Best Pressure Cooker: குக்கர் வாங்க போறீங்களா? அலுமினியமா, ஸ்டீலா? இந்த விஷயம் தெரிஞ்சுதான் வாங்கணு
குக்கர் வாங்கும்போது அலுமினியமா, ஸ்டீலா என்ற குழப்பம் பலருக்கும் இருக்கும். விலை முதல் நீடித்த பயன்பாடு வரை இரண்டுக்கும் உள்ள முக்கிய வித்தியாசங்களை தெரிஞ்சுக்கிட்டு சரியான குக்கரை தேர்வு செய்யலாம்…
புதிதாக பிரஷர் குக்கர் வாங்கும்போது “அலுமினியம் குக்கரா? ஸ்டெயின்லெஸ் ஸ்டீல் குக்கரா?” என்ற குழப்பம் பலருக்கும் இருக்கும். இரண்டுமே சமையலுக்கு பயன்பட்டாலும், எடை, நீடித்து உழைக்கும் தன்மை, பராமரிப்பு, விலை, சமையல் வசதி என பல விஷயங்களில் வேறுபாடு இருக்கிறது. உங்களுடைய சமையல் பழக்கத்துக்கு ஏற்ற குக்கரை தேர்வு செய்வது முக்கியம்.
அலுமினியம் குக்கர் – லைட் வெயிட், பட்ஜெட்டுக்கு ஏற்றது..!
அலுமினியம் குக்கர்களின் முக்கியமான சிறப்பு அவற்றின் குறைந்த எடை. தினமும் குக்கரை தூக்கி பயன்படுத்த வேண்டிய சூழலில் இது வசதியாக இருக்கும். மேலும், பொதுவாக ஸ்டீல் குக்கர்களைவிட அலுமினியம் மாடல்கள் குறைந்த விலையில் கிடைக்கக்கூடும்.
அலுமினியம் வெப்பத்தை வேகமாக கடத்தும் தன்மை கொண்டதால், சமையலின்போது குக்கர் விரைவாக சூடாகும். இதனால் சாதம், பருப்பு, காய்கறிகள் போன்ற அன்றாட சமையலுக்கு பலரும் இதை பயன்படுத்துகின்றனர்.
ஆனால் அலுமினியம் ஒப்பீட்டளவில் மென்மையான உலோகம் என்பதால், நீண்ட கால பயன்பாட்டில் கீறல்கள் மற்றும் தேய்மானம் ஏற்பட வாய்ப்பு உள்ளது. அதிக அமிலத்தன்மை கொண்ட உணவுகளை நீண்ட நேரம் சமைத்து அல்லது சேமித்து வைப்பதை தவிர்ப்பது நல்லது.
ஏஷ்யாநெட் தமிழ் நியூஸின் லைஃப்ஸ்டைல் பிரிவு, வாசகர்களுக்கு வாழ்க்கை முறை, உறவுகள் மற்றும் நடைமுறை வாழ்க்கை குறித்து வளமான தகவல்களை வழங்குகிறது. இதில் ஆரோக்கிய ஆலோசனைகள், உணவு மற்றும் ஊட்டச்சத்து குறிப்புகள், ஃபாஷன் டிரெண்ட்ஸ் மற்றும் தினசரி வாழ்க்கையை மேம்படுத்தும் சிந்தனையூட்டும் கருத்துகள் அடங்கும்.