Parenting Tips : உங்கள் குழந்தைகள் தேர்வில் நல்ல மதிப்பெண்கள் எடுக்க வேண்டும் என்றால், அதற்காக நீங்கள் சில விஷயங்களை மட்டும் செய்தால் போதும். அவை என்னவென்று இங்கு பார்க்கலாம்.
உங்கள் குழந்தை எதிர்காலத்தில் நல்ல நிலைமைக்கு வர வேண்டுமென்றால் அவர்கள் வளரும் கால கட்டத்தில் அவர்கள் நன்றாக படிக்க வேண்டும். மேலும் குழந்தைகளின் கல்விக்கு உகந்த அனைத்து விதமான சலுகைகளையும் அவர்களுக்கு வழங்கி அவர்களை கல்வியில் ஊக்கப்படுத்துவது ஒவ்வொரு பெற்றோரின் கடமையாகும்.
குழந்தைகளின் கற்ற நிலையில் எவ்வித குறைபாடும் ஏற்படாதவாறு அதற்கு ஏற்ற சூழலை உருவாக்குவது பெற்றோரின் பொறுப்பாகும். இது தவிர கீழே கொடுக்கப்பட்டுள்ள சில விஷயங்களையும் பெற்றோர்கள் பின்பற்றுவதன் பின்பற்றுவதன் மூலமும் குழந்தைகள் தேர்வில் நல்ல மதிப்பெண்களை பெற உதவும்.
இதையும் படிங்க: பிள்ளைகள் உங்கள் பேச்சை தட்டாமல் கேட்கனுமா? பெற்றோருக்கான பெஸ்ட் டிப்ஸ்!!
குழந்தைகள் நல்ல படிக்க பெற்றோர்களுக்கான சில டிப்ஸ்:
வீட்டில் படிப்பதற்கு தனி இடம்
உங்களது வீட்டில் ஹால், படுக்கையறை, சமையலறை என இருந்தாலும் உங்கள் பிள்ளைகள் படிப்பதற்கு என ஒரு அறை அல்லது இடம் ஒதுக்கி இருக்கிறீர்களா? இல்லையெனில் இப்போது உங்கள் பிள்ளைக்கு அத்தகைய இடத்தை அமைத்துக் கொடுங்கள். ஏனெனில் உங்கள் குழந்தைகள் படிக்கும் போது எந்தவித இடையூறும் ஏற்படக்கூடாது.
நீங்களே டெஸ்ட் வைக்கலாம்
உங்கள் குழந்தைக்கு அவர்கள் எளிதாக செய்யக்கூடிய வகையில் டெஸ்ட் வைக்கலாம். பெரிய டாஸ் கொடுத்து குழந்தைகளை குழப்ப வேண்டாம். இதனால் குழந்தைகளுக்கு மன உளைச்சல் ஏற்படும். அதுபோல குழந்தைகளுக்கு திட்டம் ஏதேனும் இருந்தால் அதை வெவ்வேறு பிரிவுகளாக பிரிக்கவும். அதாவது எழுதுவது, ப்ராஜெக்ட் செய்வது, இது போன்ற பல. மேலும் இவற்றுக்கு நீங்கள் ஒரு கால கெடுவை அமைத்துக் கொடுங்கள். இப்படி செய்வதன் மூலம் குழந்தைகளுக்கு உத்வேகத்தை அளிக்கிறது.
குரூப் ஸ்டடி
நீங்கள் வேண்டுமானால் உங்கள் பிள்ளையை அவர்களது நண்பர்களுடன் சேர்ந்து குரூப் ஸ்டடி படிக்க வைக்கலாம். இதன் மூலம் உங்களுக்கு குழந்தையின் படிப்பில் ஏதேனும் சந்தேகம் இருந்தால் அவர்களுடன் கேட்டு கற்றுக் கொள்வார்கள்.
புது உத்திகளை சொல்லுங்கள்
உங்கள் குழந்தைக்கு நீங்கள் சில சுவாரசியமான நுட்பங்கள் மூலம் அவைகளை கல்வியில் ஊக்குவிக்கவும். இது தவிர பல்வேறு வகையான வினாடி வினாக்கள், புதிர்கள் போன்றவற்றை குழந்தைகளிடம் கேளுங்கள். அதுபோல வீட்டில் ஒரு சில போட்டியை நடத்துவதன் மூலம் அல்லது சிறிய பரிசுகளுடன் கணித புதிர் சவாலை உருவாக்குவதன் மூலம் குழந்தைகளை கற்க ஊக்குவிக்கலாம்.
அவர்களது சிரமத்தை அறிந்து கொள்ளுங்கள்
குழந்தைகளுக்கு எழுதவும், படிக்கவும் எல்லா வாய்ப்பையும் கொடுப்பது எவ்வளவு முக்கியமோ, அதுபோல எந்த கட்டத்தில் அவர்கள் சிரமப்படுகிறார்கள் என்பதை அறிந்து கொள்வது மிகவும் நல்லது. ஏனெனில் கற்றலுக்குப் பிறகு குழந்தைகளுக்கு வாரம் ஒரு முறை பரிசோதனை செய்வதன் மூலம், அவர்கள் செய்யும் தவறுகளை கண்டறிந்து திருத்திக் கொள்ளலாம். இதன் மூலம் பள்ளி தேர்வை குழந்தைகள் தைரியமாக எதிர்கொள்ள முடியும்.
இதையும் படிங்க: பொய் சொல்ற குழந்தைகளை மாத்தனுமா? பெற்றோர் இந்த '3' விஷயங்களை அவங்ககிட்ட சொன்னா போதும்!!