Silver Jewellery : கறுத்துப்போன வெள்ளி நகைகளை 5 நிமிஷத்துல பளபளக்க வைக்க சூப்பர் டிப்ஸ்!

Silver Jewellery : வெள்ளி நகைகள் நாளடைவில் கருத்துப் போவது இயல்பு. ஆனால், பாலிஷ் போடாமலேயே வீட்டிலுள்ள கிச்சன் பொருட்களை வைத்து 5 நிமிடத்தில் புதுசு மாதிரி ஜொலிக்க வைக்கலாம். கெமிக்கல் செலவும் தேவையில்லை!

வெள்ளி நகைகள் பளபளக்க இரண்டு பொருள் போதும்!

உங்க வெள்ளி செயின், மோதிரம், கொலுசு எல்லாம் கருத்துப் போச்சா? இனிமேல் கெமிக்கல், பாலிஷ்னு காசு செலவு செய்ய வேண்டாம். கிச்சன்ல இருக்குற ரெண்டே பொருட்களை வைத்து, வெறும் 5 நிமிஷத்துல வெள்ளி நகைகளை புதுசு மாதிரி பளபளன்னு ஜொலிக்க வைக்கலாம்!

இதையும் படிங்க : Guru Mangal Rajayoga : குரு-செவ்வாய் இணைந்து உருவாகும் குரு மங்கள ராஜயோகம்! 4 ராசிகளுக்கு சொத்து சேரும், லாபம் பெருகும்!

வெள்ளி நகைகள் ஏன் கருத்துப் போகுது?

காத்துல இருக்குற சல்பர் கூட வெள்ளி சேரும்போது, அது மேல ஒரு கறுப்புப் படலம் உருவாகும். இதைத்தான் 'டார்னிஷ்' (tarnish)னு சொல்வாங்க. பாலிஷ் பண்ணும்போது இதைத் தேய்ச்சு எடுப்பாங்க. ஆனா, அதிகமா தேய்ச்சா நகைல கீறல் விழும். நாம சொல்ற இந்த முறையில கீறல் விழாமலேயே கறுப்பை நீக்கலாம்.

இதையும் படிங்க : Ice Cube Hack : வாஷிங் மெஷின்ல ஐஸ் கியூப் போட்டா துணி சுருங்காதா? வாங்க பாப்போம்!

தேவையான பொருட்கள்

தேவையான பொருட்கள்: 1 ஷீட் அலுமினியம் ஃபாயில், 1 டேபிள்ஸ்பூன் பேக்கிங் சோடா, 1 டேபிள்ஸ்பூன் உப்பு, 2 முதல் 4 கப் கொதிக்கிற சுடுதண்ணீர், சூடு தாங்குற ஒரு பாத்திரம், துடைக்க ஒரு மென்மையான துணி.

இதையும் படிங்க : Thick Curd : கெட்டித் தயிர் வேணுமா? இந்த ஒரு இலையை போடுங்க! பாட்டி காலத்து டெக்னிக்!

சுத்தம் செய்யும் முறை

1. ஒரு பாத்திரத்துக்குள் அலுமினியம் ஃபாயிலை விரித்து வையுங்கள். ஃபாயிலின் பளபளப்பான பக்கம் மேலே இருக்க வேண்டும்.
2. கருத்துப்போன வெள்ளி நகைகளை ஃபாயிலின் மேல் வையுங்கள். நகைகள் ஃபாயிலைத் தொட்டுக்கொண்டிருக்கும்படி பார்த்துக்கொள்ளுங்கள்.
3. நகைகளின் மீது பேக்கிங் சோடா மற்றும் உப்பைச் சமமாகத் தூவுங்கள்.
4. இப்போது கொதிக்கும் சுடுநீரை மிகவும் கவனமாக ஊற்றுங்கள். நகைகள் முழுவதுமாக தண்ணீரில் மூழ்கியிருக்க வேண்டும்.
5. சுமார் 5 முதல் 10 நிமிடங்கள் அப்படியே ஊறவிடுங்கள். அலுமினியம் ஃபாயில், பேக்கிங் சோடா மற்றும் உப்பு ஆகியவற்றுடன் ஏற்படும் வேதியியல் எதிர்வினை, வெள்ளி நகைகளில் படிந்திருக்கும் கறுப்புப் படலத்தை தளர்த்தி நீக்க உதவும்.
6. இறுதியாக, நகைகளை கவனமாக எடுத்து சுத்தமான தண்ணீரில் நன்றாகக் கழுவுங்கள். பின்னர் மென்மையான துணியால் ஈரம் இல்லாமல் துடைத்து உலர்த்துங்கள். இப்போது உங்கள் வெள்ளி நகைகள் மீண்டும் பளபளப்பாகத் தெரியும்!

இதையும் படிங்க : Numerology : இந்த தேதியில் பிறந்தவர்கள் 40 வயதுக்கு பின் கோடீஸ்வரர் ஆவது உறுதி! உங்க பிறந்த தேதி இருக்கா?

பக்க விளைவுகள் இருக்காது

இந்த சிம்பிளான, நேச்சுரல் முறையில உங்க வெள்ளி நகைகள் மறுபடியும் பளபளக்கும். எந்தப் பக்க விளைவும் இல்லாம, நகையோட அழகை அதிகரிக்க இது ஒரு சூப்பரான வீட்டு வைத்தியம்.

இதையும் படிங்க : Washing Machine : வாஷிங் மெஷின்ல இப்படி துணியைப் போடுங்க, அழுக்கு சுத்தமா இருக்காது!