Driest Places in the World: இந்த உலகத்தில் மழையே பெய்யாத சில விசித்திரமான இடங்கள் உள்ளன. பல ஆண்டுகளாக ஒரு சொட்டு மழை கூட பெய்யாதாம். இந்த 5 இடங்கள் என்னென்ன? என்பது குறித்து பார்க்கலாம்.
இயற்கையின் அதிசயங்கள் உங்களை ஆச்சரியப்படுத்தலாம்! இயற்கையை பற்றி தெரிந்துகொள்ளும்போது, உங்கள் ஆர்வம் இன்னும் அதிகமாகும். மழையே பெய்யாத உலகின் 5 விசித்திரமான இடங்களைப் பற்றி இந்த செய்தியில் தெரிந்து கொள்வோம்.
27
ஒரு சொட்டு கூட மழை பெய்யாது
உலகத்தில் பெரும்பாலான மக்கள், வாழ்க்கைக்கேற்ற தட்பவெப்பநிலை, தண்ணீர், காற்று இருக்கிற இடங்களில் தான் வாழுகிறார்கள். ஆனால் நமது பூமியில் சில இடங்களில் ஆண்டுக்கணக்கில் ஒரு சொட்டு மழை கூட பெய்யுறது இல்லை. அப்படிப்பட்ட 5 இடங்கள் இதோ.
37
உலகின் பழமையான பாலைவனம்
நமீபியாவில் உள்ள நமீப் பாலைவனம், அதன் உயரமான செம்மணல் திட்டுகளுக்குப் பெயர் போனது. இங்க வறட்சி அதிகம் என்பதால், விலங்குகள் கடல் பனிமூட்டத்திலிருந்து தண்ணீரை உறிஞ்சி உயிர்வாழ பழகிக்கொண்டன. இந்த பாலைவனம் அட்லாண்டிக் பெருங்கடல் கரையோரம் இருப்பதால், மணல் திட்டுகள் நேரடியாக கடல் அலைகளை சந்திக்கின்றன.
ஜோர்டானின் வாடி ரம் பாலைவனம், அதன் செம்மண் மற்றும் மணற்கல் மலைகளால் ஒரு சினிமா செட் போலவே தோற்றமளிக்கிறது. இங்கு மழை மிகவும் அரிது. இரவில் நட்சத்திரங்களுக்குக் கீழே 'கிளாம்ப்பிங்' (Glamping) செய்வது உலகப் புகழ்பெற்றது. இதனால்தான் இதை 'நிலவின் பள்ளத்தாக்கு' (Valley of the Moon) என்றும் அழைக்கிறார்கள்.
57
பனி படர்ந்த பாலைவனம்
அண்டார்டிகாவின் மெக்முர்டோ டிரை வேலிஸில் ஈரப்பதம் மிகக் குறைவாக இருப்பதால், இங்கு பனிக்கட்டிகூட உருவாவதில்லை. இங்குள்ள காற்று மிகவும் குளிராகவும் வறண்டும் இருக்கும். விஞ்ஞானிகள் கருத்துப்படி, இந்த இடம் செவ்வாய் கிரகத்தின் சூழலுக்கு மிகவும் நெருக்கமானது.
67
பூமியில் இருக்கும் செவ்வாய் கிரகம்
சிலியில் உள்ள அட்டகாமா பாலைவனம், உலகின் மிக வறண்ட பகுதியாகக் கருதப்படுகிறது. இங்குள்ள வானிலை மையங்கள் இதுவரை ஒரு சொட்டு மழையைக் கூட பதிவு செய்யவில்லை என்றால் நம்புங்க! புவியியலாளர்களுக்கும் சாகசப் பிரியர்களுக்கும் இது ஒரு கனவுலகம்.
77
வெப்பமும் வறட்சியும் சங்கமிக்கும் இடம்
அமெரிக்காவின் டெத் வேலி, அதன் கொளுத்தும் வெப்பத்திற்கும் கடுமையான வறட்சிக்கும் பெயர் பெற்றது. இங்குள்ள உப்பு சமவெளிகளும் (Salt Pans) வண்ணமயமான மலைகளும் இதை ஒரு அபாயகரமான ஆனால் அழகான சுற்றுலாத் தலமாக மாற்றியுள்ளன.
ஏஷ்யாநெட் தமிழ் நியூஸின் லைஃப்ஸ்டைல் பிரிவு, வாசகர்களுக்கு வாழ்க்கை முறை, உறவுகள் மற்றும் நடைமுறை வாழ்க்கை குறித்து வளமான தகவல்களை வழங்குகிறது. இதில் ஆரோக்கிய ஆலோசனைகள், உணவு மற்றும் ஊட்டச்சத்து குறிப்புகள், ஃபாஷன் டிரெண்ட்ஸ் மற்றும் தினசரி வாழ்க்கையை மேம்படுத்தும் சிந்தனையூட்டும் கருத்துகள் அடங்கும்.
