பாலிவுட்டில் அறிமுகமாகியுள்ள ஷாருக்கானின் மகள் சுஹானா கான், திரைப்படங்கள், விளம்பரங்கள் மற்றும் ரியல் எஸ்டேட் மூலம் அதிக சொத்துக்களை குவித்துள்ளார். அவரின் சொத்து மதிப்பு எவ்வளவு தெரியுமா?
பாலிவுட் பாட்சா, கிங் கான் என பல பெயர்களால் அழைக்கப்படும் ஷாருக்கான ஹிந்தியில் 100-க்கும் மேற்பட்ட படங்களில் நடித்துள்ளார். ஷாருக்கான் கௌரி கான் தம்பதிக்கு ஆர்யன் கான் என்ற மகனும், சுஹானா கான் என்ற மகளும் இருக்கின்றனர்.
ஷாருக்கானின் மகள் சுஹானா மும்பையில் உள்ள திருபாய் அம்பானி சர்வதேச பள்ளியில் பள்ளிப்படிப்பை முடித்தார். பின்னர் ஆர்டிங்லி கல்லூரியில் உயர்கல்வியை அவர் நியூயார்க்கில் உள்ள கலைக்கல்லூரியில் நடிப்பு தொடர்பான படிப்பை முடித்துள்ளார்.
2023 ஆம் ஆண்டு நெட்ஃபிளிக்ஸில் வெளியான “தி ஆர்ச்சீஸ்” படத்தின் மூலம் பாலிவுட்டில் நடிகையாக அறிமுகமானார் சுஹானா கான். ஓடிடியை தொடர்ந்து தற்போது வெள்ளித்திரையில் அறிமுகமாக உள்ளார். தனது தந்தை ஷாருக்கானுடன் இணைந்து தி கிங் என்ற படத்தில் சுஹானா நடிக்க உள்ளார். மிகப்பெரிய பட்ஜெட்டில் ஆக்ஷன் படமாக இந்த படம் உருவாக உள்ளது.
வெறும் 24 வயதில், சுஹானா கான் திரைப்படத் துறையிலும் அதற்கு அப்பாலும் தனக்கென ஒரு பாதையை செதுக்கியுள்ளார். சுஹானா கான் திரைப்படங்கள் மட்டுமின்றி, Maybelline மற்றும் லக்ஸ் போன்ற விளம்பரங்களிலும் நடித்துள்ளார். இதன் மூலம் இளம் வயதிலேயே அதிக சொத்துக்களை குவித்துள்ளார். அவரின் சொத்து மதிப்பு ரூ.13 கோடி என்று கூறப்படுகிறது. .
சுஹானா கான் தனது தந்தையின் அடிச்சுவடுகளைப் பின்பற்றி ரியல் எஸ்டேட்டில் அதிக முதலீடு செய்துள்ளார். மும்பையின் அலிபாக்கில் உள்ள தால் கிராமத்தில் ஒரு பண்ணை வீட்டை ரூ. 12.91 கோடிக்கு வாங்கினார். 1.5 ஏக்கர் பரப்பளவில் அமைந்துள்ள இந்த வீடு, 2,218 சதுர அடியில் மூன்று வீடுகள் கொண்டது.
அதுமட்டுமின்றி தால் கிராமத்தில் ரூ.9.5 கோடி மதிப்புள்ள மற்றொரு விவசாய நிலத்தை வாங்கினார். ஷாருக்கான் மகள் சுஹானா கானுக்கு 70 லட்சம் ரூபாய் விலையுள்ள Audi A6 காரை பரிசாக அளித்தார்.
தனது நேர்த்தியான பேஷன் தேர்வுகளுக்கு பெயர் பெற்ற சுஹானா கான், புத்தாண்டு ஈவ் பார்ட்டியின் போது கருப்பு பால்மெய்ன் மினி உடையில் அசத்தினார். தங்க எம்பிராய்டரி மூலம் அலங்கரிக்கப்பட்ட இந்த நேர்த்தியான உடையின் விலை 2,70,000 ரூபாய் ஆகும்
சுஹானா கான் தனது தாயார் கௌரி கானை போல ஆடம்பர ஹேண்ட் பேக் வாங்குவதையும் விரும்புகிறார். நியூயார்க்கின் டிஷ் ஸ்கூல் ஆஃப் ஆர்ட்ஸில் படிக்கும் போது, அவர் ரூ. 1.23 லட்சம் மதிப்புள்ள பச்சை நிற பிராடா பிரஷ் செய்யப்பட்ட தோல் மினி பையுடன் காணப்பட்டார்.
சுஹானா கானின் வாழ்க்கை முறை ஆடம்பர மற்றும் மூலோபாய முதலீடுகள் இரண்டையும் பிரதிபலிக்கிறது. பாலிவுட் மட்டுமின்றி, ஃபேஷன் மற்றும் நிதி புத்திசாலித்தனத்திலும் சுஹானா தொடர்ந்து கவனம் ஈர்த்து வருகிறார்.
சேனலை கிளிக் செய்து பின்தொடரவும்