Kitchen Hacks: வாழைப்பழம் சீக்கிரம் கருப்பாகுதா? இனி கவலையே வேண்டாம், இந்த சிம்பிள் டிப்ஸ் ட்ரை பண்ணுங்க!

வாழைப்பழம் சீக்கிரமே பழுத்து, கறுத்து வீணாகிப் போகுதா? இந்த பிரச்னைக்கு ஒரு தீர்வு இருக்கு. வாழைப்பழத்தை எப்படி நீண்ட நாள் ஃப்ரெஷ்ஷாக வைத்திருக்கலாம் என்பதற்கான சில எளிய வழிகளை இங்கே பார்க்கலாம்.

வீட்டுக்கு வந்ததும் வாழைப்பழம் வீணாகாது

எவ்வளவு பிரகாசமான மஞ்சள் நிறத்தில் வாழைப்பழம் வாங்கினாலும், வீட்டுக்கு வந்த சில நாட்களில் கறுத்துப் போய்விடும். உங்களுக்கும் இந்த பிரச்சனை இருந்தால், அதற்கான தீர்வை இங்கே நாங்கள் சொல்கிறோம். உங்கள் வீட்டிலேயே வாழைப்பழத்தை எப்படி நீண்ட நாட்கள் ஃப்ரெஷ்ஷாக வைத்திருக்கலாம் என்று சில டிப்ஸ்களைப் பார்ப்போம்.

வாழைப்பழ காம்பை பிளாஸ்டிக் கவரில் சுற்றவும்

வாழைப்பழத்தின் காம்புப் பகுதியை பிளாஸ்டிக் கவர் கொண்டு சுற்றினால், பழம் நீண்ட நாட்கள் ஃப்ரெஷ்ஷாக இருக்கும். இது பழம் பழுக்கும் வேகத்தைக் குறைத்து, அதன் புத்துணர்ச்சியைத் தக்க வைக்கும். ஒவ்வொரு வாழைப்பழத்தின் காம்பையும் தனித்தனியாக சுற்றினால், பழுக்கும் வேகம் இன்னும் குறையும்.

வாழைப்பழம் வாங்கிய கவரை மாற்றவும்

வாழைப்பழம் வாங்கும்போது, அது மிகவும் மென்மையாக இல்லாமல் பார்த்து வாங்குங்கள். நீங்கள் வாங்கி வந்த பிளாஸ்டிக் கவரை வீட்டிற்கு வந்ததும் அகற்றி விடுங்கள்.அந்த கவரில் வாழைப்பழத்தில் இருந்து வெளியாகும் எத்திலீன் வாயு தங்கி, பழம் பழுக்கும் வேகத்தை அதிகரித்துவிடும். அதனால், வீட்டிற்கு வந்ததும் பழங்களை வேறு பைக்கு மாற்றுவது நல்லது.

மற்ற பழங்களிலிருந்து வாழைப்பழத்தை தள்ளி வைக்கவும்

மற்ற பழங்களில் இருந்தும் எத்திலீன் வாயு வெளியாகும், அது பழங்களை பழுக்க வைக்கும். எனவே, வாழைப்பழங்களை மற்ற பழுத்த பழங்களுடன் சேர்த்து வைப்பதைத் தவிர்க்கவும். அவற்றை அறை வெப்பநிலையில் (room temperature) தனியாக வைப்பதே சிறந்தது.

வாழைப்பழத்தை காத்தாட தொங்கவிடவும்

வாழைப்பழங்களில் காற்று படும்படி வைத்தால், அவை சீக்கிரம் கெட்டுப்போகாது. இதற்கு, அவற்றை ஒரு ஹூக்கில் தொங்கவிடலாம். அல்லது, ஒரு பாத்திரத்தில் காம்புப் பகுதி மேலே இருக்கும்படி தலைகீழாக வைக்கலாம். இப்படி செய்தாலும் பழங்களுக்கு நல்ல காத்தோட்டம் கிடைக்கும்.