இன்று நிகழும் இந்த ஆண்டின் கடைசி சூரிய கிரகணம்.. கடும் நெருக்கடியை சந்திக்க போகும் ராசிகள் இவைகள் தான்.!

Surya Grahan 2022: இந்த ஆண்டின் கடைசி சூரிய கிரகணம் இன்று அதாவது அக்டோபர் 25ல் மாலை ஏற்படும். இதனால் குறிப்பிட்ட ராசிகளுக்கு சோதனை காலம் துவங்கவுள்ளது.

Surya Grahan 2022: சூரிய கிரகணம் 2022: அக்டோபர் 25  இன்று  சூரிய கிரகணம் நிகழப் போகிறது. இந்த 2022 ஆம் ஆண்டின் இரண்டாவது மற்றும் கடைசி சூரிய கிரகணம்  அக்டோபர் 25 இன்று மாலை 04.29 மணிக்கு தொடங்கி மாலை 05.42  மணி வரை துலாம் ராசியில் நிகழவுள்ளது. சூரியனுக்கும் பூமிக்கும் இடையே சந்திரன் வரும் போது, சூரியனின் ஒளி பூமியை அடையாத நிலை ஏற்படும். அது சூரிய கிரகணம் என்று அழைக்கப்படுகிறது.

இந்த ஆண்டில் முதல் சூரிய கிரகணம் ஏப்ரல் 30 ம் தேதி நள்ளிரவு ஏற்பட்டது. இம்முறை சூரிய கிரகண நேரத்தில் சூரியனுடன் கிரங்களின் முக்கிய கிரகங்களான சுக்கிரன், கேது ஆகியவை ஏற்கனவே துலாம் ராசியில் இருப்பதால், புதிய யோகம் ஒன்று உருவாக போகிறது. மேலும், இதன் மது சனியின் பார்வை விழுவதால், குறிப்பிட்ட ராசிகளுக்கு பாதிப்பை ஏற்படுத்தும். அவை எந்தெந்த ராசிகள் என்பதை பார்ப்போம்.

மகரம்:

மகர ராசிக்காரர்களுக்கும் சூரிய கிரகணம் பாதிப்பை ஏற்படுத்தும்.  வேலை மற்றும் வியாபாரத்தில் கவனமாக செயல்பட வேண்டும். இல்லையெனில் நஷ்டம் ஏற்படும். முதலீடு செய்யாதீர்கள். வேலைகளை மாற்ற வேண்டாம். இந்த நேரம் தங்கள் உடல் நலத்தில் மிகுந்த கவனம் செலுத்த வேண்டும். முக்கியமான முடிவுகளை எடுப்பதற்கு இந்த நேரம் சரியாக இல்லை என்றே சொல்லலாம்.

துலாம்: 

சூரிய கிரகணம் இந்த ராசிக்காரர்களுக்கு சாதகமாக இருக்காது.  இந்த ராசியில் சதுர்கிரஹி யோகம் உருவாகி வருவதாலும் இவர்கள் மிகவும் கவனமாக இருக்க வேண்டும். இந்த நேரத்தில் பிறருக்கு கடனாக கொடுத்த பணத்தை இழக்கலாம். விபத்துகள் ஏற்பட வாய்ப்புகள் இருப்பதால் வாகனம் ஓட்டும்போது கவனமாக இருங்கள். நம்பிக்கை குறையும். ஒருவருடன் வாக்குவாதம் ஏற்படலாம். வேலையில் எச்சரிக்கையாக இருங்கள்.மன உளைச்சல் நோய் உங்களை சூழ்ந்து கொள்ளும்.

மிதுனம்: 

சூரிய கிரகணத்தால் உருவாகும் புதிய யோகம் மிதுன ராசிக்காரர்களுக்கு அசுப பலன்களை கொடுக்கிறது. திருமண உறவுகளில் விரிசல் ஏற்படலாம். குடும்பத்தில் வீட்டு பிரச்சனைகள், செலவுகள் அதிகரிக்கும். குடும்ப வாழ்க்கையில் ஏற்ற தாழ்வுகள் இருக்கலாம். கணவன் மனைவிக்கு இடையில் பிரச்சினைகள் வரலாம். தொழில், வியாபாரத்தில் நஷ்டம் வரலாம். இந்த நேரத்தில் முதலீடு செய்ய வேண்டாம்.. உடல் ஆரோக்கியத்தில் கவனம் தேவை.