Laundry Hacks : துவைக்கும் போது ஆடைகளின் நிறம் மங்குவது, துணிகளில் கெட்ட வாசனை வருவது போன்ற பிரச்னைகளை சில எளிய வீட்டுப் பொருட்களைக் கொண்டே சரிசெய்யலாம்.அதை இங்கே காணலாம்.
காஸ்ட்லியாக வாங்கிய கறுப்பு நிற ஜீன்ஸ், சிலமுறை துவைத்ததும் வெளுத்துப் போய்விடுகிறதா? வாஷிங் மெஷினில் இருந்து எடுத்த பிறகும் துணிகளில் ஒருவித கெட்ட வாசனை நீடிக்கிறதா? இந்தக் கவலைகள் இனி வேண்டாம். உங்கள் துணி துவைக்கும் முறையில் சில சின்ன மாற்றங்களைச் செய்வதன் மூலம், ஆடைகளை நீண்ட நாட்கள் புதுசுபோல வைத்திருக்க முடியும். இந்த 'லான்ட்ரி ஹேக்ஸ்' உங்கள் நேரத்தை மிச்சப்படுத்துவதோடு, ஆடைகளின் ஆயுளையும் அதிகரிக்கும். இதற்காகப் பெரிய மெனக்கெடல்கள் தேவையில்லை; நம் வீட்டில் இருக்கும் எளிய பொருட்களைக் கொண்டே இதைச் செய்ய முடியும்.
24
துணிகளைப் புதுசாக்கும் சூப்பர் டிப்ஸ்!
அடர் நிற ஆடைகள், குறிப்பாக கறுப்பு நிற ஜீன்ஸ் போன்றவற்றின் நிறம் மங்காமல் இருக்க, அவற்றை வாஷிங் மெஷினில் போடும்போது தண்ணீருடன் சிறிது கல் உப்பைச் சேர்த்துக்கொள்ளுங்கள். உப்பு, துணியில் உள்ள சாயத்தை இறுக்கி, நிறம் வெளியேறுவதைத் தடுக்கும். இதனால் பலமுறை துவைத்த பிறகும் உங்கள் ஆடைகள் நிறம் மங்காமல் அப்படியே இருக்கும். பிரின்ட் செய்யப்பட்ட டி-ஷர்ட்கள் மற்றும் சட்டைகளின் டிசைன் மங்கிப் போகாமல் இருக்க, அவற்றை எப்போதும் உள்பக்கமாகத் திருப்பிப் போட்டுத் துவைப்பது சிறந்த முறையாகும்.
34
இதை பாலோ பண்ணுங்க
இப்படிச் செய்வதால், வாஷிங் மெஷினில் ஏற்படும் உராய்வினால் பிரின்ட்கள் சேதமடைவது தவிர்க்கப்படும். இதனால் உங்களுக்குப் பிடித்த டிசைன்கள் நீண்ட நாட்களுக்குப் பொலிவுடன் காணப்படும். வாஷிங் மெஷினில் துணிகள் ஒன்றுடன் ஒன்று சிக்கிக்கொண்டு, முடிச்சுப் போல ஆகிவிடுகிறதா? இதைத் தவிர்க்க, மெல்லிய துணிகள், உள்ளாடைகள் போன்றவற்றை ஒரு 'லான்ட்ரி பேக்' அல்லது பழைய தலையணை உறையில் போட்டு மெஷினில் துவைக்கலாம்.
இது துணிகள் சிக்கிக்கொள்வதைத் தடுப்பதோடு, அவை சேதமடையாமலும் பாதுகாக்கும். சில நேரங்களில், சரியாக உலர்த்தாததால் துணிகளில் இருந்து ஒருவித கெட்ட வாசனை வரும். இதைத் தவிர்க்க, துணிகளைத் துவைக்கும்போது சோப்புத் தூளுடன் சிறிதளவு வெள்ளை வினிகரைச் சேர்க்கலாம். வினிகர் ஒரு இயற்கையான கிருமிநாசினி மற்றும் துணிகளை மென்மையாக்கும் ஒரு பொருளாகவும் செயல்பட்டு, கெட்ட வாசனைகளை முழுமையாக நீக்கிவிடும். ஆச்சரியமாக இருக்கிறதல்லவா?
ஏஷ்யாநெட் தமிழ் நியூஸின் லைஃப்ஸ்டைல் பிரிவு, வாசகர்களுக்கு வாழ்க்கை முறை, உறவுகள் மற்றும் நடைமுறை வாழ்க்கை குறித்து வளமான தகவல்களை வழங்குகிறது. இதில் ஆரோக்கிய ஆலோசனைகள், உணவு மற்றும் ஊட்டச்சத்து குறிப்புகள், ஃபாஷன் டிரெண்ட்ஸ் மற்றும் தினசரி வாழ்க்கையை மேம்படுத்தும் சிந்தனையூட்டும் கருத்துகள் அடங்கும்.
