Heart Attack: ஆண்களை குறி வைத்து தாக்கும் ஹார்ட் அட்டாக்...என்ன காரணம்..? புதிய ஆய்வில் வெளிவந்த உண்மை...

Heart Attack: வயதான ஆண்களுக்கு இதயக் கோளாறு மற்றும் இதயச் செயலிழப்பு  ஏன் அதிகம் ஏற்படுகிறது என்பது குறித்து ஆய்வு முடிவு வெளியாகியுள்ளது.

Heart Attack:

உலகம் முழுவதும் இதயநோய் பாதிப்பு ஒவ்வொரு 36 வினாடிக்கும் ஒரு உயிரைக் கொல்கிறது. பெண்களை விட, ஆண்கள்  இதயம்நோயால் அதிகம் பாதிக்கப்படுகின்றனர். குறிப்பாக, வயதான ஆண்களுக்கு இதயக் கோளாறு, இதயச் செயலிழப்பு பக்கவாதம், நீரிழிவு, புற்றுநோய் மற்றும் மனச்சோர்வு அதிகம் ஏற்படுகிறது. எனவே, இதற்கு என்ன காரணம்..? என்பது குறித்து சமீபத்திய ஆய்வு முடிவு வெளியாகியுள்ளது. 

Heart Attack:

ஆம், இது தொடர்பாக சமீபத்திய ஸ்வீடனில் உள்ள உப்சாலா பல்கலைக்கழக ஆராய்ச்சியாளர்கள் நடத்திய ஆய்வில், 'ஒய்' குரோமோசோம் இழப்பு ஆண்களுக்கு இதயக் கோளாறு ஏற்பட முக்கியக் காரணமாக உள்ளதாக தெரிவிக்கப்பட்டுள்ளது. மனித செல் 23 ஜோடி குரோமோசோம்களைக் கொண்டுள்ளது. இது ஒரு நபர் ஆணோ பெண்ணோ என்பதை தீர்மானிக்கிறது. ஒரு பெண்ணுக்கு இரண்டு X குரோமோசோம்கள் (XX) உள்ளன. ஒரு ஆணுக்கு ஒரு X மற்றும் ஒரு Y (XY) உள்ளது. எனவே, 'ஒய்' குரோமோசோம் என்பது ஆண்களின் குரோமோசோமாக அறியப்படுகிறது.

Heart Attack:

எனவே, வயதான ஆண்களில், 'ஒய்' குரோமோசோம் குறையும்போது, இதயத்தில் ஃபைப்ரோஸிஸ் வளர்ச்சி அடைகிறது. இதனால் இதயம் பலவீனம் அடைகிறது. இதன் விளைவாக இதய நோய்கள் ஏற்படுகின்றன என இந்த ஆய்வில் கண்டறியப்பட்டுள்ளது.  அதேபோன்று, ஆண்கள் இதய நோய்களால் இறக்கும்பட்சத்தில் அவர்களின் பெரும்பாலான மரணத்துக்குக் காரணமானது இந்த mLOY அமைந்துள்ளது.

இதன்படி, ஆண்களின் வெள்ளை ரத்த அணுக்களில் 'ஒய்' குரோமோசோமின் எண்ணிக்கை குறைகிறது. இதன் காரணமாகவே பெண்களை விட வயது குறைந்த ஆண்கள் இதய நோய்களால் அதிகம் இறக்கின்றனர்.  

இந்த 'ஒய்' குரோமோசோம் இழப்பு 60 வயதுடையவர்களில் குறைந்தது 20 சதவீதத்தினருக்கும், 70 வயதுடைய ஆண்களில் 40 சதவீதத்தினருக்கும் கண்டறியப்படுகிறது. மேலும், எலிகளை வைத்து இதன் மாதிரி பரிசோதனை மேற்கொள்ளப்பட்டது. எனவே, முறையான உடற்பயிற்சி, மன அழுத்தம் இல்லாமல் இருப்பது, உடல் எடையை கட்டுக்கோப்பாக வைத்து கொள்வது போன்றவை அவசியம்.