குளிர்காலம் வந்தவுடன் மக்கள் வெந்நீரில் குளிக்கத் தொடங்குவார்கள். ஆனால் கீசர் இல்லாமலே வாட்டர் டேங்கில் உள்ள நீரை சூடாக வைத்திருக்க முடியும். இதற்காக செய்ய வேண்டியது என்ன என்று தெரிந்துகொள்ளலாம்.
குளிர்காலம் வந்தவுடன் மக்கள் வெந்நீரில் குளிக்கத் தொடங்குவார்கள். வெப்பநிலை குறையும்போது குளிர்ந்த நீரின் பயன்பாடு கிட்டத்தட்ட நிறுத்தப்படும். யாராவது 7 டிகிரி குளிரில் வெந்நீர் இல்லாமல் குளிக்கச் சொன்னால், அதை யாரும் விரும்ப மாட்டார்கள். இதனால்தான் குளிர்காலத்தில் வெந்நீருக்காக கீசரை பயன்படுத்துகிறார்கள். ஆனால், கீசர் வேலை செய்யவில்லை என்றால் என்ன செய்வது?
வீட்டில் உள்ள தண்ணீர் தொட்டியில் இருக்கும் நீரை இயற்கையாகவே சூடாக வைத்திருக்க சில வழிகள் உள்ளன. கோடை காலத்தில் தண்ணீர் சூடாகாமல் இருப்பதைப்போல, குளிர்காலத்தில் தண்ணீரை சூடாக வைத்திருக்கவும் சில எளிமையான யோசனைகள் உள்ளன. அவை என்னென்ன என்பதைத் தெரிந்துகொள்ளலாம்.
தெர்மாகோல் ஒரு நல்ல இன்சுலேட்டராகக் கருதப்படுகிறது. இது வெளிப்புற வெப்பநிலை தொட்டியின் உட்புறத்தை அடைவதைத் தடுக்கிறது. தொட்டியைச் சுற்றி தெர்மாகோல் இருந்தால், குளிர்ந்த காற்றினால் தொட்டியில் உள்ள தண்ணீர் குளிர்ச்சி அடையாது. 5 மி.மீ.க்கும் குறைவான மெல்லிய தெர்மாகோலை வாங்கி மீது ஒட்டி வைக்கவும். விரும்பினால், தொட்டியின் மூடியையும் தெர்மாகோல் கொண்டு மூடலாம்.
தண்ணீரை சூடாக வைத்திருக்க தண்ணீர் தொட்டியின் நிறம் அடர்த்தியாக இருப்பது நல்லது. அடர் நிறம் வெப்பத்தை விரைவாக உறிஞ்சிவிடும். எனவே வெயிலில் அடிக்கும்போது தொட்டியில் உள்ள நீர் விரைவாக வெப்பமடையும். எனவே, தொட்டியில் வெளிர் நிற பெயிண்ட் இருந்தால், குளிர்காலத்தில் அதை அடர் நிறமாக மாற்றலாம்.
மக்கள் கோடை காலத்தில் சுட்டெரிக்கும் வெயிலில் இருந்து பாதுகாக்க, தண்ணீர் தொட்டியை நிழலான இடத்தில் வைக்கிறார்கள். அதேபோல குளிர்காலம் வரும்போது தொட்டியின் இடத்தை மீண்டும் மாற்ற வேண்டும். அதிகபட்ச சூரிய ஒளி வரும் இடத்தில் தொட்டியை வைக்கலாம்.
குளிர்காலத்தில் கண்ணாடி இழை அல்லது ரப்பர் போன்ற பொருட்களைக் கொண்டு தண்ணீர் தொட்டியை மறைக்கலாம். தண்ணீர் தொட்டியை இப்படி மறைப்பதால், வெப்பநிலை குறையும்போதும் தண்ணீர் குளிர்ச்சியாக இருக்காது. ரப்பர் போன்ற இன்சுலேட்டர்கள் வெளிப்புற வெப்பநிலை உள்ளே வராமல் தடுக்கின்றன.
சேனலை கிளிக் செய்து பின்தொடரவும்