வாழை இலைக்கும் பாம்புக்கும் இப்படி ஒரு தொடர்பா? முன்னோரின் அற்புத ரகசியம்!!
First Published | Jan 9, 2025, 10:02 AM ISTBanana Leaf Benefits : வாழை இலை குறித்து முன்னோர்கள் தெரிந்து வைத்துள்ள பல விஷயங்கள் நமக்கு ஆச்சரியத்தை ஏற்படுத்தக் கூடியவை.
☰
Banana Leaf Benefits in Tamil
நம்முடைய வீடுகளில் ஏதேனும் விசேஷங்கள் நடந்தால் பூஜை செய்வது முதல் சாப்பாடு பரிமாறுவது வரை வாழை இலைக்கென்று தனிபங்கு உண்டு. வாழை இலை இல்லாத சுப காரியங்களை, அவ்வளவு ஏன் அசுப காரியங்களை கூட காண்பது கடினம். திருமண விழாக்களில் பொதுவாக வாழையிலேயே விருந்து பரிமாறுவார்கள். இப்படி வாழையிலை தேர்ந்தெடுக்க ஏதேனும் சிறப்பு காரணங்கள் இருக்கிறதா என்பதை எப்போதாவது யோசித்திருக்கிறீர்களா? உண்மையில் நம் முன்னோர் வாழை இலையை உணவு பரிமாற தேர்வு செய்ய சிறப்பு காரணம் இருக்கிறது.
Secret Benefits of Banana Leaves in Tamil
நாம் பரிமாறும் உணவில் உள்ள நஞ்சினை நீக்கும் சக்தி வாழை இலைக்கு உண்டு. அதெப்படி, வாழை இலை நஞ்சு நீக்கும் என தோன்றுகிறதா? ஆனால் உண்மைதான். இப்போதும் கிராமங்களில் பாம்பு சீண்டினால் உடனடி முதலுதவியாக வாழை மட்டையை எடுத்து சாறு பிழிந்து கொடுப்பார்கள். வாழையின் அடிக்கிழங்கில் சுரந்து வரும் நீரை அருந்த கொடுப்பார்கள். விழாக்களில் வாழை கட்டுவதற்கு பின்னணியும் இதுதான். மக்கள் அதிகம் கூடும் இடங்களில் அதாவது கோயில் திருவிழா, மண விழா என சுப நிகழ்வுகளில் ஏன் இறப்பு வீடுகளில் கூட வாழை இடம்பெறுவது இதற்காகதான். ஏதேனும் பூச்சி தீண்டினால் கூட உடனடியாக முதலுதவி செய்ய வாழை உதவியாக இருக்கும். இப்படிதான் வாழையிம் அடையாளம் மங்களகரமாக மாறி வந்தது.
இதையும் படிங்க: இந்த நன்மைகளை பற்றி தெரிந்து கொண்டால் இனி கண்டிப்பா வாழை இலைகளில் தான் சாப்பிடுவீங்க..
Tap to resize
Banana Leaf Benefits in Tamil
நச்சு முறிப்புக்காக தான் தமிழர்கள் வாழைமரத்தை சுப நிகழ்ச்சிகளில் கட்டத் தொடங்கினார்கள் என தகவல்கள் உள்ளன. திருமண பந்தல் தொடங்கி, இடுகாட்டு நிகழ்வு வரை வாழை அவசியமாகிவிட்டது. எந்த கெட்டதும் நடக்காமல் தடுப்பதே அது நல்லது தானே. முன்னோரின் இந்த செயல் தான் மங்களகரமான அடையாளமாக மாறியுள்ளது.
இதையும் படிங்க: வாழை இலையில் கொட்டிக்கிடக்கும் ஆரோக்கிய நன்மைகள்! இவ்ளோ நாள் தெரியாம போச்சே!
Banana leaf nutrition in Tamil
வாழை இலையில் உணவு பரிமாறுவது ஏன்?
வாழை இலையில் சாப்பிடுவது நஞ்சை முறிப்பது மட்டுமின்றி மற்ற நன்மைகளையும் கொண்டுள்ளது. வாழை இலை சாப்பிடுவதற்கு வசதியாக இருப்பதோடு இல்லாமல் அதில் பல்வேறு சத்துக்களும் காணப்படுகின்றன. அதில் நம் உடலுக்கு தேவையான ஆன்டி ஆக்சிடன்ட் மிகுந்துள்ளது. வாழை இலையில் அடிக்கடி சாப்பிடுவது செல் சிதைவை தடுத்து முதுமையை தாமதமாக்கும். வாழை இலையில் சூடாக சாப்பிடுவதால் மனநிலை சமநிலையாகி மன அழுத்தம் குறையும். இதய நோய் ஆபத்து குறைகிறது.
Banana leaf uses in Tamil
வாழை இலையின் நன்மைகள்:
- வாழை இலையில் உள்ள பாலிபினால் செல்களின் காணப்படும் டிஎன்ஏவினை கதிர்வீச்சிலிருந்து பாதுகாப்பதாக சொல்லப்படுகிறது. வாழை இலையில் சாப்பிடுவதால் சருமம் பளபளப்பாக மாறும்.
- இளநரையை தடுக்க வாழை இலையில் சாப்பிடுவதை பழக்கமாக்கலாம். வாழை இலையின் சாறு எடுத்து கேசரி போன்ற இனிப்பு பண்டங்கள் செய்தும் உண்ணலாம். சுவையுடன் ஆரோக்கியமாகவும் இருக்கும்.
- சிறுநீரகக் கல் காணப்படுபவர்கள் வாழைத்தண்டு சாறு குடித்தால் நல்லது. அதை போல வாழை இலை கூட சிறுநீரகம், விதைப்பை பிரச்சனையில் இருந்து உங்களை காக்கும் ஆற்றல் லொண்டது.
- வாழை இலையில் சூடாக உணவை சாப்பிடும்போது அது வெந்து இலையின் காணப்படும் பாலிபினால் நம் உணவில் கலந்துவிடும். இதனால் உங்களுக்கு வைட்டமின் 'ஏ', கால்சியம், கரோட்டின் ஆகிய சத்துக்கள் கிடைக்கின்றன. உடலைக் குளிர்ச்சியாக வைத்துக்கொள்ள வாழை இலையில் சாப்பிடலாம்.
Latest Videos
சேனலை கிளிக் செய்து பின்தொடரவும்click me!