Javvarisi kesari recipe Tamil: ஊட்டச்சத்து மிகுந்த இந்த ஜவ்வரிசியை கொண்டு நாம் ஒரு சுவையான கேசரியை எப்படி தயார் செய்யலாம் என்பதை பார்ப்போம்.
நம்முடைய முன்னோர்களின் காலத்தில் இருந்து, வீட்டின் நிகழும் அனைத்து நிகழ்வுகளிலும் இந்த ஜவ்வரிசி இல்லாத உணவுவே இருக்காது. ஜவ்வரிசி நம் உடலில் ஆற்றலை அதிகப்படுத்தும். அது மட்டும் இல்லாமல் இது எலும்புகளுக்கும் ஒரு நல்ல ஊட்டச்சத்து நிறைந்த உணவாகும். இத்தகைய பல்வேறு ஆரோக்கிய நன்மைகள் கொண்ட ஜவ்வரிசியை தினமும் உணவில் சேர்த்து கொள்ளுங்கள்.
தேவையான பொருட்கள்:
ஜவ்வரிசி -1 கப்
சர்க்கரை -1 கப்
ஏலக்காய் தூள் – 1/4 டீஸ்புன்
குங்குமப்பூ -1 சிட்டிகை
முந்திரி -10
உப்பு -தேவையான அளவு
செய்முறை விளக்கம்:
ஜவ்வரிசி ஒரு கப் எடுத்து நன்றாக அலசி, தண்ணீர் சேர்த்து ஒரு மணி நேரமாவது ஊற வைத்து கொள்ளுங்கள்.
அடுத்து ஒரு கப் சர்க்கரையை மிக்ஸி ஜாரில் சேர்த்து நல்ல பவுடராக அரைத்து எடுத்து வைத்துக் கொள்ளுங்கள். அதன் பிறகு ஒரு சிறிய கிண்ணத்தில் ஒரு பின்ச் அளவு குங்குமபூவை எடுத்து தண்ணீர் ஊற்றி கலந்து வைத்து கொள்ளுங்கள்.
இப்போது அடுப்பில் பாத்திரத்தை வைத்து விடுங்கள். இரண்டு ஸ்பூன் நெய் ஊற்றி அதில் முந்திரியை போட்டு நன்கு சிவக்க வறுத்து தனியே எடுத்து வைத்து விடுங்கள்.
பின்னர் அதே பேனில் தண்ணீர் வடித்து வைத்துள்ள ஜவ்வரிசியை போட்டு நன்றாக கிளறி விடுங்கள். அதன் பிறகு அரை கப் அளவு தண்ணீரை ஊற்றி ஜவ்வரிசியை 10 நிமிடங்கள் மிதமான தீயில் வேக வைக்க வேண்டும்.
ஜவ்வரிசி வெந்து வந்தவுடன் அரைத்து வைத்துள்ள சர்க்கரை பவுடரை, கொஞ்சம் கொஞ்சமாக சேர்த்து கிண்டிக்கொண்டே இருங்கள். சர்க்கரையை சேர்க்கும் போதே மீதம் இருக்கும் நெய்யை இதில் சிறிது சிறிதாக சேர்த்துக் விடுங்கள்.
இத்துடன் ஏலக்காய் தூளையும் போட்டு, தண்ணீரில் கலந்து வைத்த குங்குமப்பூவையும் இதன் மேல் ஊற்றி, கிளறி இறக்கி விடுங்கள். கடைசியாக இறக்கும் போது கேசரி மீது முந்திரியை தூவி இறக்கி விடுங்கள். அவ்வளவு தான். சுவையான ஜவ்வரிசி கேசரி தயார்..!