இரட்டை நகரங்கள் இரண்டு மாறுபட்ட சூழல்களை அனுபவிக்கும் அரிய வாய்ப்பை வழங்குகின்றன. இந்த இரட்டை நகரங்கள் மற்ற நகரங்களைப் போலல்லாமல், புதிய அற்புதமான அனுபவத்தைக் கொடுக்கின்றன. இந்தியாவில் உள்ள அத்தகைய புகழ்பெற்ற நகரங்களைப் பற்றித் தெரிந்துகொள்வோம்.
1) ஹைதராபாத் மற்றும் செகந்திராபாத் (தெலுங்கானா): இந்த இரட்டை நகரங்கள் தெலுங்கானாவின் மையமாக அமைகின்றன, ஹைதராபாத் அதன் வளர்ந்து வரும் தகவல் தொழில்நுட்பத் துறை, வரலாற்று அடையாளங்கள் மற்றும் கலாச்சாரத்துக்கு பெயர் பெற்றது. செகந்திராபாத் ஒரு முக்கியமான வணிக மையமாக செயல்படுகிறது.
2) புவனேஸ்வர் மற்றும் கட்டாக் (ஒடிசா): ஒடிசா மாநிலத்தின் தலைநகரான புவனேஸ்வர், அதன் பழமையான கோவில்கள் மற்றும் வளர்ந்து வரும் தகவல் தொழில்நுட்பத் துறைக்கு புகழ் பெற்றது. "வெள்ளி நகரம்" என்று அழைக்கப்படும் கட்டாக், அதன் பாரம்பரிய கைவினைப் பொருட்களுக்கு புகழ்பெற்றது. இந்த நகரங்கள் மகாநதி நதியால் இணைக்கப்படுகின்றன.
3) டெல்லி மற்றும் புது டெல்லி (டெல்லி): டெல்லி ஒரு பரந்த பெருநகரம். இது கலாச்சார, அரசியல் மற்றும் பொருளாதார அதிகார மையமாக செயல்படுகிறது. அதே நேரத்தில் புது டெல்லி இந்தியாவின் மத்திய அரசு, தூதரகங்கள் மற்றும் முக்கிய அரசாங்க கட்டிடங்களைக் கொண்டிருக்கிறது. புது தில்லி பிரிட்டிஷ் ஆட்சியின் போது தலைநகராக உருவானது. இந்திய அரசியலின் இதயமாக உள்ளது.
4) மும்பை மற்றும் நவி மும்பை (மகாராஷ்டிரா): மும்பை இந்தியாவின் பரபரப்பான பொருளாதார தலைநகரம். அதன் ஆற்றல்மிக்க பொருளாதாரம், திரைப்படத் துறை மற்றும் நகர்ப்புற வாழ்க்கைக்கு பெயர் பெற்றது. துறைமுகத்தின் மறுபுறத்தில் நவி மும்பை உள்ளது. இது ஒரு மாற்று குடியிருப்பு மற்றும் வணிக மையமாக உருவெடுத்துள்ளது. இவை மகாராஷ்டிர பொருளாதாரத்தின் முதுகெலும்பாக உள்ளன.
5) கொல்கத்தா மற்றும் ஹவுரா (மேற்கு வங்கம்): கொல்கத்தா, இந்தியாவின் கலாச்சார தலைநகரம் என்று குறிப்பிடப்படுகிறது. இது பிரிட்டிஷ் கால கட்டிடக்கலை, இலக்கியம் மற்றும் கலைகளுக்கு பெயர் பெற்ற நகரமாகும். ஹூக்ளி ஆற்றின் குறுக்கே, இந்தியாவின் பரபரப்பான ரயில் நிலையங்களில் ஒன்றான ஹவுரா உள்ளது. ஹவுரா பாலம் இந்த நகரங்களை ஒன்றிணைக்கிறது.
6) புனே மற்றும் பிம்ப்ரி-சின்ச்வாட் (மகாராஷ்டிரா): புனே கலாச்சாரம் மற்றும் கல்வியின் மையமாக உள்ளது. புனேயின் மதிப்புமிக்க கல்வி நிறுவனங்களுக்கும் தகவல் தொழில்நுட்பத் துறையும் பெயர் பெற்றவை. அருகிலுள்ள பிம்ப்ரி-சின்ச்வாட் வேகமாக வளர்ந்து வரும் தொழில் நகரம். கல்வி, உற்பத்தி மற்றும் தொழில்நுட்பம் மூலம் மகாராஷ்டிராவின் பொருளாதாரத்திற்கு கணிசமான பங்களிப்பைச் செய்கின்றன.
7) கொச்சி மற்றும் எர்ணாகுளம் (கேரளா): வரலாற்று சிறப்புமிக்க துறைமுக நகரமான கொச்சி, கடல்சார் பாரம்பரியம், சுற்றுலா மற்றும் வணிக சூழலுக்கு பெயர் பெற்றது. கொச்சியின் நகர்ப்புற மையமான எர்ணாகுளம், கொச்சியின் கலாச்சார மற்றும் பொருளாதார பலத்தை பூர்த்தி செய்கிறது. இந்த நகரங்கள் கேரளாவின் நகர்ப்புற வளர்ச்சி மற்றும் பொருளாதாரத்துக்கு முக்கியமானவை.
8) ஜல்பைகுரி மற்றும் சிலிகுரி (மேற்கு வங்காளம்): இமயமலையின் அடிவாரத்தில் அமைந்துள்ள சிலிகுரி வடகிழக்கு இந்தியாவின் வணிக மையமாகவும் நுழைவாயிலாகவும் உள்ளது. அதே நேரத்தில் அருகிலுள்ள ஜல்பைகுரி தேயிலை தோட்டங்களுக்கும் இயற்கை எழிலுக்கும் பெயர் பெற்றது. பொருளாதாரம் மற்றும் சுற்றுலாவில் முக்கிய பங்கு வகிக்கின்றன.
9) நொய்டா மற்றும் கிரேட்டர் நொய்டா (உத்தரப்பிரதேசம்): நொய்டா, டெல்லிக்கு அருகில் உள்ள நவீன நகரம். விரைவான வளர்ச்சி மற்றும் உள்கட்டமைப்புக்கு பெயர் பெற்ற நொய்டா தகவல் தொழில்நுட்பம் மற்றும் தொழில்துறை மையமாகவும் உருவெடுத்துள்ளது. கிரேட்டர் நொய்டா, வளர்ந்து வரும் தொழில்துறை மற்றும் குடியிருப்பு மையமாக உள்ளது. இந்த நகரங்கள் தேசிய தலைநகர் பிராந்தியத்தின் (NCR) முக்கிய அங்கமாக உள்ளன.
சேனலை கிளிக் செய்து பின்தொடரவும்