் கூட்டத்தை கலைக்க முயன்றபோது, போராட்டக்காரர்கள் பாதுகாப்புப் படையினருடன் மோதினர். போராட்டக்காரர்கள் கல்வீச்சு, தீ வைப்பு சம்பவங்களில் ஈடுபட்டனர்.
24
எச்சரிக்கை விடுத்த குக்கி சமூகம்
முன்னதாக, பல குக்கி சமூக அமைப்புகள் தங்கள் சமூக எம்எல்ஏக்களை அரசு அமைக்கும் பணியில் பங்கேற்க வேண்டாம் என்று எச்சரித்திருந்தன. அரசு அமைக்கப்பட்டதைத் தொடர்ந்து, சுரசந்த்பூர் மாவட்டத்தில் உள்ள பழங்குடி அமைப்பான ஏழு பேரின் கூட்டு மன்றம், வெள்ளிக்கிழமை காலை 6 மணி முதல் மாலை 6 மணி வரை குக்கி ஆதிக்கம் செலுத்தும் பகுதிகளில் முழுமையான முழு அடைப்புக்கு அழைப்பு விடுத்தது. தனி குக்கி நிர்வாகத்திற்கான தனது கோரிக்கையை அந்த அமைப்பு மீண்டும் வலியுறுத்தியதுடன், சமூக உறுப்பினர்கள் தங்கள் கிராமங்களில் ஜனநாயக ரீதியாக போராட்டம் நடத்துமாறு வலியுறுத்தியது.
குக்கி சமூகத்தைச் சேர்ந்த எந்தவொரு எம்.எல்.ஏவும் அமைப்பின் முடிவைப் புறக்கணித்தால், அவர்கள் தனிப்பட்ட முறையில் கடும் விளைவுகளை சணந்திப்பார்கள் என அந்த அமைப்பு தெரிவித்துள்ளது. இதுபோன்ற ஒருதலைப்பட்ச முடிவுகளின் விளைவுகளுக்கு அந்த அமைப்பு பொறுப்பேற்காது. சில குக்கி போராளி அமைப்புகள், அரசாங்க அமைப்பில் பங்கேற்க வேண்டாம் என்று சமூகத்தின் எம்.எல்.ஏக்களைக் கேட்டுக் கொண்டிருந்தன.
34
இது சமூகத்திற்கு துரோகம்
புதன்கிழமை இரவு முன்னதாக, குக்கி ஆதிக்கம் செலுத்தும் காங்போக்பி மாவட்டத்தில் உள்ள லீமாகோங் அருகே டயர்களை எரித்து மக்கள் போராட்டம் நடத்தினர். அப்போது நெம்சா கிப்கென் துணை முதல்வராக பதவியேற்றதற்கு எதிராக சாலையில் மூங்கிலை வைத்து எதிர்ப்பு தெரிவித்தனர். குக்கி போராட்டக்குழு தெளிவான, சந்தேகத்திற்கு இடமில்லாத, இறுதி முடிவை வெளியிடுவதாகக் கூறியது. அரசு அமைப்பில் பங்கேற்க முடிவு செய்யும் எந்தவொரு குக்கி பிரதிநிதியும் சமூகத்திற்கு துரோகம் செய்ததாகக் கருதப்படுவார் என எச்சரித்தனர்.
இந்த காரணமாக ஏதேனும் விரும்பத்தகாக சம்பவம் நடந்தால், குக்கி பிரதிநிதிகள் பொறுப்பேற்கப்படுவார்கள் என்று அந்த அறிக்கையில் கூறப்பட்டுள்ளது. இதற்கிடையில், ஹமர் பழங்குடியினரைப் பிரதிநிதித்துவப்படுத்தும் அமைப்பான ஹமர் இன்புய், சிலர் வன்முறையைத் தூண்டி தேர்ந்தெடுக்கப்பட்ட பிரதிநிதிகளின் சொத்துக்களை குறிவைக்க முயற்சிக்கக்கூடும் என்று நம்பகமான தகவல் கிடைத்ததாகக் கூறியது.
