Electricity Bill: ஏசி வாங்க கடைக்குச் சென்றதும் விற்பனையாளர்கள் கேட்கும் முதல் கேள்வி, உங்களுக்கு 1 டன் வேணுமா, 1.5 டன் வேணுமா அல்லது 2 டன் வேணுமா? என்பதுதான். நம்மில் பலரும் இந்த 'டன்' என்பதை ஏசியின் எடை என்று தவறாக நினைத்துக் கொள்கிறோம்.
கோடை காலம் வந்துவிட்டாலே நம் நினைவுக்கு வருவது ஏசி தான். ஏசி வாங்க கடைக்குச் சென்றதும் விற்பனையாளர்கள் கேட்கும் முதல் கேள்வி, உங்களுக்கு 1 டன் வேணுமா, 1.5 டன் வேணுமா அல்லது 2 டன் வேணுமா? என்பதுதான். நம்மில் பலரும் இந்த 'டன்' என்பதை ஏசியின் எடை என்று தவறாக நினைத்துக் கொள்கிறோம். இந்த அறியாமையால் தவறான ஏசியை வாங்கிவிட்டு, "கூலிங் பத்தல", "கரண்ட் பில் எகிறிடுச்சு" என்று புலம்புபவர்கள் ஏராளம். ஏசியில் 'டன்' என்றால் உண்மையில் என்ன? உங்கள் வீட்டுக்கு எந்த ஏசி சரியாக இருக்கும்? எப்படி தேர்ந்தெடுப்பது என்பதை பார்க்கலாம்.
25
ஏசியில் 'டன்' என்றால் என்ன அர்த்தம்?
ஏர் கண்டிஷனரின் எடைக்கும் 'டன்' என்ற வார்த்தைக்கும் எந்த சம்பந்தமும் இல்லை. எளிமையாகச் சொன்னால், 'டன்' என்பது ஏசியின் குளிர்விக்கும் திறனைக் குறிக்கும் அலகு. ஒரு ஏசி ஒரு மணி நேரத்தில் உங்கள் அறையிலிருந்து எவ்வளவு வெப்பத்தை வெளியேற்றுகிறது என்பதைப் பொறுத்துதான் அதன் டன் கணக்கிடப்படுகிறது. ஒரு மணி நேரத்திற்கு சுமார் 12,000 BTU (British Thermal Unit) வெப்பத்தை அறையிலிருந்து வெளியேற்றும் திறன் கொண்டது. டன் அளவு அதிகரிக்க அதிகரிக்க, ஏசியின் கூலிங் திறனும் அதிகரிக்கும்.
உங்கள் அறையின் சதுர அடி பரப்பளவைப் பொறுத்தே ஏசியின் டன்னைத் தேர்ந்தெடுக்க வேண்டும். 100 முதல் 120 சதுர அடிக்குள் 1 டன் ஏசி சிறிய பெட்ரூம், ஸ்டடி ரூம் மற்றும் ஆட்கள் நடமாட்டம் குறைவான அறைகள்.
120 முதல் 180 சதுர அடிக்கு 1.5 டன் ஏசி சரியாக இருக்கும். நடுத்தர அளவு பெட்ரூம் மற்றும் லிவிங் ரூம் (இந்தியாவில் இதுவே அதிகம் விற்பனையாகிறது).
180 முதல் 250 சதுர அடிக்கு 2 டன் ஏசி சரியாக இருக்கும். பெரிய ஹால், அதிக ஜன்னல்கள் கொண்ட அறைகள் மற்றும் நாள் முழுவதும் நேரடியாக வெயில் படும் இடங்கள். ஆனால் மின் கட்டணம் கொஞ்சம் அதிகமாக வரும்.
பணத்தை மிச்சப்படுத்த நினைத்து பெரிய அறைக்குக் குறைவான டன் ஏசி வாங்கினால், அறையைக் குளிர்விக்க ஏசி நீண்ட நேரம் கஷ்டப்பட்டு வேலை செய்ய வேண்டியிருக்கும். இதனால் கூலிங்கும் கிடைக்காது, கம்பிரஸர் தொடர்ந்து ஓடுவதால் கரண்ட் பில்லும் அதிகமாக வரும். தேவைக்கு அதிகமான டன் உள்ள ஏசியை வாங்கினால், ஆரம்பக்கட்ட விலை அதிகமாக இருக்கும். அதுமட்டுமின்றி, அறையின் ஈரப்பதத்தை அது சமமற்றதாக மாற்றிவிடக்கூடும்.
55
சரியான ஏசியைத் தேர்ந்தெடுப்பது எப்படி?
அடுத்த முறை நீங்கள் ஏசி வாங்கச் செல்லும்போது, வெறும் பிராண்ட் மற்றும் விலையை மட்டும் பார்க்காதீர்கள். உங்கள் அறையின் அளவு எவ்வளவு? அறையில் நேரடியாக வெயில் படுகிறதா? அந்த அறையில் பொதுவாக எத்தனை பேர் இருப்பார்கள்? ஆகியவற்றை கணக்கிட்டுச் சரியான டன்னில் ஏசி வாங்குங்கள். இது உங்களுக்குச் சிறந்த குளிர்ச்சியைத் தருவதோடு, கரண்ட் பில்லையும் கணிசமாகக் குறைத்து, ஏசியின் ஆயுளையும் நீட்டிக்கும்.
ஏஷ்யாநெட் தமிழ் நியூஸின் லைஃப்ஸ்டைல் பிரிவு, வாசகர்களுக்கு வாழ்க்கை முறை, உறவுகள் மற்றும் நடைமுறை வாழ்க்கை குறித்து வளமான தகவல்களை வழங்குகிறது. இதில் ஆரோக்கிய ஆலோசனைகள், உணவு மற்றும் ஊட்டச்சத்து குறிப்புகள், ஃபாஷன் டிரெண்ட்ஸ் மற்றும் தினசரி வாழ்க்கையை மேம்படுத்தும் சிந்தனையூட்டும் கருத்துகள் அடங்கும்.
