ஒரு சில நிமிடங்களில் டாய்லெட் பளீச்னு வாசனையா மாறணுமா? வெறும் டூத் பேஸ்ட் மட்டும் போதும்!
First Published Jan 7, 2023, 11:04 AM ISTsimple hacks to clean toilet: உங்கள் வீட்டு கழிப்பறையை தூய்மையாக வைத்திருக்க எளிய வழிமுறையை தெரிந்து கொள்ளுங்கள்.
simple hacks to clean toilet: உங்கள் வீட்டு கழிப்பறையை தூய்மையாக வைத்திருக்க எளிய வழிமுறையை தெரிந்து கொள்ளுங்கள்.
வீட்டு சுத்தத்தில் மிக முக்கியமானது கழிவறை சுத்தம். கழிவறையை சுத்தம் செய்ய சில தயங்குவார்கள். யாராவது சுத்தம் செய்து வைத்தால் போதும் என பின் வாங்குவார்கள். இதற்கு கழிவறையின் துர்நாற்றமும், அருவருப்பு தரக்கூடிய நிறமாற்றமும் தான் காரணம்.
கழிவறையை சுத்தம் செய்யாமல் நாம் பின் வாங்குவது போல கிருமிகள் பின்வாங்குவதில்லை. அதனால் அவசியம் கழிவறையை சுத்தம் செய்தாக வேண்டும். அருவருப்பு இல்லாமல் கழிவறையை சுத்தம் செய்வது குறித்து இங்கு காணலாம்.
இந்த க்ளீனிங் முறையில் நமக்கு வேண்டியதெல்லாம் ஒரு டூத் பேஸ்ட்தான். அது எவ்வளவு மதிப்பு, என்ன பிராண்ட், என்ன ப்ளேவர் எதுவும் அவசியமில்லை. நமக்கு தேவை ஒரு டூத் பேஸ்ட் அவ்வளவுதான். இந்த டூத் பேஸ்டின் சிறு சிறு துளைகளாக நிறைய துளையிட்டு கொள்ளுங்கள். அதனை கழிப்பறை தொட்டியில் போட்டுவிடுங்கள்.
நீங்கள் இதன் பின்னர் கழிவறையை பயன்படுத்திவிட்டு ப்ளஷ் செய்யும்போது கொஞ்சம் கொஞ்சமாக டூத்பேஸ்ட் வெளியேறும். இதனால் கழிவறை சுத்தமாகவும், வாசனையாகவும் மாறும். இந்த டூத் பேஸ்ட் ஒரு மாதம் வரையிலும் குறைந்தப்பட்சம் பலன் அளிக்கும்.
இந்த முறையை பின்பற்றும் போது டாய்லெட் சீட் அசுத்தமாக இருப்பதை குறித்து கவலை கொள்ள தேவையில்லை. அவ்வப்போது கழிவறையை சுற்றி தூய்மையாக வைத்து கொள்ளுங்கள். இனி உங்கள் கழிவறையில் மோசமான நாற்றத்திற்கு வேலையில்லை.
இதையும் படிங்க; பொங்கல் பண்டிகையில் நற்பலன் பெற ஒவ்வொரு ராசிக்காரரும் எதை தானம் செய்யணும் தெரியுமா?