கோடையில் பால்கனியை பசுமையாக மாற்றுங்கள்.! குளிர்ச்சி மட்டுமல்ல காய்கறியும் கிடைக்கும்.! பால்கனியில் வளர்க்க ஏதுவான 5 கொடிகள்.!

Balcony Gardening : கோடை காலத்தில் உங்கள் பால்கனியை பசுமையாக்க காய்கறி கொடிகளை வளர்க்கலாம். இவை பால்கனிக்கு குளிர்ச்சி தருவதோடு, ஆர்கானிக் காய்கறிகளையும் கொடுக்கும். இந்த கோடையில் நீங்கள் வளர்க்கக்கூடிய 5 காய்கறி கொடிகள் பற்றி பார்ப்போம்.

Balcony Gardening

வெயில் 45°C வரை கொளுத்தும்போது, பால்கனி, மொட்டை மாடியில் நிற்பது கஷ்டம். இந்த நேரத்தில், காய்கறி கொடிகள் (Veg Vines) உங்களுக்கு ஒரு நேச்சுரல் கூலிங் சிஸ்டம் போல செயல்படும். இந்த கொடிகள் சுவர்கள், கிரில்களை மூடி வெயிலை தடுப்பதால், சுற்றுப்புற வெப்பநிலை குறைந்து, உங்கள் பால்கனி ஜில்லுனு பிரெஷ்ஷாக இருக்கும். கூடவே, ஃப்ரெஷ்ஷான காய்கறிகளும் கிடைக்கும்.

சுரைக்காய் (Bottle Gourd)

சுரைக்காய் (Bottle Gourd) கொடி வேகமாக வளரும், அதன் பெரிய இலைகள் நல்ல நிழல் தரும். இதை ஒரு பந்தலில் ஏற்றிவிட்டால், பால்கனி முழுவதையும் பசுமையாக மாற்றி, வெயிலின் தாக்கத்தைக் குறைத்துவிடும். சுரைக்காயில் காய்களும் நிறைய காய்க்கும்.

பாகற்காய் (Bitter Gourd)

பாகற்காய் (Bitter Gourd) கொடி கோடை காலத்திலும் சுலபமாக வளரும், குறைந்த இடத்திலும் படர்ந்துவிடும். இதன் அடர்த்தியான இலைகள் வெயிலை தடுத்து குளிர்ச்சியைத் தரும். கூடவே, ஆரோக்கியமான காய்கறியும் உங்களுக்குக் கிடைக்கும்.

வெள்ளரிக்காய் (Cucumber)

வெள்ளரிக்காய் (Cucumber) கொடி வேகமாகப் பரவும். இதையும் ஒரு பந்தலில் ஏற்றி உங்கள் பால்கனியைப் பசுமையாக்கலாம். இதில் நீர்ச்சத்து நிறைந்த காய்கள் காய்க்கும். இந்தச் செடி பால்கனியை குளிர்ச்சியாக வைத்திருக்கும்.

பீர்க்கங்காய் (Ridge Gourd)

பீர்க்கங்காயின் (Ridge Gourd) நீளமான, அடர்த்தியான கொடி மொட்டை மாடி அல்லது பால்கனியின் மேல் பரவி ஒரு இயற்கையான நிழலை உருவாக்கும். இதனால் நேரடி சூரிய ஒளி குறைந்து, இடம் குளிர்ச்சியாக உணரப்படும். பீர்க்கங்காயில் மஞ்சள், வெள்ளை நிறப் பூக்கள் பூக்கும். இந்தப் பூக்களை வைத்து பஜ்ஜி கூட செய்யலாம். 

அவரை அல்லது பீன்ஸ் (Climbing Beans) கொடி

அவரை அல்லது பீன்ஸ் (Climbing Beans) கொடி சிறிய இடத்திலும் எளிதாக வளரும், பார்க்கவும் அழகாக இருக்கும். இது சீக்கிரம் காய்க்கும், பால்கனிக்கு ஒரு பசுமையான உணர்வைக் கொடுக்கும். இந்த காய்கறி கொடிகளை 15 இன்ச் தொட்டியில் வளர்க்கலாம். கோடை காலத்தில் இவை நன்றாகக் காய்க்கும்.