HMPV பரவலுக்கு மத்தியில் சீனாவில் புதிய உருமாறிய Mpox வைரஸ் கண்டுபிடிப்பு; அறிகுறிகள் என்ன?

சீனாவில் குரங்கு அம்மையின் புதிய வகையான கிளேட் 1b கண்டறியப்பட்டுள்ளது. காங்கோ ஜனநாயகக் குடியரசில் வசித்த வெளிநாட்டவர்தான் இந்தத் தொற்றுக்கு ஆரம்ப மூலம் என்று கருதப்படுகிறது. நோய் பரவாமல் தடுக்க விழிப்புணர்வு மற்றும் அறிகுறிகளை ஆரம்பத்தில் தெரிவிப்பதன் முக்கியத்துவத்தை சுகாதார அதிகாரிகள் வலியுறுத்தி வருகின்றனர்.

Mutant Mpox Virus

சீனாவில் குரங்கு அம்மையின் புதிய வகையான கிளேட் 1b கண்டறியப்பட்டுள்ளது. HMPV பரவல் அதிகரித்து வரும் நிலையில், இந்தப் புதிய வைரஸ் கண்டுபிடிப்பு பொது சுகாதாரப் பாதுகாப்பு குறித்த கவலைகளை அதிகரித்துள்ளது. சீன நோய் கட்டுப்பாடு மற்றும் தடுப்பு மையங்கள் (CDC) கூற்றுப்படி, சமீபத்தில் சீனாவில் கிளேட் 1b துணை வகையின் தொற்றுநோய் பரவல் பதிவாகியுள்ளது.

காங்கோ ஜனநாயகக் குடியரசில் இருந்து சீனாவுக்கு வந்த பயணி மூலம் இந்த வைரஸ் பரவியிருக்கலாம் என்று கருதப்படுகிறது. இந்தக் கண்டுபிடிப்பைத் தொடர்ந்து, ஜெஜியாங், குவாங்டாங், பெய்ஜிங் மற்றும் டென்ஜின் போன்ற முக்கியப் பகுதிகளில் உள்ள அதிகாரிகள் நோய் தடுப்பு நடவடிக்கைகளை தொடங்கி உள்ளனர். தொற்று பரவல் கண்காணிப்பு, ஆபத்து மதிப்பீடுகள் மற்றும் சிகிச்சை நெறிமுறைகள் இதில் அடங்கும்.

Mutant Mpox Virus

ஆரம்ப நோயாளியுடன் நேரடித் தொடர்பு கொண்ட நான்கு நபர்களுக்கு தொற்று ஏற்பட்டுள்ளது. அனைவருக்கும் தோல் அழற்சி மற்றும் ஹெர்பெஸ் போன்ற லேசான அறிகுறிகள் காணப்பட்டன. இதுவரை பொதுத் தொடர்புகள் மூலம் யாருக்கும் தொற்று ஏற்பட்டதாகத் தெரியவில்லை. பாதிக்கப்பட்டவர்கள் மருத்துவ சிகிச்சை மற்றும் சுகாதாரக் கண்காணிப்பில் உள்ளனர்.

Mutant Mpox Virus

பதிவான அறிகுறிகள் பொதுவான குரங்கு அமமை நோய்த்தொற்றுகளுடன் ஒத்துப்போகின்றன. காய்ச்சல், குளிர், தசை வலி, நிணநீர் முடிச்சுகள் வீக்கம் மற்றும் தலைவலி ஆகியவை இதில் அடங்கும். தோல் அழற்சி பொதுவாக தட்டையான சிவப்பு புள்ளிகளாகத் தொடங்கி, திரவம் நிரம்பிய கொப்புளங்கள் அல்லது சீழ் கொப்புளங்களாக மாறி, இறுதியில் மேலோடு உதிர்ந்து குணமாகும். தோல் அழற்சி பொதுவாக முகம், கைகள் அல்லது கால்களில் தொடங்குகிறது.

ஆனால் பிறப்புறுப்புகள் உட்பட பிற பகுதிகளுக்கும் பரவக்கூடும். பெரும்பாலான மங்கிபாக்ஸ் நோய்த்தொற்றுகள் லேசானவை மற்றும் 2-4 வாரங்களுக்குள் குணமாகும். சில கடுமையானதாக மாறக்கூடும்.

Mutant Mpox Virus

இந்தப் பரவலைத் தொடர்ந்து, சீன அதிகாரிகள் கடுமையான கண்காணிப்பு மற்றும் தடுப்பு வழிகாட்டுதல்களை செயல்படுத்தியுள்ளனர். குரங்கு அம்மை பரவலாக உள்ள பகுதிகளில் இருந்து சீனாவுக்குள் நுழையும் பயணிகள் தங்கள் உடல்நிலையை சுங்க அதிகாரிகளிடம் தெரிவிக்க வேண்டும். குறிப்பாக மங்கிபாக்ஸ் நோயாளிகளுடன் தொடர்பு கொண்டவர்கள் அல்லது அறிகுறிகளைக் கொண்டவர்கள் தெரிவிக்க வேண்டும்.

அறிகுறிகளைக் காட்டும் அல்லது குரங்கு அம்மை இருப்பதாகச் சந்தேகிக்கப்படும் நபர்களுடன் நெருங்கிய தொடர்பைத் தவிர்க்குமாறு சீன CDC குடிமக்களைக் கேட்டுக் கொண்டுள்ளது. வைரஸை பரப்பும் முகவர்களாக அறியப்படும் கொறித்துண்ணிகள் மற்றும் விலங்குகளைக் கையாள வேண்டாம் என்றும் அறிவுறுத்தப்பட்டுள்ளது.

Mutant Mpox Virus

உருமாற்றம் செய்யப்பட்ட குரங்கு அம்மை வைரஸ் மற்றும் HMPV தொற்றுகளின் அதிகரிப்பு ஆகியவை பொதுமக்களிடையே கவலையை அதிகரித்துள்ளன. நோய் மேலும் பரவாமல் தடுக்க விழிப்புணர்வு மற்றும் அறிகுறிகளை ஆரம்பத்தில் தெரிவிப்பதன் முக்கியத்துவத்தை சுகாதார அதிகாரிகள் தொடர்ந்து வலியுறுத்தி வருகின்றனர்.