Water Bottle: விமானத்தில் கொடுக்கும் தண்ணீர் பாட்டிலில் ஒரு முடிச்சு இருப்பதை கவனித்திருக்கிறீர்களா? அது வெறும் டிசைன் இல்லை. அதற்குப் பின்னால் பல காரணங்கள் உள்ளன. அந்த 'சைலன்ட் கோட்' ரகசியம் என்னவென்று பார்ப்போம்.
விமானப் பயணம்னாலே ஒரு தனி அனுபவம்தான். ஆனால், நாம் பெரிதாக கவனிக்காத சின்ன சின்ன விஷயங்களுக்குப் பின்னாடி சுவாரஸ்யமான ரகசியங்களும், அறிவியல் காரணங்களும் இருக்கும். அதில் ஒன்றுதான், விமானப் பணிப்பெண்கள் (Air Hostess) நமக்குத் தரும் தண்ணீர் பாட்டிலில் போடும் அந்த சின்ன முடிச்சு. அதன் பின்னணியில் உள்ள முக்கிய காரணங்கள் இதோ.
27
பயணிகள் பாதுகாப்பு மற்றும் நல்ல கிரிப்
விமானத்தின் உள்ளே ஏசி காரணமாக குளிர்ச்சியாக இருக்கும். அப்போது, ஃப்ரிட்ஜில் இருந்து எடுக்கப்பட்ட தண்ணீர் பாட்டில்களின் மீது ஈரப்பதம் அல்லது நீர்த்திவலைகள் (Condensation) உருவாகும். இதனால் பாட்டில்கள் கையிலிருந்து வழுக்க வாய்ப்புள்ளது. மேலும், கிளாஸில் தண்ணீர் ஊற்றும்போது அந்த நீர்த்துளிகள் பயணிகள் மீது பட்டு தொந்தரவு செய்யலாம். பாட்டிலில் அந்த ஸ்ட்ராப்பை வைத்து முடிச்சு போடுவதால், அது ஈரப்பதத்தை உறிஞ்சிக்கொள்வதோடு, பணிப்பெண்களுக்கு பாட்டிலைப் பிடிக்க நல்ல கிரிப்பையும் கொடுக்கும்.
37
பயன்படுத்திய பாட்டிலை அடையாளம் காண
விமானத்தில் ஒரே நேரத்தில் நூற்றுக்கணக்கான பயணிகளுக்கு வேகமாக சேவை செய்யும்போது, பணிப்பெண்கள் மிகுந்த பரபரப்பில் இருப்பார்கள். குறைவான வெளிச்சத்தில், எந்த பாட்டில் ஏற்கெனவே திறக்கப்பட்டது, எது புதியது என்று பார்ப்பது கடினம். அதனால், திறக்கப்பட்ட பாட்டில்களுக்கு ஒரு குறிப்பிட்ட மாதிரி முடிச்சு போட்டுவிடுவார்கள். இதன் மூலம், கையால் தொட்டுப் பார்த்தே (Touch) அவர்களால் அதை அடையாளம் காண முடியும். இது புதிய பாட்டில்கள் தேவையில்லாமல் வீணாவதைத் தடுக்கிறது.
சர்வதேச விமானங்களில் சோடா வாட்டர், நார்மல் வாட்டர் என பலவிதமான பானங்கள் இருக்கும். இவை அனைத்தும் பார்க்க ஒரே மாதிரி இருப்பதால் குழப்பம் வரலாம். இந்த முடிச்சு முறையைப் பயன்படுத்தி, எந்த பாட்டிலில் என்ன இருக்கிறது என்பதை பணிப்பெண்கள் உடனடியாக வேறுபடுத்தி அறிந்துகொள்வார்கள். இந்த சின்ன டெக்னிக், எந்தத் தவறும் இல்லாமல் பயணிகளுக்கு மிக வேகமாக சேவை செய்ய உதவுகிறது.
57
பாதுகாப்பு மற்றும் சுகாதாரம்
விமானம் வானத்தில் பறக்கும்போது சில சமயங்களில் குலுங்கலாம் (Turbulence). அப்போது பாட்டில்கள் ஒன்றோடு ஒன்று மோதி உடையவோ அல்லது தண்ணீர் சிந்திவிடவோ வாய்ப்புள்ளது. இந்த ஸ்ட்ராப் முடிச்சுகள் ஒரு மென்மையான குஷன் போல செயல்பட்டு, பாட்டில்களுக்குப் பாதுகாப்பு அளிக்கின்றன. மொத்தத்தில், நமக்குச் சாதாரணமாகத் தெரியும் இந்த ஒரு சின்ன விஷயத்துக்குப் பின்னால், விமான நிறுவனங்களின் பல ஆண்டு அனுபவமும், பயணிகளின் வசதி மீதான அக்கறையும் அடங்கியுள்ளது. அடுத்த முறை விமானத்தில் முடிச்சு போட்ட பாட்டிலைப் பார்த்தால், அவர்களின் இந்த புத்திசாலித்தனத்தை நினைவில் கொள்ளுங்கள்.
67
கவனமும் தொழில்முறையும்
அனைத்து விமானப் பணிப்பெண்களுக்கும் இது போன்ற சின்ன சின்ன வேலைகளைச் செய்வதில் கூட சிறப்புப் பயிற்சி அளிக்கப்படுகிறது. அந்த முடிச்சு எவ்வளவு நேர்த்தியாக இருக்கிறதோ, அந்த அளவுக்கு அந்தப் பணிப்பெண் கவனமாகவும், தொழில்முறையாகவும் இருக்கிறார் என்பது அவர்களின் பயிற்சியின் ஒரு பகுதியாகும். இது வெறும் வேலை மட்டுமல்ல, அது ஒரு 'ஸ்டாண்டர்ட் ஆப்பரேட்டிங் புரொசீஜர்' (SOP).
77
சைலன்ட் லாங்குவேஜ்
நீண்ட தூர விமானங்களில் (Long-haul flights) பணிப்பெண்கள் ஷிப்ட் அடிப்படையில் வேலை செய்வார்கள். ஒருவர் வேலையை முடித்துவிட்டுச் செல்லும்போது, அடுத்த ஷிப்டுக்கு வருபவர் இந்த 'முடிச்சு'களைப் பார்த்தே எந்த ட்ராலியில் என்னென்ன பாட்டில்கள் பயன்பாட்டுக்குத் தயாராக உள்ளன என்பதைப் புரிந்துகொள்வார். இது விமானப் பணிப்பெண்களுக்கு இடையேயான ஒரு 'சைலன்ட் லாங்குவேஜ்' ஆகும்.
ஏஷ்யாநெட் தமிழ் நியூஸின் லைஃப்ஸ்டைல் பிரிவு, வாசகர்களுக்கு வாழ்க்கை முறை, உறவுகள் மற்றும் நடைமுறை வாழ்க்கை குறித்து வளமான தகவல்களை வழங்குகிறது. இதில் ஆரோக்கிய ஆலோசனைகள், உணவு மற்றும் ஊட்டச்சத்து குறிப்புகள், ஃபாஷன் டிரெண்ட்ஸ் மற்றும் தினசரி வாழ்க்கையை மேம்படுத்தும் சிந்தனையூட்டும் கருத்துகள் அடங்கும்.
